BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

رۋدنىيدا سەمەنت زاۋىتى ىسكە قوسىلدى 

قوستاناي، baq.kz. قۇنى 100 ملن دوللار بولاتىن جوباعا 18 ملرد تەڭگەدەن استام قاراجات ينۆەستيسيالانعان. بۇل جونىندە bnews.kz پورتالى حابارلايدى.

بۇل قوستاناي وبلىسىنداعى ٴىرى ينۆەستيسيالىق جوبالاردىڭ ٴبىرى. ول قازاقستان تۇتىنۋشىلارىمەن قاتار، رەسەيدىڭ وڭتۇستىك ايماعىنداعى سۇرانىستى قامتۋعا مۇمكىندىك بەرەدى.

وبلىس باسشىسى ارحيمەد مۇحامبەتوۆ اتاپ وتكەندەي، مەملەكەتتىك قولداۋ شارالارى كورسەتىلگەن. نەگىزىنەن، بجك-2020 باعدارلاماسى ارقىلى بانك الدىنداعى 1 ملرد 350 ملن تەڭگە پايىزدىق مولشەرلەمە سۋبسيديالاندى. سونىمەن قاتار، ينجەنەرلىك كوممۋنيكاسيالار جۇرگىزۋگە 750 ملن تەڭگە، قارجىلىق كەپىلدەمەگە 730 ملن تەڭگە، تەمىرجول قۇرىلىسىنا 600 ملن تەڭگە بولىنگەن.

"بارلىق جەرگىلىكتى مەردىگەرلەرمەن كەلىسىمشارت داسايمىز، سونداي-اق، ٴوڭىرارالىق كووپەراسيا اياسىندا باسقا وبلىستارمەن دە جۇمىس جاسايمىز. سەبەبى، 500 كم راديۋستا وسىعان ۇقساس زاۋىت جوق. ال اقتوبە، ورال، اتىراۋ سەكىلدى قالالاردا سۇرانىس جوعارى. ٴونىمنىڭ ٴبىر بولىگى ەكسپورتقا جونەلتىلەدى"، - دەدى ارحيمەد مۇحامبەتوۆ.

رۋدنىي سەمەنت زاۋىتىنىڭ ديرەكتورى ارتەم ماكلاسوۆ كاسىپورىن كۇردەلى جاعدايدا سالىنعانىن اتاپ ٴوتتى. سەبەبى، زاۋىت قۇرىلىسى سوناۋ 2008 جىلى باستالىپ، ونى ىسكە قوسۋ 2016 جىلدان بەرى ٴتۇرلى سەبەپتەرمەن كەيىنگە قالدىرىلىپ كەلدى.

سەمەنت شىعاراتىن نىساننىڭ جوبالىق قۋاتى جىلىنا 500 مىڭ توننانى قۇرايدى. ماكسيمالدى جۇكتەمە كەزىندە 300 استام ادام جۇمىس ىستەيتىن بولادى. جوسپارلانىپ وتىرعان ورتاشا جالاقى 132 مىڭ تەڭگە شاماسىندا بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي