BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جامبىلدا ەلەكتر جەلىلەرىنىڭ ٴبىرىڭعاي وپەراتورى قۇرىلادى

تاراز، baq.kz. جامبىل وبلىسىندا بيۋدجەت ەسەبىنەن سالىنعان جانە كوممۋنالدىق مەنشىككە الىنعان ەلەكتر جەلىلەرى بويىنشا ٴبىرىڭعاي وپەراتور قۇرىلادى. وبلىس اكىمىنىڭ ٴباسپاسوز قىزمەتى بەرگەن اقپاراتقا سايكەس، بۇل جونىندە وبلىستىق ەنەرگەتيكا جانە تۇرعىن ۇي-كوممۋنالدىق شارۋاشىلىق باسقارماسىنىڭ باسشىسى نۇرلان الدامجاروۆ مالىمدەدى.

وبلىس اكىمى اسقار مىرزاحمەتوۆتىڭ توراعالىعىمەن وتكەن جيىندا ٴمالىم بولعانداي، بۇگىندە وڭىردەگى ەلەكتر جەلىلەرىمەن قامتاماسىز ەتۋ شارالارىنا تولىق تالداۋ جاسالعان.

"قازىرگى تاڭدا وبلىس كولەمىندەگى بارلىق ەلەكتر جەلىلەرىنىڭ ۇزىندىعى 17 030،7 شاقىرىمدى قۇرايدى. ال قوسالقى ترانسفورماتورلار سانى – 3 568. ونىڭ ىشىندە، بيۋدجەت ەسەبىنەن سالىنعان جانە كوممۋنالدىق مەنشىككە الىنعان ەلەكتر جەلىسىنىڭ ۇزىندىعى 3206 شاقىرىم، «جەج» جشس تەڭگەرىمىندەگى ەلەكتر جەلىلەرى 13 715، جەكە كاسىپكەرلەردىڭ ٴوز قاراجاتى ەسەبىنەن سالىنعانى 36،5، يەسىز قالعاندارى 73،2 شاقىرىم"، - دەدى الدامجاروۆ.

باسقارما باسشىسى اتاپ وتكەندەي، وبلىستا ەلەكتر ەنەرگياسىن تۇتىنۋ كولەمى قىس مەزگىلىندە 460-490 مۆت، جاز مەزگىلىندە 330-350 مۆت قۇراسا، ونىڭ 58-60% سىرتتان تاسىمالدانادى. ال قالعان 40% وبلىستاعى ەنەرگيا كوزدەرىنەن الىنادى.

سونداي-اق، جيىندا 2007-2018 جىلدار ارالىعىندا بيۋدجەت ەسەبىنەن سالىنعان قولدانىستاعى ەلەكتر جەلىلەرى مەن ترانسفورماتوردىڭ قوسالقى ستانسيالارىنىڭ جارتىسىنا جۋىعى توزىعى جەتكەنى ايتىلدى. وسى ورايدا، بيۋدجەت ەسەبىنەن سالىنعان جانە كوممۋنالدىق مەنشىككە الىنعان ەلەكتر جەلىلەرى بويىنشا ٴبىرىڭعاي وپەراتور قۇرىلاتىن بولدى.

قۇرىلاتىن ٴبىرىڭعاي وپەراتوردى «تارازترانسەنەرگيا» مەملەكەتتىك كوممۋنالدىق كاسىپورىن مەكەمەسىنىڭ تەڭگەرىمىنە بەرۋ بويىنشا شەشىم قابىلداندى. بۇل جەلىلەر مەن قوسالقى ستانسيالاردىڭ تەحنيكالىق جاعدايىن جاقسارتۋعا، كۇتىپ ۇستاۋعا وڭ اسەر ەتەدى. سونىمەن قاتار، تەحنيكالىق قىزمەت كورسەتۋگە بولىنەتىن قارجىنى دا وڭتايلاندىرۋعا ىقپالىن تيگىزەدى.

ٴوڭىر باسشىسى تاريفتەردى تومەندەتۋ، ول بويىنشا كەشەندى زەردەلەۋ جۇرگىزۋ كەرەكتىگىن ەسكەرتىپ، ٴتاريفتى تومەندەتۋ ارقىلى كاسىپكەرلىكتى دامىتۋعا، ەكونوميكانى كوتەرۋگە بولاتىنىن باسا ايتىپ، بۇل بويىنشا جاۋاپتى تۇلعالارعا ناقتى تاپسىرمالار جۇكتەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي