BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ۇلتتىق بانك: تەڭگە وتكەن اپتادا ٴبىر شاما نىعايدى

2018 جىلعى 25 تامىزداعى ساۋدا-ساتتىق قورىتىندىلارى بويىنشا تەڭگەنىڭ نارىقتىق باعامى ٴبىر اقش دوللارى ٴۇشىن ٴبىر اپتا ىشىندە 0،1%-عا نىعايىپ، 359،64 تەڭگە دەڭگەيىندە قالىپتاستى، دەپ حابارلايدى baq.kz اقپارات اگەنتتىگى ۇلتتىق بانككە سىلتەمە جاساپ.

سىرتقى ۆاليۋتالىق نارىق تۇرعىسىنان 2018 جىلعى 17 تامىزدان 25 تامىز ارالىعىندا ماڭىزدى وقيعالار ٴفرج-نىڭ شىلدەدەگى وتىرىسىنىڭ حاتتاماسىن جاريالاۋ، ورتالىق بانك وكىلدەرىنىڭ دجەكسون-حوۋلدەگى سامميتتە ەكونوميكالىق تۇراقتىلىق جانە مونەتارلىق ساياساتقا قاتىستى مالىمدەۋلەرى، اقش پرەزيدەنتى د.ترامپتىڭ ٴفرج-نىڭ نەگىزگى مولشەرلەمەسىنىڭ ٴوسۋ قارقىنىنا جانە قىتاي ۆاليۋتاسىمەن ايلا-شارعىلارىنا قاتىستى سىني پىكىرى، اقش پەن قىتاي اراسىنداعى ساۋدا-ساتتىق كەلىسپەۋشىلىكتەر ماسەلەلەرى بويىنشا ۋاعدالاستىقتىڭ بولماۋى بولدى. اتالعان فاكتورلار اقش دوللارى باعامىنىڭ الەمدىك نارىقتاردا السىرەۋىنە اكەلدى.

دامۋشى ەلدەردىڭ ۆاليۋتا باعامدارىنىڭ اقش دوللارىنا قاراعاندا سەرپىنى مىناداي تۇردە قالىپتاستى:

برازيليا رەالى پرەزيدەنتتىك سايلاۋلارمەن بايلانىستى ساياسي بەلگىسىزدىك اياسىندا 4،9%-عا (3،91-دەن 4،10-عا دەيىن) السىرەدى. الدىن الا جۇرگىزىلگەن ساۋالناما ۇكىمەت سىبايلاس جەمقورلىق ٴۇشىن ايىپتاعان بۇرىنعى پرەزيدەنت لۋيس لۋلا دا سيلۆانىڭ كوش باستاپ تۇرعانىن راستايدى.

يندونەزيا رۋپياسى 0،4%-عا (14 593-تان 14 649-عا دەيىن) السىرەدى. ۆاليۋتا باعامىنىڭ ودان ٴارى السىرەۋىن بولدىرماۋ ٴۇشىن يندونەزيانىڭ ورتالىق بانكى ۆاليۋتا نارىعىندا وكتەمدىكتەر جۇرگىزدى.

مەكسيكا پەسوسى 0،1%-عا (18،89-دان 18،91-گە دەيىن) السىرەدى. ۆاليۋتا باعامىنىڭ ٴبىر اپتا ىشىندەگى قۇبىلمالىعى ساۋدا- ساتتىق كەلىسسوزدەرگە قاتىستى (نافتا) جاڭالىقتارعا بايلانىستى بولدى.

رەسەي ٴرۋبلى 0،1%-عا (67،12-دەن 67،03-كە دەيىن) نىعايدى. ۆاليۋتانىڭ تۇراقتىلىعىنا رەسەي ورتالىق بانكىنىڭ بيۋدجەتتىك قاعيدا شەڭبەرىندە قارجى مينيسترلىگى ٴۇشىن شەتەل ۆاليۋتاسىن ساتىپ الۋدى توقتاتا تۇرۋ تۋرالى مالىمدەمەسى ىقپال ەتتى.

تۇرىك ليراسى 0،2%-عا (6،02-دەن 6،01-گە دەيىن) نىعايدى. ۆاليۋتا باعامىنىڭ ٴبىراز وزگەرۋى تۇركياداعى دەمالىس كۇندەرىمەن بايلانىستى بولدى.

ٴۇندىستان رۋپياسى 0،4%-عا (70،16-دان 69،91-گە دەيىن) نىعايدى;

وڭتۇستىك افريكا رەندى ينۆەستورلاردىڭ كەزەكتى اۋكسيوندا مەملەكەتتىك باعالى قاعازدارعا سۇرانىسىنىڭ ارتۋى سالدارىنان 2،7%-عا (14،64-تەن 14،25-كە دەيىن) نىعايدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي