BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

پاۆلودار وبلىسىندا جىل باسىنان بەرى 50 مىڭ اليۋمينيي ديسكىسى شىعارىلدى

فوتو: Автор

پاۆلودار. baq.kz ٴتىلشىسى. ەرتىس وڭىرىندەگى ارنايى ەكونوميكالىق ايماقتا جىل باسىنان بەرى 50 مىڭ اليۋمينيي ديسكىسى شىعارىلىپ، نارىققا جونەلتىلگەن.

ەسكە سالساق، قاناتتى مەتاللدان ديسكىلەردى ٴوندىرۋ جەلىسى ٴبىر جىل بويى ىسكە قوسىلدى. 6،7 ملرد. تەڭگە ينۆەستيسيا قۇيىلعان ىلكىمدى جوبا 2020 جىلعا دەيىن تولىق جۇزەگە اسىرىلادى. ٴونىمنىڭ 50% سىرتقى نارىققا تاسىمالدانباق.

وسىلايشا، وڭىردە ٴاليۋمينييدى قايتا بالقىتۋدىڭ جوعارى دەڭگەيىنە، ياعني قاناتتى مەتاللدان دايىن ٴونىم شىعارۋ جولعا قويىلدى.

مامانداردىڭ سوزىنە سەنسەك، «lexus» ماركالى كولىگىنە ارنالعان ٴبىر ديسك شامامەن نەبارى 7 ٴمينۋتتىڭ ىشىندە قۇيىلادى. كەيىن جاڭا ٴونىم كونۆەيەرلىك لەنتا ارقىلى مەتالل وڭدەۋ ستانوكتارىنا جىبەرىلەدى. قازىرگى ۋاقىتتا زاۋىتتىڭ ەكىنشى بولىگىن سالۋ ماسەلەسى شەشىلۋدە. كاسىپورىن بازاسىندا دوڭگەلەكتەردى مەحانيكالىق وڭدەۋ جەلىسى ىسكە قوسىلىپ، قوسىمشا قۇيۋ ماشينالارى ورناتىلماق. بۇل جىلدىق وندىرىستىك قۋاتتىلىقتى 1 ملن داناعا ارتتىرۋعا مۇمكىندىك بەرەدى.

«پاۆلودار» ارنايى ەكونوميكالىق ايماعىنىڭ باسقارما ٴتوراعاسى ايبەك تۇرسىنعاليەۆتىڭ ايتۋىنشا، بىرەگەي كاسىپورىندى ىسكە قوسىپ، قوسپالى اليۋمينيي ٴوندىرىسىن دامىتۋعا رەسەيلىك كومپانيا اتسالىسقان.

«رەسەي – «پاۆلودار» ەكونوميكالىق ايماعىنا ينۆەستيسيا قۇيىپ جاتقان جەتەكشى ەلدەردىڭ ٴبىرى. ماسەلەن، كورشى مەملەكەتتىڭ ينۆەستورلارى جۇزەگە اسىرىپ جاتقان ٴۇش جوبا بار. ماسەلەن، «گيسسەنحاۋس» جوباسىنىڭ تەڭ جارتىسى رەسەيلىك ينۆەستيسيا ەسەبىنەن. ال تەز بالقىتىلاتىن اليۋمينيي ديسكىلەرىن وندىرەتىن «ك&ك» كومپانياسى تولىقتاي كورشى ەلدىڭ ينۆەستورلارىنا تيەسىلى»، - دەيدى ايبەك تۇرسىنعاليەۆ.

ايتا كەتەيىك، بيىل سالىنعان ينۆەستيسيا كولەمى 10 ملرد. تەڭگەنى قۇراپ، جالپى ينۆەستيسيا كولەمى 60 ملرد. تەڭگەدەن استى. ونىڭ ىشىندە 15 ملرد. تەڭگە - تىكەلەي شەتەلدىك قاراجات. ٴوندىرىس كولەمى 30% -عا ٴوستى، بيىل 20 ملرد. تەڭگەنىڭ ٴونىمى شىعارىلماق. قازىرگى ۋاقىتتا ايماقتا ٴونىمنىڭ 30 ٴتۇرى شىعارىلىپ، ونداعان مەملەكەتكە ەكسپورتتالادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي