BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جەڭىل ونەركاسىپتى دامىتۋعا 650 ملن تەڭگەنىڭ گرانتى ٴبولىندى

بۇل تۋرالى قازاقستان رەسپۋبليكاسى ينۆەستيسيالار جانە دامۋ مينيسترلىگىنىڭ قولداۋىمەن وتكەن «جەڭىل ونەركاسىپ كاسىپورىندارىنا جاڭا تەحنولوگيالاردە ەنگىزۋ جولدارى» كونفەرەنسياسىندا ايتىلدى، دەپ حابارلايدى baq.kz ٴتىلشىسى.

«ٴسان الەمى» ديزاين جانە تەحنولوگيالار ينستيتۋتى يندۋستريالدى عىلىمي ىنتىماقتاستىق ورتالىعى دۇنيەجۇزىلىك بانكتىڭ «وندىرىستىك سەكتور كونسورسيۋمى» گرانتتىق باعدارلاماسى اياسىندا قۇرىلعان.

كونفەرەنسيا بارىسىندا سيفرلاندىۋ مەن ٴتورتىنشى ونەركاسىپتىك رەۆوليۋسيا باعدارلامالارى ارقىلى تەحنولوگيالىق يننوۆاسيالاردى قولدانۋدا 650 ملن تەڭگەگە گرانتتىق قاراجاتتىڭ ەسەبىنەن جەڭىل ونەركاسىپ يندۋسترياسىنىڭ كەمىندە بەس جانە ودان دا كوپ ونەركاسىپ ورنىن قوسا قارجىلاندىرۋ تۋرالى ايتىلدى.

ال، ورتالىققا بولىنگەن گرانتتىڭ عىلىمي جەتەكشىسى مۇرات مىڭبايەۆ اقشانىڭ قانشا جىل ىشىندە، قايدا جۇمسالاتىنىمەن ٴبولىستى.

«دۇنيەجۇزىلىك بانكتىڭ ۇسىنىسى بويىنشا ۇلكەن ٴبىر گرانتقا قۇجاتتار دايىنداعان بولاتىنبىز. ماقساتىمىز 650 ملن تەڭگە كولەمىندە قارجىعا جەڭىل ونەركاسىپتىڭ جۇمىسىنداعى پروبلەمانى شەشەتىن عىلىمي زەرتتەۋ ورتالىعىن اشۋ بولدى. ٴبىز بۇل جوبانى «ٴسان الەمى» ديزاين جانە تەحنولوگيالار ينستيتۋتى» دەپ اتادىق. ٴقازىر ٴبىزدىڭ جەڭىل ونەركاسىپتىڭ ورنى جاقسى دەپ ايتا المايمىز. ٴبىزدىڭ وندىرىستىك ورىندار بار-جوعى 8-10% ٴوزىمىزدىڭ ونىمدەردى جاساپ شىعارادى. ال، جەڭىل ونەركاسىپ تاۋارلارىنىنڭ 90-92% - قىتاي، تۇركيا، قىرعىزستان، وزبەكستان ەلدەرىنىڭ زاتتارى. بىزدە جاعداي بار، تىگىن فابريكاسى مەن جاقسى تەحنولوگيالار بار. ٴبىراق زاماناۋي ماركەتينگ، اقپاراتتىق جۇيەدەگى جۇمىستار ٴالى دە جەتىسپەي جاتىر»، - دەدى تەحنيكا عىلىمدارىڭ كانديداتى، پروفەسسور مۇرات مىڭبايەۆ.

ونىڭ ايتۋىنشا، قۇرىلعان عىلىمي زەرتتەۋ ورتالىعىنىڭ نەگىزگى ماقساتى - جەڭىل ونەركاسىپ ورىندارىنا جاردەم بەرۋ. بولىنگەن گرانت قاراجاتىن 3 جىلدا ٴبىر ورتالىق ارقىلى كەرەكتى 3d مودەلدەۋ، لازەرلىك پىشىندەۋ سياقتى زاماناۋي جابدىقتاردى الىپ قولدانىسقا ەنگىزۋ.

«بىزدە 1 مىڭعا جۋىق كاسىپورىن بولسا، سولاردىڭ 90% - شاعىن عانا كاسىپورىندار. ولار 50-70 مىڭ ەۋرو تۇراتىن قىمبات جابدىقتاردى الا المايدى. سوندىقتان ٴبىز وسىنداي جاڭا كومپيۋتەرلىك تەحنولوگيالاردى ەنگىزىپ، ولاردى پايدالانباساق باسەكەگە قابىلەتتى بولماي، ارتتا قالىپ كەتەمىز»، - دەدى ٴتۇسىندىردى جوبا جەتەكشىسى مۇرات مىڭبايەۆ.

جوبانىڭ ىسكە اسىرىلۋىنىڭ ناتيجەسىندە وتاندىق ونىمدەردىڭ 8% كورسەتكىشىن 38%-عا جەتكىزۋ كوزدەلىپ وتىر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي