BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

وقو-دا جىل سوڭىنا دەيىن 116 نىسان ەل يگىلىگىنە بەرىلەدى

وڭتۇستىك قازاقستان وبلىسىندا جىل سوڭىنا دەيىن 209 نىساننىڭ 116-ىن پايدالانۋعا تاپسىرۋ جوسپارلانىپ وتىر. سونىڭ ىشىندە 1 قىركۇيەك كۇنى 20 مەكتەپ ەل يگىلىگىنە بەرىلمەك. اتالعان 209 ينۆەستيسيالىق جوبانىڭ ىسكە اسىرىلۋىنا 64،9 ملرد. تەڭگە باعىتتالعان. بۇگىن بۇل تۋرالى وبلىس اكىمى ج. تۇيمەبايەۆتىڭ قاتىسۋىمەن وتكەن سەلكتورلىق وتىرىستا وبلىستىق قۇرىلىس باسقارماسىنىڭ باسشىسى قۇتتىبەك جاماشەۆ ٴمالىم ەتتى، دەپ حابارلايدى baq.kz اقپارات اگەنتتىگى.

قۇرىلىسى جوسپارلانعان 209 نىساننىڭ ٴ93-ى 2018 جىلعا وتپەلى. اتاپ ايتقاندا، 79 ٴبىلىم بەرۋ نىسانى، 38 دەنساۋلىق ساقتاۋ نىسانى، 1 الەۋمەتتىك قامتۋ، 3 سپورت، 4 مادەنيەت، 1 اۋىل شارۋاشىلىعى، 1 ىشكى ىستەر ورگاننىڭ، 1 مۇراعات، 2 اباتتاندىرۋ، 1 قورشاعان ورتانى قورعاۋ، 57 تۇرعىن ٴۇي جانە 21–ينجەنەرلىك-كوممۋنيكاسيالىق نىساننىڭ قۇرىلىسى جوسپارلانعان.

«ٴبىلىم بەرۋ سالاسىنا جالپى 79 (76 مەكتەپ، 1 مەكتەپ-ينتەرنات، 2 كوللەدج) نىساندا قۇرىلىس جۇمىستارىن جۇرگىزۋگە 31،2 ملرد. تەڭگە باعىتتالعان، ونىڭ ىشىندە ۇلتتىق قوردان – 17،4 ملرد. تەڭگە قارالىپ، «نۇرلى جول» باعدارلاماسى شەڭبەرىندە 32 مەكتەپ قۇرىلىسىن جۇرگىزۋ جوسپارلانعان. 32 نىساننىڭ 19-ى 2016 جىلدان وتپەلى بولىپ، 19-ىن پايدالانۋعا بەرۋ جوسپاردا بار. بۇگىنگى كۇنگە 4 نىسان پايدالانۋعا بەرىلگەن. 2017 جىلى قۇرىلىسى جوسپارلانعان 13 مەكتەپ 2018 جىلعا وتپەلى»، - دەيدى قۇتتىبەك راحماتۋللا ۇلى.

سونداي-اق 2016-2017 وقۋ جىلدارىندا وبلىسىمىزداعى 94 ٴبىلىم بەرۋ نىساندارىندا كۇردەلى جوندەۋ جۇمىستارى جۇرگىزىلگەن. ال بيىل اۋداندىق، قالالىق بيۋدجەت ەسەبىنەن 43 مەكتەپ پەن 2 بالاباقشادا كۇردەلى جوندەۋ جۇمىستارىنا 2،6 ملرد تەڭگە قارالعان. بۇگىنگى تاڭدا 45 ٴبىلىم بەرۋ نىسانىنىڭ 36-سىندا كۇردەلى جوندەۋ جۇمىستارى جۇرۋدە. قالعان 9 نىساندا مەملەكەتتىك ساتىپ الۋ كونكۋرىسى وتۋدە. وسى ماسەلەلەرگە توقتالعان وبلىستىق ٴبىلىم باسقارماسى باسشىسىنىڭ مىندەتىن اتقارۋشى ر. ەرگاشوۆا سارىاعاش اۋدانىنداعى 15 ٴبىلىم بەرۋ نىسانى مەن تۇلكىباس اۋدانىنداعى 4 مەكتەپتىڭ كۇردەلى جوندەۋ جۇمىستارى كەلەسى جىلعا وتپەلى بولىپ وتىرعاندىعىنا توقتالدى.

«وبلىسىمىزداعى بارلىق مەكتەپتەردەگى كۇردەلى جانە اعىمداعى جوندەۋ جۇمىستارى وقۋ ماۋسىمى باستالعانشا ٴبىتۋى ٴتيىس. قۇرىلىستىڭ ساپالى ٴارى مەرزىمدى اياقتالۋىنا ٴمان بەرىلۋى كەرەك. سونداي-اق جوبالاۋ سمەتالىق قۇجاتتاما جۇمىستارىن تەزدەتىپ ٴبىتىرۋدىڭ جولدارىن قاراستىرعان ٴجون. بۇل رەتتە اۋدان اكىمدەرى ٴار اپتا سايىن اتقارىلعان جۇماستاردىڭ ناتيجەسىن بايانداپ وتىراتىن بولادى»، - دەدى جانسەيىت قانسەيىت ۇلى.

سەلەكتورلىق جيىندا وبلىستىق دەنساۋلىق ساقتاۋ باسقارماسىنىڭ باسشىسى مۇحان ەگىزبايەۆ ٴسوز الىپ، قازىرگى تاڭدا 5 نىساندا كۇردەلى جوندەۋ جۇمىستارى جۇرگىزىلىپ جاتقاندىعىن ايتتى.

بۇدان بولەك، 34 نىساننىڭ جوبالاۋ سمەتالىق قۇجاتتامالدارى ازىرلەنۋدە. بۇل جۇمىستارعا 3،8 ملرد تەڭگە باعىتتالعالى وتىر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي