BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

وقو-دا تاۋلىگىنە 50 توننا ٴسۇت وڭدەيتىن زاۋىت ىسكە قوسىلادى

وڭتۇستىك قازاقستان وبلىسى، ورداباسى اۋدانىندا ورنالاسقان ەڭ سوڭعى ۇلگىدەگى قوندىرعىلارىمەن جابدىقتالعان «بورتە-ميلكا» كەشەندى ٴسۇت فەرماسى تاياۋدا ٴسۇت وڭدەۋ زاۋىتىن ىسكە قوسپاق، دەپ حابارلايدى baq.kz اقپارات اگەنتتىگى وقو اكىمدىگى ٴباسپاسوز قىزمەتىنە سىلتەمە جاساپ.

تاۋلىگىنە 50 توننا ٴسۇتتى وڭدەۋگە قاۋقارلى كاسىپورىن قايماق پەن ايران جانە بالالارعا ارناپ «بورتە ميلكا» يوگۋرتىنىڭ 6 ٴتۇرىن شىعاراتىن بولادى. كاسىپكەردىڭ ايتۋىنشا، قازىرگى تاڭدا زاۋىت ىسكە قوسىلۋعا تولىقتاي دەرلىك دايىن. جۇمىسىن باستاعان كۇننەن باستاپ شاعىن فەرمەرلەردەن دە ٴسۇت قابىلداي باستاماق. ولارمەن كەلىسىم-شارت جاسالادى.

كومپانيا كەشەنى وڭىردەگى جالعىز روبوتتاندىرىلعان ٴسۇت-تاۋارلى فەرما بولىپ سانالادى. فەرما شۆەدتىڭ delaval كومپانياسىنىڭ ەڭ زاماناۋي تەحنولوگياسىن قولدانىپ سوعىلعان.

مۇنداعى بارلىق جۇمىستى دەرلىك روبوتتار اتقارادى - سيىردى تازالاپ، ساۋادى جانە تۇراتىن ورنىن تازالايدى. جەمدەلەتىن سيىرلاردى سالقىنداتۋ جۇيەسى، مەتەوستانسياسى بار جەلدەتكىش جۇيەسى، كۇندىزگىدەي جارىق جۇيەسى، سيىردىڭ تويعانىن انىقتاۋ كامەرالارى ورناتىلعان.

ينۆەستيسيا كولەمى 2،4 ملرد تەڭگەنى قۇرايدى. مۇندا گولدشتەين فريز تۇقىمداس 700 سيىر بار. ٴارقايسىسىنا بىرەگەي كودى بار چيپ ورناتىلعان. ساۋىن سيىر تۋرالى اقپارات جالپى كومپيۋتەرگە تۇسەدى. ٴار سيىردان تاۋلىگىنە 30-40 ليتر ٴسۇت ساۋىلادى. وسىلايشا ٴبىر تاۋلىكتە شامامەن 9 توننا ٴسۇت جينالۋدا.

وسىناۋ جۇمىستىڭ بارىسىمەن بۇگىن وبلىستىق كاسىپكەرلىك، يندۋستريالدى-يننوۆاسيالىق دامۋ جانە تۋريزم باسقارماسى ۇيىمداستىرعان پرەسس-تۋر بارىسىندا باق وكىلدەرى مەن بلوگەرلەر تانىسىپ كورىپ قايتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي