جەكە تۇلعالاردىڭ ۆاليۋتالىق يپوتەكالىق قارىزدارىن قايتا قارجىلاندىرۋ مەرزىمى ۇزارتىلدى

فوتو: ашық дереккөзден

الماتى، baq.kz. قر ۇلتتىق بانكى باسقارماسىنىڭ قاۋلىسىمەن يپوتەكالىق قارىزداردى قايتا قارجىلاندىرۋ باعدارلاماسىنا جەكە تۇلعالاردىڭ 2016 جىلعى 1 قاڭتارعا دەيىن بەرىلگەن ۆاليۋتالىق يپوتەكالىق قارىزدارىن قايتا قارجىلاندىرۋ مەرزىمىن ۇزارتۋدى كوزدەيتىن وزگەرىستەر ەنگىزىلدى. بۇل تۋرالى ۇلتتىق بانكتىڭ ٴتوراعاسى دانيار اقىشەۆ مالىمدەدى.

ايتا كەتەيىك، مەملەكەت باسشىسىنىڭ تاپسىرماسى بويىنشا 2018 جىلعى ناۋرىزدان باستاپ باعدارلاما شەڭبەرىندە بانكتەردىڭ جەكە تۇلعالاردىڭ ۆاليۋتالىق يپوتەكالىق قارىزداردى ۇلتتىق بانكتىڭ 2015 جىلعى 18 تامىزداعى باعامى بويىنشا (ٴبىر اقش دوللارى ٴۇشىن 188،35 تەڭگە) تەڭگەمەن قايتا قارجىلاندىرۋدى جۇزەگە اسىرىپ جاتقاندىعىن اتاپ ٴوتتى.

«بۇگىنگى كۇنى بانكتەر 40،1 ملرد تەڭگە سوماعا 5 131 ٴوتىنىمدى قايتا قارجىلاندىرۋعا ماقۇلدادى، 27،7 ملرد تەڭگە سوماعا 3 845 قارىز قايتا قارجىلاندىرىلدى. ۆاليۋتالىق يپوتەكالىق قارىز الۋشىلاردى باعدارلامامەن بارىنشا قامتۋ ماقساتىندا ۆاليۋتالىق يپوتەكالىق قارىزداردى قايتا قارجىلاندىرۋ مەرزىمى 2019 جىلعى 15 شىلدەگە دەيىن ۇزارتىلدى»، - دەپ حابارلادى ۇلتتىق بانك باسشىسى.

جالپى، باعدارلاماعا ەنگىزىلگەن تۇزەتۋلەرگە ساي قارىز الۋشىلار كرەديتور بانككە 2019 جىلعى 1 شىلدەدەن كەشىكتىرمەيتىن مەرزىمدە قايتا قارجىلاندىرۋعا ٴوتىنىش بەرۋى قاجەت.

بۇدان باسقا، قازاقستان ۇلتتىق بانكىنىڭ باسشىسى ۆاليۋتالىق يپوتەكالىق قارىزداردى قايتا قارجىلاندىرۋعا ۇلتتىق بانكتىڭ قاراجاتىنان بانكتەرگە قايتارىمدى نەگىزدە 156 ملرد تەڭگە بولىنەتىنىن حابارلادى.

«مەملەكەتتىك جەكە ارىپتەستىك شەڭبەرىندە بانكتەر قارىز الۋشىلاردىڭ سىياقى، كوميسسيالار جانە تۇراقسىزدىق ايىبى (ٴوسىمپۇل) بويىنشا 136 ملرد تەڭگەدەن استام سوماعا بەرەشەگىن كەشىرەتىن بولادى»، - دەپ اتاپ ٴوتتى قازاقستان ۇلتتىق بانكىنىڭ باسشىسى.

د. اقىشەۆ قايتا قارجىلاندىرۋ باعدارلاماسىن ۇلتتىق بانكتىڭ 2015 جىلدان باستاپ ىسكە اسىرىپ جاتقانىن ەسكە سالدى. باعدارلامانىڭ ٴبىرىنشى بولىگىن ىسكە اسىرۋ شەڭبەرىندە ۇلتتىق بانك بانكتەردىڭ 2004 – 2009 جىلدار ارالىعىنداعى كەزەڭدە بەرگەن جانە جالعىز باسپانامەن قامتاماسىز ەتىلگەن قارىزداردى قايتا قارجىلاندىرۋعا 130 ملرد تەڭگە ٴبولدى.

«2018 جىلعى 1 جەلتوقسانداعى جاعداي بويىنشا بانكتەر باعدارلامانىڭ ٴبىرىنشى بولىگى بويىنشا 158،3 ملرد تەڭگە سوماعا 25 556 ٴوتىنىمدى ماقۇلدادى، 137،7 ملرد تەڭگە سوماعا 23 673 قارىزدى قايتا قارجىلاندىردى. اقشانى يگەرۋدىڭ رەۆولۆەرلىك تەتىگىن ەسكەرە وتىرىپ، قايتا قارجىلاندىرىلعان قارىزداردىڭ سانى 2026 جىلعا دەيىن شامامەن 40 مىڭداي بولادى دەپ بولجانۋدا. بۇل باعدارلامانىڭ الدىندا تۇرعان مىندەتتەر بولىنگەن قاراجاتتىڭ تولىق يگەرىلۋىنە بايلانىستى ورىندالدى»، - دەپ حابارلادى ۇلتتىق بانك باسشىسى.

د. اقىشەۆ سونداي-اق قازاقستان ۇلتتىق بانكىنىڭ مۇلكى قازىرگى ۋاقىتتا بانكتەردىڭ بالانسىندا تۇرعان يپوتەكالىق قارىز الۋشىلاردى قولداۋدىڭ سوڭعى ساتىسىنا كىرىسكەنىن اتاپ ٴوتتى.

«بانكتەرگە باعدارلاما شەڭبەرىندە قارىز الۋشىنىڭ يپوتەكالىق قارىز شارتى بويىنشا مىندەتتەمەلەردى ورىنداماۋىنا نەمەسە تيىسىنشە ورىنداماۋىنا بايلانىستى وعان ٴوندىرىپ الۋدى قولدانۋ ناتيجەسىندە بانكتەردىڭ مەنشىگىنە وتكەن تۇرعىن ٴۇيدى جالعا بەرۋ قۇقىعى زاڭنامالىق تۇرعىدان بەرىلدى. تاياۋ ۋاقىتتا ۇلتتىق بانكتە مۇددەلى مەملەكەتتىك ورگانداردىڭ، ساياسي پارتيالاردىڭ، ەكىنشى دەڭگەيدەگى بانكتەردىڭ وكىلدەرىنىڭ جانە قوعامدىق بىرلەستىكتەر باسشىلارىنىڭ قاتىسۋىمەن جۇمىس توبىنىڭ وتىرىسى وتەدى، وندا تۇرعىن ٴۇيدى جالعا بەرۋ تالاپتارى تالقىلانىپ، ازىرلەنەدى. جۇمىس توبى بۇل تالاپتاردى ازىرلەگەننەن كەيىن باعدارلاماعا ٴتيىستى تولىقتىرۋلار ەنگىزىلەدى. بۇدان ٴارى ۇلتتىق بانك حالىقتىڭ قارجىلىق ساۋاتتىلىعىن ارتتىرۋ جانە قارجى ۇيىمدارى كورسەتەتىن قىزمەتتەردىڭ ساپاسىن جاقسارتۋ جونىندەگى جۇمىستى جالعاستىرادى»، - دەپ تۇيىندەدى ۇلتتىق بانك ٴتوراعاسى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!