شىمكەنتتە اياق كيىم شىعاراتىن فابريكا ىسكە قوسىلدى - يندۋستريالاندىرۋ|08 قىركۇيەك 2018، 11:07
كۋرسى ۆاليۋت وبنوۆليايۋتسيا
استانا:

شىمكەنتتە اياق كيىم شىعاراتىن فابريكا ىسكە قوسىلدى

قالا اكىمى عابيدولا ٴابدىراحىموۆ شىمكەنتتەگى اياق كيىم شىعاراتىن «lux shoes» بك» جشس فابريكاسىنىڭ سالتاناتتى اشىلۋىنا قاتىسىپ، سەحتىڭ جۇمىسىن ارالاپ كوردى، دەپ حابارلايدى baq.kz اقپارات اگەنتتىگى.

مۇندا حالىقارالىق ستاندارتتارعا ساي، تازا بىلعارىدان تىگىلگەن اياق كيىمدەر وندىرىلۋدە. باعاسى دا قولجەتىمدى. «وڭتۇستىك» ارنايى ەكونوميكالىق ايماعىندا ىسكە قوسىلعان اياق كيىم فابريكاسىندا جۇمىس قىزۋ. دايىن ونىمدەر تاراز، الماتى، استانا قالاسىنا جونەلتىلۋدە.

جوبانىڭ ينۆەستيسيا كولەمى – 403 ملن تەڭگە. اياق كيىمدەر زامان تالابىنا ساي يتالياندىق تەحنولوگيا بويىنشا تۇركيالىق «fantes» جانە «comelz» ماركالى قۇرىلعىلاردا قالىپقا سالىنىپ، ساپالى تىگىلەدى. بارلىق توپتامالار ٴساندى جانە تالعامعا ساي ۇلگىدە جاسالادى. جوسپار بويىنشا كاسىپورىن جىلىنا 120 مىڭنان استام جۇپ اياق كيىم شىعارۋدى كوزدەپ وتىر.

كاسىپورىن جۇمىسىن باستاعانىنا 2 ايدىڭ كولەمى بولعان. وندا 90-عا جۋىق ادام جۇمىس ىستەيدى. الداعى ۋاقىتتا دايىن ٴونىمدى تمد جانە ورتا ازيا مەملەكەتتەرىنە ەكسپورتقا شىعارۋ دا جوسپاردا بار.

قالا اكىمى اياق كيىم تىگۋ سەحىنىڭ بارلىق ەتاپتىق جۇمىستارىمەن تانىسىپ شىقتى. بىلعارىنى وڭدەۋ، جوبالاۋ، تىگۋ جانە تۇپتەۋگە دەيىنگى جۇمىستاردىڭ بارىسىن كورىپ، سەحتى ارالاپ شىقتى. جالپى، اياقكيىمدەر تازا بىلعارىدان تىگىلەدى. ياعني، ەكولوگيالىق تازا ٴونىم.

– ٴوندىرىستىڭ جىلدان جىلعا اۋقىمى كەڭەيىپ كەلەدى. بۇعان دەيىن ش ۇلىق شىعارسا، ەندى جانىنان اياق كيىم سەحى اشىلىپ وتىر. باعاسى دا قولجەتىمدى. كەلەشەكتە ۇستىمىزگە كيەتىن كيىمنىڭ ٴبارى شىمكەنتتە تىگىلىپ، شىعارىلۋىنا جاعداي جاسايمىز. ەڭ باستىسى، ساپاعا ٴمان بەرىڭىزدەر. جۇمىسشىلاردىڭ جالاقىلارى دۇرىس بولسىن. قىز-كەلىنشەكتەردىڭ اياق كيىمىن شىعارۋدى دا تەزىرەك قولعا العان ٴجون، – دەدى قالا اكىمى كاسىپورىننىڭ اشىلۋ سالتاناتىندا.

حالىقارالىق ستاندارتتار بويىنشا جۇمىس ىستەيتىن قالاداعى العاشقى ٴىرى كاسىپورىننىڭ ونىمدەرى زور سۇرانىسقا يە. باس ينجەنەر تۇركيادان شاقىرتىلعان. ول اياق كيىمنىڭ ساپاسىن قاداعالايدى. ونىڭ 2 كومەكشىسى جەرگىلىكتى مامانداردى جاڭا تەحنولوگياعا ۇيرەتۋدە.

جالپى، مۇندا 50-گە جۋىق اياقكيىم تۇرلەرى بار. قالا تۇرعىندارى قىزىعا الىپ جاتقان ٴسانى دە ىڭعايلى بۇل اياقكيىمدەردىڭ باعاسى دا قولجەتىمدى ٴارى وتە ساپالى. بۇل بۇيىمدار شىمكەنتتەگى «سامال»، «اينا» بازارلارىندا ساتىلۋدا. ودان بولەك، تاراز، الماتى، استانادان تاپسىرىستار ٴتۇسىپ جاتىر. نارىقتاعى باعاسى 17-18 مىڭ تەڭگەنىڭ ارالىعىندا.

«الەم بت» ٴجشس-نىڭ قۇرىلتايشىسى نۇرسۇلتان بالابيەۆتىڭ ايتۋىنشا، مۇنداي تەحنولوگيا بويىنشا جۇمىس ىستەيتىن ماماندار از. كاسىپورىن بۇگىنگى نارىق تالاپتارىن ەسكەرە وتىرىپ، دامۋ قورىنان، ەكىنشى دەڭگەيلى بانكتەردەن قارجى الىپ، جۇمىستى باستاعان. ولاردىڭ باستاماسىن قالا اكىمى دە قولدادى.

الدا فابريكانىڭ جۇمىس قۋاتتىلىعىن ارتتىرۋعا كۇش سالىنباق. ايەلدەرگە جانە بالالارعا ارنالعان اياقكيىمدەر دە شىعارىلماق.

فابريكا قىزمەتكەرى ساندۋعاش جومارتبەكوۆا 2 ايدان بەرى اياقكيىمنىڭ ديزاينىن سىزۋ، مودەلىن جاساۋ سىندى جۇمىستاردى تۇركيالىق ماماننان ۇيرەنۋدە. ٴوزىنىڭ ماماندىعى – ديزاينەر، مودەلەر. م. اۋەزوۆ اتىنداعى وقمۋ-دى 2014 جىلى ٴتامامداعان. ايتۋىنشا، جالاقىسى دا كوڭىلدەن شىعادى.

«lux shoes» بك» جشس باس ديرەكتورى گايرات حاسانبايەۆ مۇندا 230 ورىن جۇمىس ورنى بارىن ايتادى. كاسىپورىننىڭ اياقتان تۇرىپ كەتۋىنە مەملەكەتتەن قولداۋ زور. وتاندىق وندىرۋشىلەرمەن بىرگە قولجەتىمدى باعانى قالىپتاستىرماق نيەتتە. باستى ماقسات – باسەكەگە قابىلەتتى ەكولوگيالىق تازا ٴونىم شىعارۋ. نارىق پەن زامان تالابىنا ساي تاۋار شىعارىپ، سەح جۇمىسىن كەڭەيتە بەرۋدى كوزدەگەن ۇجىمنىڭ بولاشاقتا ۇلكەن مەجەلەرگە جەتەتىنىنە سەنىم مول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي