BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«زا رۋلەم» جۋرنالىنىڭ باس رەداكتورى: الماتى-استانا تاس جولى وتە ٴقاۋىپتى

فوتو: Автор

الماتى، baq.kz ٴتىلشىسى. الماتى-استانا تاس جولى بويىنداعى جول بەلگىلەرىنىڭ بىردە-بىرى مەملەكەتتىك ستاندارتقا ساي كەلمەيدى. بۇل تۋرالى «ورتاق جول» جول قوزعالىسى قاۋىپسىزدىگى قاۋىمداستىعىنىڭ باس حاتشىسى، «زا رۋلەم» قازاقستان جۋرنالىنىڭ باس رەداكتورى الەكسەي الەكسەەۆ جول قۇرباندارىن ەسكە الۋ كۇنىنە وراي ۇيىمداستىرىلعان ٴباسپاسوز ٴماسليحاتىندا ايتتى.

جيىن بارىسىندا ول «ورتاق جول» جول قوزعالىسى قاۋىپسىزدىگى قاۋىمداستىعى وسى جىلى دوڭگەلەك جانە اۆتوكومپونەنتتەرىن شىعاراتىن continental نەمىس كومپانياسى جانە subaru قازاقستاننىڭ قولداۋىمەن الەۋمەتتىك جوبانى ىسكە اسىرعاندارىن جەتكىزدى.

«بۇل شارانىڭ اياسىندا ەلىمىزدەگى ەڭ كوپ جول اپاتى بولاتىن الماتى-استانا تاس جولىنا اۆتوشەرۋ ۇيىمداستىردىق. وكىنىشكە قاراي رەسپۋبليكالىق ماڭىزعا يە بۇل تاس جول وتە اپاتتى بولىپ سانالادى. مۇندا ادامداردىڭ نەلىكتەن كوز جۇماتىندىعىنا كەلسەك كوپشىلىك قارسى بەتكە شىعىپ كەتەدى، ياعني جول ناشار. سونداي-اق شۆەيساريالىق قۇرىلعىمەن جول بويىنداعى ەسكەرتۋ بەلگىلەرىنىڭ ساپاسىن تەكسەردىك. ناتيجەسىندە جول بويىنداعى بىردە ٴبىر بەلگى مەملەكەتتىك ستاندارتقا ساي كەلمەيتىندىگى انىقتالدى»، -دەيدى ول.

ونىڭ ايتۋىنشا، جول بويىنداعى بەلگىلەردىڭ كەيبىرىنىڭ ٴتۇسى، تاعى ٴبىرىنىڭ كولەمى، جارىق بەرۋ دەڭگەيىنىڭ تومەندىگى انىقتالعان جانە ول تۇندە كەلە جاتقان جۇرگىزۋشىگە كورىنبەيدى.

«بۇل وتە ٴقاۋىپتى، ويتكەنى ادام الدىندا نە كۇتىپ تۇرعانىن الدىن الا ٴبىلۋى كەرەك. كەيبىر جەردە 50 مەن ٴجۇر دەگەن بەلگىلەر تۇر، الايدا ولاردا دۇرىس كورىنبەيدى. بۇرىلىس بەلگىسىنىڭ كورىنبەۋىنەن ادامدار اپاتقا ۇشىراعان جاعدايلار دا كەزدەستى»، -دەيدى ا. الەكسەەۆ.

سونداي-اق ول، جول بويىندا ۋاقىتشا بەلگىلەر وتە كوپ ەكەندىگىن، ولاردىڭ قاتارىندا اينالىپ ٴوتۋ، جوندەۋ جۇمىسى دەگەن سياقتى بوس ەسكەرتپەلەر بار ەكەندىگىن ايتىپ ٴوتتى.

«كەيبىر جەردە 50 مەن ٴجۇر دەگەن بەلگى ٴجيى قويىلعان، جول ناشار شىعار دەپ قاراساڭ، جوق جول جاپ-جاقسى. بۇل ەندى پارا الۋ ٴۇشىن قويىلعان بولۋى مۇمكىن»، -دەيدى ول.

ٴسوز اراسىندا ول الماتى-بالقاش تاس جولى كۇردەلى جوندەۋدى قاجەت ەتەتىندىگىن جەتكىزدى.

«وندا ٴقازىر قاندايدا ٴبىر جوندەۋ جۇمىستارى جاسالىپ جاتىر، دەگەنىمەن بۇل ارالىقتى تۇگەلدەي قايتا جاساۋ قاجەت»، -دەيدى ول.

جاقىندا عانا استانادا بۇكىل الەمدىك دەنساۋلىق ساقتاۋ ۇيىمى قازاقستاننىڭ جول اپاتى بويىنشا الەمدە ٴبىرىنشى ورىندا ەكەندىگى ايتىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي