BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جەك جوبالارىن جۇزەگە اسىراتىندار ىرىكتەلدى – ەنەرگەتيكا مينيسترلىگى

استانا، baq.kz. ەلىمىزدىڭ وڭتۇستىك ايماعى ٴۇشىن جيىنتىق قۋاتى 100 مۆت جەل ەلەكتر ستانسيالارىنىڭ جوبالارىن ىرىكتەۋ بويىنشا ون سەگىزىنشى اۋكسيون وتكىزىلدى.

اۋكسيوندىق ساۋدا-ساتتىق بارىسىندا جوبالاردىڭ بىرلىك قۋاتى 50-دەن 100 مۆت-قا دەيىن 3 كومپانيادان 3 ٴوتىنىم بەرىلدى. وتىنىمدەردىڭ جالپى كولەمى 250 مۆت قۇرادى. اۋكسيونداعى باستاپقى باعا – 22،67 تەڭگە/كۆت*cاع. 3 ساعاتتىق سەسسيانىڭ قورىتىندىسى بويىنشا قاتىسۋشىلاردىڭ وتىنىمدەرىندە ۇسىنىلعان باعا دياپازونى 20،9 تەڭگە/كۆت*cاع. 22،67 تەڭگە/كۆت*cاع. دەيىن ارتتى.

قاتىسۋشىلار سانى ەكەۋدەن ارتىق جانە ساتىپ الىناتىن قۋات مولشەرى 130% جوعارى بولعاندىقتان، «اۋكسيونعا قاتىسۋشىلارعا قويىلاتىن بىلىكتىلىك تالاپتارىن، ٴوتىنىمنىڭ مازمۇنىن جانە ونى بەرۋ ٴتارتىبىن، اۋكسيونعا قاتىسۋعا ارنالعان ٴوتىنىمدى قارجىلىق قامتاماسىز ەتۋ تۇرلەرىن جانە ولاردى ەنگىزۋ مەن قايتارۋ شارتتارىن، قورىتىندى شىعارۋ جانە جەڭىمپازداردى انىقتاۋ ٴتارتىبىن قامتيتىن اۋكسيوندىق ساۋدا-ساتتىقتى ۇيىمداستىرۋ مەن وتكىزۋ قاعيدالارىنا» سايكەس اۋكسيون وتكىزىلدى دەپ سانالدى.

اۋكسيونعا باقىلاۋشىلار رەتىندە قازاقستان رەسپۋبليكاسى ەنەرگەتيكا مينيسترلىگىنىڭ، ۇكىمەتتىك ەمەس سەكتوردىڭ جانە حالىقارالىق ۇيىمداردىڭ وكىلدەرى قاتىستى. باقىلاۋشىلار اۋكسيوندى ۇيىمداستىرۋشى – «ەلەكتر ەنەرگياسى مەن قۋاتى نارىعىنىڭ قازاقستاندىق وپەراتورى» اق-نىڭ ەلەكتروندىق ساۋدا جۇيەسى جۇمىسىنىڭ تولىق اشىقتىعىن اتاپ ٴوتتى.

«ەلەكتروندى ساۋدا-ساتتىق قورىتىندىسى بويىنشا 50 مۆت-قا 20،9 تەڭگە/كۆت*cاع. باعامەن «جەل ەلەكتريك» جشس; 100 مۆت-قا 22،58 تەڭگە/كۆت*cاع. باعامەن «شوكپارسكايا ۆەتروۆايا ستانسيا» جشس جەڭىمپاز بولىپ انىقتالدى»، - دەلىنگەن حابارلامادا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي