BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قوستانايدا تەلەديدار شىعارىلاتىن بولادى

فوتو: ашық дереккөзден

بۇل تۋرالى قوستاناي وبلىسىنىڭ اكىمى ارحيمەد مۇحامبەتوۆتىڭ ايماققا ينۆەستيسيا تارتۋ ماسەلەلەرى جونىندە وتكىزگەن جيىنىندا بەلگىلى بولدى، دەپ حابارلايدى baq.kz اقپارات اگەنتتىگى اكىمدىكتىڭ ٴباسپاسوز قىزمەتىنە سىلتەمە جاساپ.

القا وتىرىسىندا قىتاي حالىق رەسپۋبليكاسىنىڭ نكس corporation limited كومپانياسى جەتەكشىلەرىنە وبلىستىڭ ينۆەستيسيالىق تارتىمدىلىعى جانە ينۆەستورلاردى مەملەكەتتىك قولداۋ شارالارى تانىستىرىلدى. جيىنعا وبلىس باسشىسى ارحيمەد مۇحامبەتوۆ پەن نكس corporation limited كومپانياسىنىڭ ۆيسە-پرەزيدەنتى لي دجين قاتىستى.

سونىمەن، قىتايلىق كومپانيا قوستاناي قالاسىنداعى يندۋستريالىق ايماقتا تەلەديدار شىعاراتىن زاۋىت سالۋ جوباسىن قاراستىرۋدا. ولار باستاپقى كەزەڭدە 20 ملن دوللار ينۆەستيسيا سالۋدى جوسپارلاپ وتىر. اتالعان زاۋىتتىڭ وندىرىستىك قۋاتى جىلىنا 600 مىڭ دانا بولماق. الداعى ۋاقىتتا 500 شاقتى جۇمىس ورنى اشىلۋى مۇمكىن.

«قوستاناي وبلىسى - قازاقستانداعى ٴبىز ينۆەستيسيا سالعالى وتىرعان العاشقى ٴوڭىر. قوستاناي رەسەي فەدەراسياسىمەن ىرگەلەس، سوندىقتان كەدەن وداعىنىڭ مۇمكىندىكتەرى ەسەپكە الىنىپ وتىر. ٴبىر جاعىنان تمد نارىعىنا شىعۋعا دا قولايلى. جوسپارىمىز بويىنشا، زاۋىتتىڭ جىلدىق ساۋدا كولەمى 400 ملن دوللارداي بولادى دەپ كۇتىلەدى. ٴونىم ساۋداسىنىڭ ماقساتتى نارىعى تمد ەلدەرى بولىپ وتىر»، - دەدى لي دجين.

جيىندا قىتايلىق مەيماندارعا قوستاناي وبلىسى جايىندا جان-جاقتى اقپارات بەرىلدى. گەوگرافيالىق، الەۋمەتتىك، ەكونوميكالىق جاعدايىمىز جانە يندۋستريالىق ايماقتىڭ جۇمىسى، اتقارىلعان، تاياۋ كەلەشەككە قۇرىلعان اۋقىمدى جوسپارلار تانىستىرىلدى.

«قوستاناي - اگرارلى ٴوڭىر، ەلدىڭ ەگىن شارۋاشىلىعىنىڭ تورتتەن ٴبىرىن قامتيدى. ينۆەستورلارمەن ارىپتەستىك ورناتۋ، بىرلەسە جۇمىس ىستەۋ جاعىنان تاجىريبەمىز بار. بۇعان دەيىن دە قىتايلىق كومپانيالارمەن بىرلەسىپ وندىرىستىك جەلىلەردى ىسكە قوستىق. ارىپتەستىك ناتيجەسىز ەمەس. سىرتقى نارىققا شىعۋ مۇمكىندىگىنە يەمىز، اسىرەسە رەسەيمەن كورشىلەس ورنالاسۋىمىز ەكسپورتتىق جاعىنان ٴتيىمدى. باستىسى، كورپوراتيۆتىك سالىق كولەمى بۇل ەلدىكىمەن بىردەي. ال سىزدەردىڭ كومپانيالارىڭىز تۋرالى جاقسى حاباردارمىز. ونىمدىلىك 600 ملن دانا بولسا، ەلىمىزدى دە، رەسەي نارىعىن دا قامتي الماقپىز»، - دەدى وبلىس اكىمى ارحيمەد مۇحامبەتوۆ.

ايماق باسشىسى قىتايلىق كومپانيا جەتەكشىلەرىنە ٴوزارا ارىپتەستىك قاتىناسقا قاشاندا دايىن ەكەندىگىن جەتكىزدى. ال مەيماندار، ٴبارى جوسپارداعىداي بولسا، كەلەر جىلى-اق زاۋىتتى ىسكە قوسۋعا ىقىلاس تانىتتى. تەك زاۋىت قۇرىلىسىن قاي تاراپ مىندەتىنە الاتىنىن كومپانيا ٴوز ىشىندە كەڭەسپەك، بۇل جۇمىستار بىرلەسكەن تۇردە جۇزەگە اسۋى دا ابدەن مۇمكىن.

ەستەرىڭىزگە سالا كەتەيىك، قىتايلىق كومپانيا باسشىلىعىن وبلىس اكىمىنىڭ ورىنباسارى مەيىرجان مىرزاليەۆ باستاعان دەلەگاسيا 16-21 شىلدەدە بەيجىڭ قالاسىنا جاساعان ٴىسساپارى بارىسىندا قوستانايعا شاقىرعان بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي