BAQ.kz - Қазақстан жаңалықтары USD 379.86 BAQ.kz - Қазақстан жаңалықтары EUR 425.14 BAQ.kz - Қазақстан жаңалықтары RUB 5.9
استانا:

تاشكەنتكە گاز قازاقستان ارقىلى تاسىمالدانادى

استانا، baq.kz. قازاقستان مەن وزبەكستاننىڭ ۇلتتىق گاز وپەراتورلارى – "كازترانسگاز" جانە "ۋزترانسگاز" كومپانيالارى تاشكەنتتەگى تۇتىنۋشىلارعا وزبەكستاندىق تابيعي گازدى قازاقستان تەرريتورياسى ارقىلى تاسىمالداپ جەتكىزۋ تۋرالى كەلىسىمگە تۇڭعىش رەت قول قويدى.

بۇل تۋرالى ازاتتىقتىڭ وزبەك قىزمەتى podrobno.uz باسىلىمىنا سىلتەمە جاساپ حابارلادى.

"وزبەك گازىن قازاقستان تەرريتورياسى ارقىلى جەتكىزۋ تۋرالى كەلىسىمگە ەكى ەلدىڭ ەكونوميكالىق جانە ٴوڭىرارالىق تىعىز بايلانىس ورناتۋ جونىندەگى جاڭا باعدارلارىنا سايكەس قول قويىلدى. وزبەك گازىن قازاقستان تەرريتورياسى ارقىلى تاسىمالداۋ قىس مەزگىلىندە تاشكەنت قالاسىن وتىنمەن قامتاماسىز ەتۋگە مۇمكىندىك بەرەدى" دەپ حابارلاعان "كازترانسگاز".

كەلىسىم شارتتارى بويىنشا، قازاقستان تەرريتورياسى ارقىلى ٴبىر ميلليارد تەكشە مەترگە دەيىن وزبەك گازى تاسىمالدانۋى ٴتيىس. كەلىسىم قول قويىلعان كۇننەن – 2018 جىلعى 29 جەلتوقساننان باستاپ كۇشىنە ەنگەن.

وزبەك گازى "گازلي - شىمكەنت" جانە "بۇحارا گازدى اۋدانى - تاشكەنت - بىشكەك - الماتى" گاز قۇبىرى جەلىسى ارقىلى تاسىمالدانادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي