BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جەڭىس قاسىمبەك: ٴبىزدىڭ ماقساتىمىز – جەر قويناۋىن كەشەندى پايدالانۋ

ەكىنشى «kazakhstan global investment roundtable» حالىقارالىق دوڭگەلەك ۇستەل اياسىندا «مەتاللۋرگيا جانە تاۋ-كەن ونەركاسىبىندەگى مۇمكىندىكتەردى پايدالانۋ» تاقىرىندا ۇكىمەتتىك بريفينگ ٴوتتى، دەپ حابارلايدى baq.kz اقپارات اگەنتتىگى.

بريفينگتىك سەسسياعا قر ينۆەستيسيالار جانە دامۋ ٴمينيسترى جەڭىس قاسىمبەك، شەتەلدىك ٴىرى تاۋ-كەن مەتاللۋرگيالىق كومپانيالاردىڭ باسشىلارى قاتىستى. سەسسياعا عالامدىق تۇراقتى كاپيتالدى باسقارۋ ۇيىمىنىڭ ينۆەستيسيالىق كوميتەتى ٴتوراعاسىنىڭ ورىنباسارى پيرس كامبەرلەدج مودەراتورلىق ەتتى.

ٴمينيستردىڭ ايتۋىنشا، بۇگىنگى كۇنى تاۋ-كەن مەتاللۋرگيا كەشەنى قازاقستاننىڭ ٴجىو 6،7%-ىن، ونەركاسىپتىك ٴوندىرىستىڭ 24،7%-ىن جانە ەكسپورتتىڭ 24% -ىن قۇرايدى.

جىل سايىن مەتاللۋرگيا ونەركاسىبى ٴوسىمنىڭ وڭ ديناميكاسىن كورسەتىپ كەلەدى. 2018 جىلدىڭ 5 ايىندا ٴوسىم 104% -دى قۇرادى.

«ٴبىزدىڭ ماقساتىمىز – جەر قويناۋىن كەشەندى پايدالانۋ جانە ونىمدەردى قايتا وڭدەۋدى ارتتىرۋ. سوندىقتان ٴبىزدىڭ مينيسترلىكتىڭ ميسسياسى باسەكەگە قابىلەتتى جانە يننوۆاسيالىق يندۋستريانى قۇرۋ ارقىلى رەسۋرستارعا تاۋەلدى ەكونوميكانى ٴارتاراپتاندىرۋ. مىسالى، قازاقستان 1،8 ملرد اقش دوللارى كولەمىندەگى بولات ونىمدەرىن شىعارادى، ودان ٴارى وڭدەۋ ٴۇشىن شيكىزاتتى 1،4 ملرد اقش دوللارى سوماسىنا ەكسپورتتايدى. سونىمەن بىرگە 2،5 ملرد دوللارعا جوعارى قوسىلعان قۇنى بار دايىن ٴونىمدى يمپورتتايدى. بۇل قارا مەتاللۋرگيا سەكتورىنداعى دايىن ٴونىمنىڭ ەكسپورتقا جانە ىشكى نارىقتى قاماتاماسىز ەتۋدە ۇلكەن سۇرانىسقا يە ەكەنىن كورسەتەدى»،- دەپ اتاپ ٴوتتى جەڭىس قاسىمبەك.

ٴمينيستردىڭ پىكىرىنشە، قازاقستاندا مينەرالدى شيكىزاتتى ٴوندىرۋدى جانە جاڭا تەحنولوگيالاردى ەنگىزۋ مەن جاڭا ونىمدەردى ٴوندىرۋ ارقىلى قايتا وڭدەۋدى ايتارلىقتاي ارتتىرۋدىڭ بارلىق العىشارتتارى بار.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي