BAQ.kz - Қазақстан жаңалықтары USD 377.62 BAQ.kz - Қазақстан жаңалықтары EUR 426.03 BAQ.kz - Қазақстан жаңалықтары RUB 5.67
استانا:

ەشكىم ٴبىر جالاقىعا ٴومىر سۇرمەيدى: مۇحامەدي ۇلى ارتىستەردىڭ ەڭبەكاقىسى جايلى ايتىپ بەردى

استانا، baq.kz ٴتىلشىسى. بۇگىن قر مادەنيەت جانە سپورت ٴمينيسترى ارىستانبەك مۇحامەدي ۇلى مادەنيەت سالاسىنداعى قىزمەتكەرلەردىڭ جالاقىسىنا قاتىستى تۇسىنىكتەمە بەردى.

ٴمينيستردىڭ ايتۋىنشا، استانا مەن الماتىداعى تەاتر قىزمەتكەرلەرىنىڭ جالاقىسى 70-80 مىڭ تەڭگەنى قۇرايدى.

«جالاقى ٴاردايىم از، جارايدى، ٴبىز 30 پايىزعا كوتەرەيىك دەلىك، ولاردا 90 مىڭ تەڭگە جالاقى بولادى. ٴبىراق، ٴبىزدىڭ باستى مىندەتىمىز – تالانتتارىمىزعا دامۋعا مۇمكىندىك بەرۋ. جاسىراتىنى جوق، مەن ستۋدەنت كەزىمدە، ٴۇشىنشى كۋرس وقىپ جۇرگەنىمدە مەملەكەتتىك سيمفونيالىق ورەكستردە جۇمىس ىستەدىم. العا ۇمتىلۋ كەرەك بولدى. مەن تاڭعى التىدان تۇنگى ون بىرگە دەيىن جۇمىس ىستەيتىنمىن. سەنبى، جەكسەنبىسىز، سەبەبى العا ۇمتىلعىمىز كەلدى. بۇكىل الەمدە مۋزىكانتتار سولاي جاسايدى، ەشكىم ٴبىر جالاقىعا ٴومىر سۇرمەيدى. ٴقازىر ۆوكالمەن اينالىساتىن تريو، كۆارتەتتەردىڭ مۇمكىندىكتەرى زور، باسقالار دا جۇمىس ىستەيدى. نەمەسە سەرگەي بەزرۋكوۆ پەن ۆلاديمير ماشكوۆ سياقتى ٴوز سپەكتاكلدەرىن قويۋعا بولادى. ولار نەگىزگى جۇمىسىنان بولەك كوممەرسيالىق قويىلىمدار قويىپ، ونەر كورسەتەدى. ارينە، تومەن جالاقى ماسەلەسى بويىنشا ٴبىز جۇمىس اتقارىپ جاتىرمىز. ٴبىزدىڭ باستى مىندەتىمىز – كىتاپحانا مەن مۇراعات قىزمەتكەرلەرىنىڭ ەڭبەكاقىسىن كوتەرۋ»، - دەدى ارىستانبەك مۇحامەدي ۇلى.

ٴمينيستردىڭ ايتۋىنشا، سەبەبى بۇل مامانداردىڭ قوسىمشا اقشا تابۋ مۇمكىندىگى جوق. سوندىقتان، ٴبىرىنشى كەزەكتە سولاردىڭ ەڭبەكاقىسىن كوتەرۋ كەرەك.

«ال مۋزىكانتتار مەن اكتەرلەر قىزمەتىنىڭ اۋقىمى كەڭ. دەگەنمەن، ارينە، ٴبىز بارلىعىنىڭ جالاقىسىن كوتەرۋگە مۇددەلىمىز»، - دەدى مۇحامەدي ۇلى.

ەستەرىڭىزگە سالا كەتەيىك، بۇعان دەيىن مينيستر سامالدىڭ جەڭىسىن پرەزيدەنتكە كەشىكتىرىپ حابارلاعانىن ايتقان بولاتىن. سونىمەن قاتار، ۇلتتىق وپەراعا ستۋدەنتتەردى، اعايىن-تۋىستاردى اپارىپ، وتىرعىزىپ قوياتىندارى جايلى ايتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي