BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اقىشەۆ 600 ملرد تەڭگەنى بانكتەرگە ينۆەستيسيالاۋعا قاتىستى پىكىرىن ايتتى

استانا، baq.kz ٴتىلشىسى. قر ۇلتتىق بانك ٴتوراعاسى دانيار اقىشەۆ پرەزيدەنتتىڭ بانكتەرگە كەم دەگەندە 600 ميلليارد تەڭگە بەرۋ تاپسىرماسى قالاي ورىندالىپ جاتقانىن ايتىپ بەردى.

«ٴقازىر بۇل ماسەلە ۇكىمەتتە تالقىلانىپ جاتىر. بانكتەر دە ٴوز ۇسىنىستارىن جاسادى. بىزدە بۇكىل مەحانيزمدى دۇرىستاپ جاساپ، ونى جۇزەگە اسىرۋ ٴۇشىن ۋاقىت بار. بۇل قارجىنىڭ ٴتيىمدى يگەرىلۋى، ەكونوميكانىڭ باسىم سالالارىن قولداۋ ٴۇشىن قاجەت. باستىسى، وسى باعدارلاماعا بولىنگەن قارجى قايتارىلسا بولعانى. ٴبىز قارجىنىڭ ٴتۇرلى كوزدەردەن ٴبولىنۋى كەرەكتىگىن تۇسىنەمىز. سوندىقتان "ٴبىرىڭعاي جيناقتاۋشى زەينەتاقى قورى" قارجىسىن پايدالانۋ مۇمكىندىگىن قاراستىرىپ وتىرمىز. ارينە، بجزق قارجىسىمەن جۇرگىزىلىپ جاتقان بارلىق وپەراسيالار زاڭدى»، - دەدى اقىشەۆ ٴماجىلىس كۋلۋارىندا بەرگەن سۇحباتىندا.

ۇلتتىق بانك ٴتوراعاسىنىڭ ايتۋىنشا، اي سايىن زەينەتاقى اكتيۆتەرىنىڭ قايدا، قانداي شارتتارمەن جانە ستاۆكالارمەن ورنالاسقانىن كورۋگە بولادى.

«بانكتەرگە قاتىستى دا سول پرينسيپ ساقتالادى. بجزق سالىمشىلارى ٴۇشىن نە ماڭىزدى؟ ولاردىڭ اقشاسىنىڭ ساقتالىپ، تابىس اكەلەتىنى ماڭىزدى. ال بانكتەردى ساۋىقتىرۋ باعدارلاماسى وڭ ناتيجە بەرىپ كەلەدى. سوڭعى كەزدە ۇلتتىق بانك جۇزەگە اسىرعان شارالاردان كەيىن بانك سەكتورىن ساۋىقتىرۋ باعدارلاماسى بويىنشا ٴبىز وزىمىزگە سەنىمدىمىز جانە بانك سالاسىنداعى جاعداي قالىپتى دەۋگە بولادى. ٴبىز بانكتەر زەينەتاقى اكتيۆتەرى ينۆەستيسيالاناتىنداي سەنىمدى وبەكتىلەرگە اينالادى دەپ ويلايمىز»، - دەدى دانيار اقىشەۆ.

ەسكە سالساق، بۇعان دەيىن قارجى ٴمينيسترى ٴاليحان سمايىلوۆ ەكىنشى دەڭگەيلى بانكتەرگە بەرۋگە تاپسىرىلعان 600 ميلليارد تەڭگەنىڭ جارتىسى ٴبىرىڭعاي جيناقتاۋشى زەينەتاقى قورىنان بولىنەتىنىن حابارلاعان بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي