BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

وتىرار اۋدانىندا جاڭا يندۋستريالىق ايماق قۇرىلادى

وڭتۇستىك قازاقستان وبلىسى وتىرار اۋدانىندا اعىمداعى جىلى جاڭا يندۋستريالىق ايماق قۇرۋ جوسپارلانۋدا. جوباعا ايماقتان قازىرگى تاڭدا 97 گەكتار جەر قاراستىلىپ وتىر، دەپ حابارلايدى baq.kz اقپارات اگەنتتىگى.

قۇرىلعالى وتىرعان يندۋستريالدى ايماقتىڭ جالپى قۇنى 1 ملرد 359 ملن تەڭگەنى قۇرايدى. اتالعان ايماقتىڭ ىسكە قوسىلۋى وتاندىق جانە شەتەلدىك ينۆەستورلاردى تارتا وتىرىپ، وڭدەۋ ونەركاسىبىن دامىتۋعا زور مۇمكىندىكتەر بەرمەك. بۇگىن بۇل تۋرالى وقو وڭىرلىك كوممۋنيكاسيالار قىزمەتىندە وتكەن بريفينگتە وتىرار اۋدانىنىڭ اكىمى ەرلان ايتاحانوۆ ٴمالىم ەتتى.

اۋدان باسشىسىنىڭ ايتۋىنشا، وتكەن جىلى وڭىردە وندىرىلگەن جالپى ىشكى ٴونىم كولەمى 53 ملرد 884 ملن تەڭگەنى قۇراعان. اعىمداعى جىلى اۋدان ەكونوميكاسىنىڭ ىشكى ٴونىم كولەمىن 61 ملرد تەڭگەگە جەتكىزۋ جوسپارلانۋدا.

«2017 جىلى اۋداننىڭ ونەركاسىپ ورىندارىندا 16 ملرد 152 ملن 400 مىڭ تەڭگەنىڭ ٴونىمى وندىرىلگەن. بيىل اتالعان سالادا 17 ملرد 600 ملن تەڭگەنىڭ ٴونىمىن ٴوندىرىپ، ناقتى كولەم يندەكسىن 104،4 پايىزعا جەتكىزۋ جوسپارلانىپ وتىر. سونداي-اق، وتكەن جىلدىڭ نەگىزگى كاپيتالىنا تارتىلعان ينۆەستيسيا كولەمى 13 ملرد 898 ملن 900 مىڭ تەڭگەنى قۇراپ، وبلىستاعى اۋداننىڭ ۇلەسى 2،9 پايىزعا جەتتى»، - دەدى ەرلان قۋانىش ۇلى.

سونىمەن قاتار، «بيزنەستىڭ جول كارتاسى 2020» باعدارلاماسى اياسىندا اۋداندا اعىمداعى جىلى 7 جوبا جۇزەگە اسپاق. كاسىپكەرلىك سالاسىندا جالپى ستاتيستيكالىق مالىمەتكە سايكەس، اۋدانداعى تىركەلگەن سۋبەكتىلەر سانى - 4556 بولسا، ونىڭ 90 پايىزى بۇگىندە جۇمىس ىستەپ تۇر.

بۇدان بولەك، ايماقتا وسى ۋاقىتقا دەيىن «100 ناقتى قادام» ۇلت جوسپارىنا بويىنشا 826 ۇساق شارۋاشىلىقتاردى بىرىكتىرەتىن 48 اۋىل شارۋاشىلىق كووپەراتيۆتەرى قۇرىلعان. اۋدانداعى اۋىل شارۋاشىلىعى جالپى ٴونىم كولەمى وتكەن جىلى 16 ملرد 506 ملن تەڭگەنى قۇراسا، بيىل بۇل مەجەنى 20 ملرد 826 ملن تەڭگەگە جەتكىزۋ كوزدەلۋدە.

قۇرىلىس سالاسىندا اعىمداعى جىلى 16 نىسان قاراستىرىلعان. ونىڭ ىشىندە 9-ى كۇردەلى جوندەۋگە، 7 نىسان اعىمداعى جوندەۋگە ۇسىنىلدى.

«جەكە تۇرعىن ٴۇي قۇرىلىسىن پايدالانۋعا بەرۋ جۇمىستارى بويىنشا بيىلعى جوسپار وبلىستىق قۇرىلىس باسقارماسىمەن 11 مىڭ شارشى مەتر بولىپ بەلگىلەنگەن. ٴى-توقساندا بۇل كورسەتكىش 2484 شارشى مەترگە ورىندالىپ، وتكەن جىلدىڭ ەسەپتى كەزەڭىمەن سالىستىرعاندا 124،4 پايىزدى قۇرادى. 2018-2020 جىلدارى جالپى اۋدانى 18،5 مىڭ شارشى مەترلىك 362 پاتەر پايدالانۋعا بەرىلەتىن بولادى»، - دەدى ەرلان ايتاحانوۆ.

وقو اكىمىنىڭ ٴباسپاسوز قىزمەتى ٴمالىم ەتكەندەي، ينفراقۇرىلىم سالاسىندا اۋدان كولەمىندەگى 22 ەلدى مەكەنگە گاز جۇيەسىن جۇرگىزۋ ٴۇشىن جوبالىق سمەتالىق قۇجاتتار دايىنداۋعا بيۋدجەتتەن قارجى بولىنگەن. قازىرگى تاڭدا ٴشاۋىلدىر جەنە تەمىر اۋىلدارىندا قۇرىلىس جۇمىستارى باستالدى. وتىرار اۋدانىنداعى 38 ەلدى مەكەننىڭ ٴ25-ى ورتالىقتاندىرىلعان قۇبىر سۋىمەن، 6-ى «قازاقستان تەمىر جولى» اق ارقىلى اۋىز سۋمەن قامتىلسا، 7 ەلدى مەكەن قۇدىق جانە ۇڭعى سۋىن پايدالانادى.

بۇگىنگى تاڭدا وڭىردە ٴبىلىم بەرۋ ۇيىمدارىنىڭ جالپى سانى - 40، تيپتىك جايدا ورنالاسقانى - 27، ىڭعايلاستىرعان جايدا - 13 مەكتەپ بار. اۋدان كولەمىندە اپاتتى جانە 3 اۋىسىمدى مەكتەپتەر جوق.

ايتا كەتەرلىگى، وتىرار اۋدانىندا حالىقتى جۇمىسپەن قامتاماسىز ەتۋدىڭ 2018 جىلعى كەشەندى جوسپارى بويىنشا 2500-گە جۋىق ادامدى جۇمىسپەن قامتۋ مەجەلەنگەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي