BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اقىشەۆ تەڭگەنىڭ السىرەۋ سەبەبىن ٴتۇسىندىردى

فوتو: интернеттен

استانا، baq.kz. 2018-2020 جىلدارعا ارنالعان رەسپۋبليكالىق بيۋدجەتكە وزگەرىستەردىڭ ولشەمدەرى قازاقستان ۇلتتىق بانكىمەن تولىق كەلىسىلگەن، اعىمداعى جىلى جەكەلەگەن ماكروەكونوميكالىق كورسەتكىشتەردى قايتا قاراۋعا نەگىزدەلدى. بۇل تۋرالى قازاقستان ۇلتتىق بانكىنىڭ ٴتوراعاسى دانيار اقىشەۆ قر پارلامەنتى ٴماجىلىسىنىڭ وتىرىسىندا بايانداما جاساعان كەزدە ايتتى. سونىمەن قاتار، ول بيىل تەڭگەنىڭ السىرەۋىنە سەبەپ بولعان فاكتورلاردى اتاپ ٴوتتى.

ول ينفلياسيانىڭ 2018 جىلعى قاڭتار-قىركۇيەكتە 3،3% بولعانىن اتاپ ٴوتتى، بۇل وتكەن جىلدىڭ كورسەتكىشتەرىنەن تومەن. جىلدىق ينفلياسيا وتكەن جىلدىڭ سوڭىنداعى 7،1%-بەن سالىستىرعاندا قىركۇيەكتە 6،1%-عا دەيىن تومەندەدى.

«قازاقستان ۇلتتىق بانكىنىڭ باعالاۋىنشا، 2018 جىلى ينفلياسيا 5-7% نىسانالى دالىزدە ساقتالادى، ال 2019 جىلى ينفلياسيا 4-6% جاڭا نەعۇرلىم تومەن نىسانالى ٴدالىزدىڭ جوعارى شەگىنە جۋىق قالىپتاسۋعا ٴتيىس»، - دەدى د. اقىشەۆ.

ول بولاشاق ينفلياسيانىڭ وسۋىنە جول بەرمەۋ ٴۇشىن ۇلتتىق بانك 15 قازاندا بازالىق مولشەرلەمەنى 9%-دان 9،25%-عا دەيىن كوتەرۋ تۋرالى شەشىم قابىلداعانىن اتاپ ٴوتتى. بازالىق مولشەرلەمەنىڭ جاڭا دەڭگەيى تەڭگەمەن اكتيۆتەرگە سۇرانىستى ارتتىرادى جانە قولايلى اقشا-كرەديت تالاپتارىن ساقتاۋعا مۇمكىندىك بەرەدى.

«جىل باسىنان باستاپ 16 قازان ارالىعىندا ۆاليۋتا نارىعىندا تەڭگە باعامى ٴبىر اقش دوللارى ٴۇشىن 366،86 تەڭگەگە دەيىن 10،4%-عا السىرەدى. تەڭگەنىڭ السىرەۋى سىرتقى فاكتورلارعا بايلانىستى بولدى. بىرىنشىدەن، دامۋشى ەلدەردىڭ ۆاليۋتالارىنا قاتىستى اقش دوللارىنىڭ نىعايۋى. ەكىنشى فاكتور – كەلەشەكتە رەسەيگە قارسى سانكسيالاردى قاتاڭداتۋ تۋرالى حابارلاۋ. وسىنىڭ اياسىندا، جىل باسىنان بەرى رەسەي ٴرۋبلىنىڭ السىرەۋى 15% بولدى»، - دەپ ٴتۇسىندىردى قازاقستان ۇلتتىق بانكىنىڭ باسشىسى.

سونداي-اق، د. اقىشەۆ قازاقستان ۇلتتىق بانكىنىڭ ايىرباستاۋ باعامىنىڭ شەگىن، ٴدالىزىن نەمەسە باسقا ولشەمدەرىن بەلگىلەمەستەن وزگەرمەلى ايىرباستاۋ باعامى ساياساتىن جالعاستىراتىنىن ايتتى.

ونىڭ ايتۋىنشا، الدىن الا دەرەكتەر بويىنشا، قىركۇيەكتىڭ سوڭىندا ۇلتتىق بانكتىڭ التىنۆاليۋتا رەزەرۆتەرى 30 ملرد اقش دوللارىن، ۇلتتىق قوردىڭ اكتيۆتەرى - 56،3 ملرد اقش دوللارىن قۇرادى. حالىقارالىق رەزەرۆتەردىڭ جالپى كولەمى 86،4 ملرد اقش دوللارى بولدى.

«وسى جىلدىڭ 8 ايىندا دەپوزيتتەر 1%-عا 17،7 ترلن تەڭگەگە دەيىن ٴوستى. ۇلتتىق ۆاليۋتاداعى دەپوزيتتەردىڭ ٴوسىمى 4،1% نەمەسە 380 ملرد تەڭگەنى قۇرادى. شەتەل ۆاليۋتاسىنداعى دەپوزيتتەر 2،5%-عا نەمەسە 210 ملرد تەڭگەگە قىسقاردى. ناتيجەسىندە، دەپوزيتتەردىڭ دوللارلانۋى 46%-عا دەيىن تومەندەدى. 1 قازاننان باستاپ جەكە تۇلعالاردىڭ دەپوزيتتەرى بويىنشا ەڭ جوعارى مولشەرمەلەردى انىقتاۋ ٴتاسىلى وزگەردى. مولشەرلەمەلەر سالىمنىڭ مەرزىمدەرى مەن تۇرلەرى بويىنشا سارالانادى»، - دەپ حابارلادى بانك ٴتوراعاسى.

قازاقستان ۇلتتىق بانكىنىڭ باسشىسى كرەديتتەۋ نارىعى قالپىنا كەلۋدە ەكەندىگىن ايتتى. جىل باسىنان بەرى بانكتەردىڭ كرەديتتەرى تامىزدىڭ سوڭىندا 2،5%-عا 13 ترلن تەڭگەگە دەيىن ٴوستى.

«قايتا قۇرىلىمداۋدان ٴوتىپ جاتقان جانە ليسەنزيادان ايىرىلعان بانكتەردىڭ كرەديتتىك پورتفەلىن ەسەپكە الماعاندا، ەكونوميكانى كرەديتتەۋدىڭ جىلدىق ٴوسىمى 11،6%-عا نەمەسە 1،3 ترلن تەڭگەگە باعالانادى. اعىمداعى جىلدىڭ 8 ايىندا جاڭا كرەديتتەر بەرۋ 28،1%-عا نەمەسە 1،9 ترلن تەڭگەگە ٴوستى. كاسىپورىندارعا تەڭگەمەن بەرىلەتىن كرەديتتەر بويىنشا مولشەرلەمە جىل باسىنداعى 13،2%-دان 2018 جىلعى تامىزداعى 12،2%-عا دەيىن تومەندەدى»، - دەدى باس بانكير.

ٴوز ٴسوزىن قورىتىندىلاي كەلە د. اقىشەۆ ۇلتتىق بانكتىڭ اعىمداعى باسىمدىعى مەملەكەت باسشىسىنىڭ قازاقستان حالقىنا جولداۋىندا بەرگەن تاپسىرمالارىن ىسكە اسىرۋ بولىپ تابىلاتىنىن اتاپ ٴوتتى.

«ٴبىز ۇكىمەتپەن جانە بانكتەرمەن بىرگە وتىمدىلىكتى بەرۋ تەتىكتەرىن شۇعىل ازىرلەۋگە دايىنبىز. قازاقستان ۇلتتىق بانكى رەسپۋبليكالىق بيۋدجەتتىڭ ولشەمدەرىن قولدايدى جانە باعا تۇراقتىلىعى مەن قارجى نارىعىنداعى تۇراقتىلىقتى قامتاماسىز ەتۋ ٴۇشىن قاجەتتى شارالار قابىلدايدى»، - دەدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي