BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بوزىمبايەۆ ٴتورتىنشى مۇناي وڭدەۋشى زاۋىت قۇرىلىسى جايىندا ايتتى 

استانا، baq.kz ٴتىلشىسى. بۇل جونىندە ورتالىق كوممۋنيكاسيالار قىزمەتىندە وتكەن بريفينگتە قر ەنەرگەتيكا ٴمينيسترى قانات بوزىمبايەۆ مالىمدەدى.

«ٴتورتىنشى مۇناي وڭدەۋشى زاۋىت ازىرشە سالىنبايدى. نەگە؟ سەبەبى، «قازمۇنايگاز» ەكى الەمدىك كومپنايانى تارتتى. ەنەرگەتيكا مينيسترلىگى باسقارىپ وتىرعان جۇمىس توبىنىڭ جەتەكشىلىگىمەن بىزگە جۇرگىزىلگەن مودەرنيزاسيانىڭ ارقاسىندا ناقتى 2026-2027 جىلعا دەيىن جاقسى قور بار ەكەنى جونىندە ەسەپ بەردى. ەگەر، ٴبىز كوممۋنالدىق كولىك پەن باسقا دا كولىك تۇرلەرىن گازداندىرساق، وندا بۇل بىزگە ديزەل وتىنى بويىنشا 400-500 مىڭ تونناعا دەيىن ۇنەمدەۋ بەرەدى. 2030 جىلعا دەيىن ىشكى نارىققا ارنالعان جاڭا قۋاتتىلىقتار قاجەت بولمايدى»، - دەدى بوزىمبايەۆ.

ەنەرگەتيكا ٴمينيسترى بارلىق جاعداي ەلدەگى ەكونوميكا وسىمىنە بايلانىستى بولاتىنىن جوققا شىعارمادى.

«ٴبىز بەلگىلى ٴبىر تۇتىنۋ دەڭگەيى ەسەبىنەن قاتاڭ باقىلاۋ جۇرگىزەتىن بولامىز. ىشكى نارىقتا نەگىزگى مۇناي ونىمدەرىن تۇتىنۋ 10،5 ملن تونناعا جەتكەن ۋاقىتتا جاڭا مۇناي وڭدەۋشى زاۋىت قۇرىلىسى جايىندا ٴسوز قوزعاۋعا بولادى. الايدا، كەمىندە بەس جىل ۋاقىت قاجەت ەكەنىن دە ەسكەرۋ كەرەك. سول سەبەپتى، ٴتورتىنشى مۇناي وڭدەۋشى زاۋىت تۋرالى ازىرشە شەشىم جوق»، - دەپ تۇيىندەدى مينيستر.

سونىمەن قاتار، بوزىمبايەۆ 2018 جىلى ەلىمىزدەگى گاز ٴوندىرىسى وسكەنىن، الداعى جىلدارى قاراشىعاناققا 5 ملرد دوللار ينۆەستيسيال تارتىلاتىنىن جانە بيىل ەلدى مەكەندەردى گازداندىرۋ بويىنشا قانشا جوبا ىسكە اسىرىلعانىن ايتقان بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي