BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«سارىارقا» ماگيسترالدىق گاز قۇبىرىنىڭ قۇرىلىسى بيىلعى جەلتوقساندا باستالادى

استانا، baq.kz ٴتىلشىسى. قر ەنەرگەتيكا ۆيسە-مينيسترى ٴسابيت نۇرلىباي «سارىارقا» ماگيسترالدىق گاز قۇبىرىنىڭ قۇرىلىسى بيىلعى جەلتوقساندا باستالىپ، كەلەسى جىلعى جەلتوقساندا اياقتالاتىنىن ايتتى.

«قازىرگى ۋاقىتتا رەسپۋبليكانىڭ ەلدى مەكەندەرىن گازداندىرۋ بويىنشا ٴىس-شارالاردى جۇزەگە اسىرۋعا كوپ كوڭىل ٴبولىنىپ وتىر. 2017 جىلدىڭ قورىتىندىسى بويىنشا ىشكى نارىقتىق گازدى تۇتىنۋ 13 ملرد 800 ملن تەكشە مەتردى قۇرادى. 2000 جىلمەن سالىستىرساق، ەلىمىزدە گازداندىرۋ 2،5 ەسە ارتىپتى. بيىلعى جىلدىڭ 1 قاڭتارىنداعى جاعداي بويىنشا قازاقستان رەسپۋبليكاسىنىڭ حالقىن گازبەن قامتاماسىز ەتۋ دەڭگەيى 47،38 پايىزدى قۇرادى. بۇل رەتتە، گازداندىرۋدىڭ جالپى سحەماسىنا سايكەس، 2030 جىلعا قاراي گازداندىرۋ دەڭگەيىن 56 پايىزعا دەيىن جەتكىزۋ جوسپارلانۋدا. بۇل قوسىمشا 1،5 مىڭنان استام ەلدى مەكەندى گازبەن قامتاماسىز ەتۋگە مۇمكىندىك بەرەدى»، - دەدى ٴسابيت نۇرلىباي سەناتتا جاسىل ەكونوميكا تاقىرىبىندا وتكەن ۇكىمەت ساعاتىندا.

ۆيسە-مينيستردىڭ ايتۋىنشا، بۇگىنگى تاڭدا ەلىمىزدىڭ 17 ٴوڭىرىنىڭ ٴ11-ى تابيعي گازبەن قامتاماسىز ەتىلۋدە. 2017 جىلى 102 ملرد كيلوۆاتت/ساعات ەلەكتر ەنەرگياسىن ٴوندىرىپ وتىرمىز دەيمىز. سونىڭ ىشىندە گاز-ەلەكتر ستانسالارىنىڭ ۇلەسى 20،2 پايىزدى قۇرايدى.

«ال ٴبىزدىڭ جوسپارلىق ينديكاتور بويىنشا وسى كۇنگى كورسەتكىشكە 2020 جىلى جەتۋىمىز كەرەك. ياعني، ٴبىز ٴۇش جىل ەرتەرەك ورىنداپ وتىرمىز. مەملەكەت باسشىسىنىڭ تاپسىرماسىمەن 1،5 جىل ىشىندە ٴبىز «سارىارقا» ماگيسترالدىق گاز قۇبىرىنىڭ قۇرىلىسىن ىسكە اسىرۋىمىز قاجەت. جوبا جۇرگىزەتىن «استاناگاز كمگ» اق تەندەر وتكىزىپ، مەردىگەر انىقتالدى »، - دەدى ٴسابيت نۇرلىباي.

ۆيسە-مينيستر كۋلۋاردا بەرگەن سۇحباتىندا بۇگىنگى تاڭدا وپەراتور «استاناگاز كمگ» مەردىگەر - «قازقۇرىلىسسەرۆيس» كومپانياسىمەن گاز قۇبىرىنىڭ قۇرىلىسى بويىنشا كەلىسىمشارت بەكىتكەنىن ايتتى.

«وسى جەلتوقساندا «سارىقارقا» ماگيسترالدىق گاز قۇبىرىنىڭ جۇمىستارى باستالادى. كەلەسى جىلدىڭ جەلتوقسانىندا ماگيسترالدىڭ ٴوزى سالىنىپ بىتەدى دەپ جوسپارلانىپ وتىر. بۇل قۇرىلىستىڭ ٴبىرىنشى كەزەڭى. ٴبىرىنشى كەزەڭدە قىزىلوردا وبلىسىنان باستاپ استاناعا دەيىن ماگيسترالدىق گاز قۇبىرى سالىنادى»، - دەدى ٴسابيت نۇرلىباي.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي