BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

پاۆلودار وبلىسىندا قوسپالى اليۋمينيي ٴوندىرىسى ىسكە قوسىلادى

پاۆلودار وبلىسىندا قوسپالى اليۋمينيي ٴوندىرىسى ىسكە قوسىلادى. مەتالل نارىعىنداعى جاڭا كاسىپورىن 6 جەلتوقسان – يندۋستريالاندىرۋ كۇنى تەلەكوپىر رەجيمىندە جۇمىسىن باستايدى، دەپ حابارلايدى baq.kz اگەنتتىگىنىڭ وڭىردەگى ٴتىلشىسى.

بۇل – «پاۆلودار» ارنايى ەكونوميكالىق ايماقتا بوي كوتەرگەن جاڭا زاۋىت. قوسپالى اليۋمينيي وندىرەتىن «giessenhause» ٴجشس-نىڭ جوبالىق جىلدىق قۋاتتىلىعى شامامەن 52 مىڭ توننانى قۇرايدى. جاڭا وندىرىسكە قاجەتتى نەگىزگى شيكىزات رەتىندە قازاقستان ەلەكتروليز زاۋىتىنان جەتكىزىلەتىن سۇيىق اليۋمينيي قولدانىلادى.

«قوسپالى اليۋمينيي ٴوندىرىسىن جۇزەگە اسىرۋ جوباسىنا 4،56 ملرد تەڭگە كولەمىندە ينۆەستيسيا قۇيىلدى. بۇگىنگى كۇنگە دەيىن «پاۆلودار» ارنايى ەكونوميكالىق ايماعىندا بوي كوتەرگەن «giessenhaus جشس العاشقى 5 توننالىق ٴونىمىن نارىققا شىعاردى. رەسەي جانە گەرمانيا ينۆەستورلارىنىڭ قاتىسۋىمەن ىسكە اسىرىلعان جوبا وبلىستا اليۋمينيي كلاستەرىن وڭ جولعا قويۋعا سەپ بولادى»، - دەيدى كاسىپورىن جشس ديرەكتورىنىڭ ورىنباسارى رۋسلان يبرايەۆ.

وبلىستىق يندۋستريالىق يننوۆاسيالىق دامۋ باسقارماسىنىڭ مالىمەتىنشە، قازىرگى ۋاقىتتا كاسىپورىندا ٴبىر كونۆەيەر مەن ٴبىر پەش جۇمىس ىستەپ تۇر. اكىمشىلىك-تۇرمىستىق كەشەن قۇرىلىسى اياقتالعاننان كەيىن زاۋىت ٴبىر ايدا 750 توننا وندىرۋگى قاۋقارلى بولماق. بۇگىندە ٴبىز رەسەيلىك «k&k» كومپانياسىمەن كەلىسىمشارت جاسالعان. كورشىلەس ەلدىڭ كاسىپورنى پاۆلودارلىق ونىمنەن تەز بالقىتىلاتىن اۆتوموبيل ديسكىلەرىن شىعارماق. الداعى ۋاقىتتا ٴونىم گەرمانيا نارىعىنا شىعارىلادى دەپ جوسپارلانۋدا. كاسىپورىن وكىلدەرى تاۋاردى نارىققا شىعارۋدا قيىندىق بولمايتىنىنا سەنىمدى.

ايتا كەتەيىك، پاۆلودار وبلىسىندا جىل سوڭىنا دەيىن جالپى بەس ينۆەستيسيالىق جوبا جۇزەگە اسىرىلماق. بۇل يگىلىككە 264 ملرد تەڭگە جۇمسالىپ، ناتيجەسىندە 1000-نان جۇمىس ورنى اشىلماق.

فوتو: اۆتور


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي