BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

كوكشەتاۋدا جىلۋ ەلەكتر ورتالىعى سالىنادى

كوكشەتاۋ، baq.kz ٴتىلشىسى. كوكشەتاۋدا مەملەكەتتىك-جەكەمەنشىك ارىپتەستىك اياسىندا جىلۋ ەلەكتر ورتالىعى سالىنادى. بۇل تۋرالى وڭىرلىك كوممۋنيكاسيالار قىزمەتىندە وتكەن بريفينگتە قازاقستاندىق «ٴدان» كومپانياسىنىڭ ديرەكتورى ناريمان بيتاقوۆ مالىمدەدى.

جوبا سلوۆەنيا مەملەكەتىندەگى كاسىپكەر ارىپتەستەرمەن بىرلەسىپ جۇزەگە اسىرىلماقشى. جوبانى جۇزەگە اسىرۋعا ۇمىتكەر 4 ينۆەستيسيالىق كومپانيانىڭ ىشىنەن «ٴدان» كومپانياسىنىڭ ۇسىنىسىنا وڭ قاباق تانىتىلعان.

كەلەر جىلدىڭ كوكتەمىندە سمەتالىق قۇجاتتامالارى دايىندالىپ، كۇزگە قاراي قۇرىلىس جۇمىستارى قولعا الىنباقشى. جىلۋ ەلەكتر ورتالىعىن بەس جىلدان كەيىن پايدالانۋعا بەرۋ جوسپارلانعان. جالپى جارامدىلىق مەرزىمى 30 جىل.

سلوۆەنيالىق «لوكا ينجينيرينگ» كومپانياسى رەسەيدە وسىنداي جىلۋ ەلەكتر ورتالىقتارىن سالۋمەن اينالىسسا، «ٴدان» كومپانياسى گرەس، تەس-تەردىڭ جوبالارىن جاساۋمەن شۇعىلدانىپتى.

«كوكشەتاۋدا سالىناتىن جىلۋەلەكتر ورتالىعىنىڭ قۋاتتىلىعى 180 مۆت جانە 450 گكال بولادى. بۇل وبلىس ورتالىعىنداعى تۇرعىن ۇيلەر مەن ونەركاسىپ نىساندارىن تولىق قامتاماسىز ەتۋگە جەتكىلىكتى. بۇگىنگى تاڭدا جەر تەلىمى ماسەلەسى شەشىلۋدە. جاڭا ورتالىق قازىرگى №1 جانە №2 بۋ قازاندىقتارىنىڭ ماڭىندا بوي كوتەرمەك»، - دەيدى سەرىكتەستىك ديرەكتورى ناريمان بيتاقوۆ.

جەو قۇرىلىسى شامامەن 176 ميلليارد تەڭگەگە باعالانىپ وتىر. مامانداردىڭ ايتۋىنشا، باستاپقىدا كومىرمەن جاعىلادى، كەيىن وڭىرگە كوگىلدىر وتىننىڭ كەلۋىمەن گازعا اۋىستىرىلماق.

«جاڭا جىلۋ ەلەكتر ورتالىعىنىڭ تۇرعىندارعا ۇسىناتىن ٴتاريفى قازىرگىدەن جوعارى بولمايدى. جالپى قۇرىلىس جۇمىستارىنا 700-دەن 1000 ادامعا دەيىن تارتۋ كوزدەلگەن. ال، پايدالانۋعا بەرىلگەن كەزدە 600 ادام تۇراقتى جۇمىسپەن قامتىلادى. قازاقستاندا تۇڭعىش قولعا الىنىپ وتىرعان جىلۋ ەلەكتر ورتالىعىنىڭ قۇرىلىس جۇمىستارىنا شەتەلدىك جانە جەرگىلىكتى ماماندار تارتىلماق»، – دەيدى ناريمان بيتاقوۆ.

جىلۋ ەلەكتر ورتالىعىنىڭ مونتاجىن جاساپ، قازاندىقتارىن ورناتۋ جۇمىستارىنا ارنايى بىلىكتى ماماندار شاقىرتىلماق. جىلۋ ەلەكتر ورتالىعىن پايدالانۋ كەزىندە جىلىجاي كەشەنى مەن تەمىر-بەتون بۇيىمدارىن دايىندايتىن زاۋىت سالۋ سياقتى قوسىمشا جوبالار قۇرۋ دا جوسپارلانىپ وتىر.

مەردىگەر كومپانيا وكىلدەرى ساپالى ٴارى ٴتيىمدى كەشەن سالىناتىنىنا سەندىرىپ وتىر. ەڭ باستىسى، سەڭ قوزعالدى. كوكشەتاۋلىقتاردىڭ ىستىق سۋعا قولى جەتىپ، جىلۋعا جاريتىن كۇنى الىس ەمەس سياقتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي