BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

وسكەمەندە جاڭا ىقشام اۋدان بوي كوتەرەدى

فوتو: yk-news.kz

وبلىس ورتالىعىندا سول جاعالاۋداعى قۇرىلىس جۇمىستارى جالعاسىن تاۋىپ جاتىر. بيىل وبلىستىق دراما تەاترىنىڭ ماڭىندا كولەمدى قۇرىلىس جۇمىستارى باستالادى. ول جەرگە كوپ قاباتتى ۇيلەر، بىرنەشە بالاباقشا، مەكتەپ جانە ٴقوناقۇي سالىنادى، دەپ حابارلايدى baq.kz اقپارات اگەنتتىگى yk-news.kz سايتىنا سىلتەمە جاساپ.

بۇل ىقشام اۋداننىڭ قۇرىلىس جوسپارىن «وبلگرادپروەكت» جشس جاساعان. كومپانيا ديرەكتورى ەلەنا ەليسەەۆانىڭ ايتۋىنشا، جوبا شىعىس قازاقستان وبلىستىق دراما تەاترىنىڭ ماڭىنداعى 80 گەكتاردان استام اۋماققا ارنالىپ جاسالعان. ول جەر ەندى تۇبەگەيلى وزگەرەدى.

باس جوسپارعا سايكەس، بۇل جەردە توعىز، ون ەكى، ون التى قاباتتى تۇرعىن ۇيلەر سالىنادى. بولاشاقتا بۇل ۇيلەرگە 7380 ادام قونىستانا الادى. سونداي-اق، وسى ىقشام اۋدان اۋماعىنا 1200 ورىندىق مەكتەپ، ٴارقايسىسى 180 ورىندىق 3 بالاباقشا سالىنادى. سونىمەن قاتار، 200 ورىندىق ٴقوناقۇي مەن كوپساتىلى پاركينگ سالۋ جوسپاردا بار.

«تاپسىرىس بەرۋشى – وسكەمەن قۇرىلىس ٴبولىمى جوبانى ماقۇلدادى. ٴقازىر قۇجاتتاردى ۆەدومستۆولىق ەمەس ساراپتاما قاراپ جاتىر»، - دەيدى ەلەنا اناتولەۆنا.

جوبانى بەكىتكەننەن كەيىن قۇرىلىس جۇمىستارى باستالادى. جوبانىڭ ىسكە اسۋى قارجىلاندىرۋعا بايلانىستى بولماق.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي