BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

2018 جىلى brent ماركالى مۇنايدىڭ باعاسى 75 دوللاردان اسادى – ساراپشىلار

ساراپشىلاردىڭ بولجاۋىنشا، 2018 جىلى brent ماركالى مۇنايدىڭ ٴبىر باررەلىنىڭ باعاسى 75 دوللاردان اسادى، دەپ حابارلايدى baq.kz اقپارات اگەنتتىگى ls سايتىنا سىلتەمە جاساپ.

مۇناي سەكتورى مامانى شاميل داۋرانوۆتىڭ پىكىرىنشە، 2018 جىلى اتالعان ماركالى مۇنايدىڭ ٴبىر باررەلىنىڭ باعاسى ورتاشا ەسەپپەن 55-60 دوللار بولۋى مۇمكىن. مۇنىمەن قاتار، ول بيىل الەمدەگى مۇناي باعاسىنىڭ 45 دوللاردان 54،9 دوللارعا دەيىن قىمباتتاعانىن ايتتى.

«سوڭعى ٴۇش جىلدا مۇناي سالاسىندا نارىق باعاسىنىڭ تۇزىلۋىنە سپەكۋلياتيۆتى قۇرام مۇمكىندىكتەرىن شەكتەيتىن وزگەرىستەر بولدى. بىرىنشىدەن، بۇل تاقتاتاس مۇنايىنىڭ كوپتەپ وندىرىلە باستاۋىمەن بايلانىستى. ەكىنشىدەن، ەنەرگيانى ۇنەمدەۋ تەحنولوگيالارىنىڭ دامۋىمەن بايلانىستى. ۇشىنشىدەن، نارىق باعاسىنىڭ تۇزىلمەۋىنە مۇناي وندىرەتىن مەملەكەتتەردىڭ سۇرانىس پەن ۇسىنىستاردى رەتتەۋ ماقساتىندا مۇنايدى ەكسپورتقا شىعارماۋى اسەر ەتتى. ەگەر مۇناي وندىرەتىن مەملەكەتتەر وسى باعىتتا جۇمىس ىستەيتىن بولسا، الەمدەگى مۇناي باعاسى شامامەن 55-65 دوللار بولادى. 2018 جىلى ورتاشا جىلدىق باعاسى 55-60 دوللار كولەمىندە بولۋى مۇمكىن»، - دەيدى داۋرانوۆ.

ول مۇناي باعاسىنىڭ تومەندەۋىنە ەكونوميكانىڭ ٴارتۇرلى سالاسىنداعى ەنەرگيانى ۇنەمدەۋ تەحنولوگيالارىنىڭ، تاقتاتاس مۇناي مەن گازدىڭ كوپتەپ ٴوندىرىلۋى تىكەلەي اسەر ەتەتىنىن ايتىپ ٴوتتى. ال كەرىسىنشە باعانىڭ وسۋىنە قىتاي، اقش جانە ٴۇندىستان سەكىلدى الەمدەگى ٴىرى ەكونوميكالاردىڭ ٴوسۋى دە ىقپال ەتەتىنىن تىلگە تيەك ەتتى.

مۇنىمەن قاتار، مامان مۇناي ٴوندىرۋدى قىسقارتۋ كەلىسىمىنە نازار اۋداردى. 2018 جىلدىڭ ٴبىرىنشى جارتىجىلدىعىندا وپەك+ كەلىسىمى قاتاڭ تۇردە ورىندالىپ وتىرادى دەپ بولجادى. ايتۋىنشا، كوپتەگەن مەملەكەتتىڭ مۇناي ەكسپورتىن كوبەيتۋ تۋرالى تالابىن ەسكەرە كەلە، 2018 جىلدىڭ ەكىنشى جارتىجىلدىعىندا يران، يراك، ۆەنەسۋەلا جانە قازاقستان سىندى مەملەكەتتەر بۇل كەلىسىمدى ورىنداماۋلارى مۇمكىن.

«ەگەر الەمدەگى مۇناي مەن گاز باعاسى 40-45 دوللارعا دەيىن تومەندەسە، ولاردى ەكسپورتتايتىن مەملەكەتتەر مۇناي ٴوندىرىسىن رەتتەۋدى قاتاڭ تۇردە جۇرگىزۋلەرى دە مۇمكىن»، - دەيدى داۋرانوۆ.

ەستەرىڭىزگە سالا كەتسەك، ليۆياداعى مۇناي قۇبىرى جارىلعاننان كەيىن brent ماركالى مۇناي باررەلىنىڭ باعاسى 67 دوللارعا جەتكەنى تۋرالى حابارلاعان بولاتىنبىز. مۇنىمەن قاتار، شەتەلدىك ساراپشىلار مۇناي باعاسىنىڭ مۇنىمەن توقتاماي، 70 دوللارعا دەيىن ٴوسۋى مۇمكىن ەكەنىن بولجاعان ەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي