BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جەڭىس قاسىمبەك: «نۇرلى جول»، «نۇرلى جەر»، يندۋستريالاندىرۋ باعدارلامالارى بويىنشا ىلگەرىلەۋ

بۇل تۋرالى ينۆەستيسيالار جانە دامۋ ٴمينيسترى جەڭىس قاسىمبەك ٴوزىنىڭ الەۋمەتتىك جەلىدەگى پاراقشاسىندا جازدى، دەپ حابارلايدى baq.kz اقپارات اگەنتتىگى.

"بۇگىن قوعامدىق كەڭەس الدىندا مينيسترلىكتىڭ نەگىزگى باعىتتارى بويىنشا 2017 جىلى اتقارىلعان جۇمىس قورىتىندىلارى جايىندا ەسەپ بەرىپ، الداعى جوسپارىمىزبەن ٴبولىستىم. جالپى، وتكەن جىل ناتيجەلى بولدى دەپ ايتۋعا ابدەن بولادى. مينيسترلىكتىڭ باسىم باعىتتارى بولىپ ەسەپتەلەتىن «نۇرلى جول»، «نۇرلى جەر»، يندۋستريالاندىرۋ باعدارلامالارى بويىنشا ىلگەرىلەۋ بار" - دەيدى ول.

ونىڭ ايتۋىنا قاراعاندا، وڭدەۋ ونەركاسىبى 5،1%-عا، وڭدەۋ ونەركاسىبىنىڭ نەگىزگى كاپيتالىنا سالىنعان ينۆەستيسيا 4،7%-عا وسكەن.

"يندۋستريالاندىرۋ كارتاسى اياسىندا 1،5 ترلن. تەڭگەنىڭ 120 جوباسى ىسكە قوسىلىپ، 10 مىڭ تۇراقتى جۇمىس ورنى اشىلدى. بيىل جالپى سوماسى 1 ترلن. تەڭگە بولاتىن 150-دەن استام جوبانى ىسكە قوسىپ، 15 مىڭ جۇمىس ورنىن اشۋ جوسپارلانىپ وتىر" - دەيدى مينيستر.

جەڭىس قاسىمبەكتىڭ ايتۋىنا قاراعاندا، 2017 جىلى ەلىمىزگە تارتىلعان شەتەلدىك ينۆەستيسيا كولەمى دە ارتتى. ينۆەستيسيا تارتۋ بويىنشا ۇكىمەت بۇگىندە كەشەندى جۇمىس اتقارىپ جاتىر. بىلتىر «kazakh invest» ۇلتتىق كومپانياسى جۇمىسىن باستاپ، 2018-2022 جىلدارعا ارنالعان ۇلتتىق ينۆەستيسيالىق ستراتەگيامىز بەكىتىلدى.

"وتكەن جىلدىڭ ەنشىسىندەگى اتاپ وتەرلىك جايتتەردىڭ ٴبىرى «جەر قويناۋى جانە جەر قويناۋىن پايدالانۋ تۋرالى» جاڭا كودەكس قابىلدانعانى. كودەكس جوباسىن ازىرلەۋ ٴۇشىن مينيسترلىك قىرۋار جۇمىس اتقاردى. كودەكستىڭ ەڭ نەگىزگى ەرەكشەلىگى – ول جەر قويناۋى سالاسىنداعى بارلىق سۇراقتاردىڭ ٴبىر قۇجاتتىڭ ىشىندە جيناقتالۋى. 2017 جىلدىڭ قورىتىندىسى بويىنشا «نۇرلى جول» باعدارلاماسى ارقىلى 602 شاقىرىم رەسپۋبليكالىق ماڭىزى بار اۆتوموبيل جولدارى جاڭعىرتىلدى. 2018 جىلى رەسپۋبليكالىق ماڭىزى بار 528 شاقىرىم اۆتوجولدى رەكونسترۋكسيالاۋ جوسپارلانىپ وتىر. 2017 جىلعى تۇرعىن ٴۇي قۇرىلىسى جالپى اۋدانىنىڭ فيزيكالىق كولەم يندەكسى 106،2%-دى قۇرادى. «نۇرلى جەر» باعدارلاماسىن جۇزەگە اسىرۋ اياسىندا 11،2 ملن. شارشى مەتر تۇرعىن ٴۇي پايدالانۋعا بەرىلدى. 100،8 مىڭنان استام وتباسى باسپانالى بولدى" - دەدى ول.

سونىمەن قاتار جەڭىس قاسىمبەك وسى سالا بويىنشا جاقىن ارادا حالىقپەن كەزدەسۋ وتەتىنىن ايتتى.

"2017 جىلدىڭ قورىتىندىسى تۋرالى جىل باسىنداعى القالى جيىندا ەگجەي-تەگجەيلى ٴتۇسىندىرىپ وتكەن ەدىم. بۇگىن مىنە، قوعامدىق كەڭەستىڭ الدىندا بارلىعىن بايانداپ ٴوتتىم. ەندى 23 مامىر كۇنى داستۇرگە ساي حالىقپەن ەسەپتىك كەزدەسۋىم وتەدى. ۆەدومcتۆوعا قاراستى ماسەلەلەردىڭ ٴبارىن بىرگە تالقىلاۋ ٴۇشىن بارشاڭىزدى سول شاراعا شاقىرعىم كەلەدى" - دەيدى جەڭىس قاسىمبەك.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي