BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

شاردارا سەس-ىندە جاڭا سۋ اگرەگاتى ىسكە قوسىلادى

استانا، baq.kz. وسى جىلدىڭ جەلتوقسان ايىندا شاردارا سەس-ىندەگى ٴتورت سۋ اگرەگاتىنىڭ ٴبىرىنشىسى پايدالانۋعا بەرىلەدى. قازىرگى ۋاقىتتا ستانسيادا تەحنولوگيالىق جابدىقتىڭ سىناعى ويداعىداي اياقتالىپ، نەگىزگى قۇرىلىس-مونتاج جۇمىستارى جۇرگىزىلدى.

ەستەرىڭىزگە سالا كەتەيىك، شاردارا سەس-ىن تۇبەگەيلى جاڭعىرتۋ باعدارلاماسى اياسىندا 2020 جىلعى ناۋرىزعا دەيىن ستانسياداعى ٴتورت سۋ اگرەگاتىنىڭ ٴبارىن اۋىستىرۋ جوسپارلانۋدا. جوبانىڭ جالپى قۇنى 38 ملرد تەڭگەنى قۇرايدى. قارجىلاندىرۋ 32%-عا ٴوز قاراجاتى ەسەبىنەن، 68%-عا نەسيە ەسەبىنەن ىسكە اسىرىلۋدا. جوبا مەردىگەرى – andtitz hidro gmbx اۆستريالىق-گەرمانيالىق كومپانياسى.

شاردارا سەس-ى 1967 جىلى پايدالانۋعا بەرىلدى، بەلگىلەنگەن قۋاتى 100 مۆت جانە اگرەگاتتارىنىڭ سانى – 4. نورماتيۆ بويىنشا قىزمەت ەتۋ مەرزىمى 25 جىل بولسا، ستانسيانىڭ تەحنولوگيالىق جابدىعى 50 جىلدان استام ۋاقىت بويى پايدالانىلىپ كەلەدى. جاڭعىرتۋ جوباسىنىڭ باستالۋىنا قاراي جابدىقتىڭ توزۋى شامامەن 100%-عا جەتكەن. سۋ ستانسياسىندا ورناتىلعان ەلەكتر جابدىعىنىڭ ٴبىر بولىگىن ونى جاساعان زاۋىتتار ٴقازىر شىعارمايدى جانە ونى وندىرىستەن الىپ تاستاعان. ۇنەمدىلىگى مەن پايدالانۋ سەنىمدىلىگى تۇرعىسىنان جابدىقتى ودان ٴارى پايدالانۋ ماقساتقا ساي بولماي قالدى.

ٴبىرىنشى سۋ اگرەگاتىن ىسكە قوسۋمەن بىرگە، ەكىنشى اگرەگات بويىنشا قۇرىلىس جۇمىستارى قاتارلاسا جۇرۋدە. ونى ٴبىرىنشىسى ىسكە قوسىلعاننان كەيىن ورناتادى. سونىمەن ٴبىر مەزگىلدە ٴۇشىنشىسى ورنىنان الىنادى. بەكىتىلگەن كەستەگە ساي، بۇل ۋاقىتتا ٴبىرىنشى (جاڭا) جانە ٴتورتىنشى ەسكى اگرەگات جۇمىس ىستەپ تۇرادى. وسى تاسىلمەن، جۇمىس جوسپارىنا ساي، ٴتورت سۋ اگرەگاتىنىڭ ٴبارىن دە جاڭارتۋ كوزدەلگەن.

اۋقىمدى قايتا قۇرۋ سەس-تىڭ قۋاتىن 26 پروسەنتكە – قازىرگى 100 مۆت-تان 126 مۆت-قا دەيىن ۇلعايتۋعا مۇمكىندىك بەرەدى. جىل سايىن قوسىمشا 57 ملن. كۆت/ساعات ەلەكتر ەنەرگياسى وندىرىلەتىن بولادى. جاڭا جابدىق سۋ ستانسياسىنىڭ قىزمەت ەتۋ مەرزىمىن 35-40 جىلعا دەيىن ۇزارتىپ، پايدالانۋ سەنىمدىلىگىن ارتتىرادى جانە اۆاريا ٴقاۋپىنىڭ دەڭگەيىن تومەندەتەدى.

«سامۇرىق-ەنەرگو» اق ماماندارىنىڭ سوزىنشە، ەنەرگيا تاپشىلىعىن سەزىنىپ وتىرعان تۇركىستان وبلىسىن ەلەكتر ەنەرگياسىمەن قامتاماسىز ەتۋدە جانە وڭىردەگى سۋ رەسۋرستارىن پايدالانۋدىڭ تيىمدىلىگىن ارتتىرۋدا بۇل جوبا ۇلكەن ماڭىزعا يە.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي