BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«قازاقستاننىڭ جاسىل ەكونوميكاعا كوشۋ مودەلىن قولداۋ» جوباسى قورىتىندىلاندى

استانا، baq.kz ٴتىلشىسى. بۇگىن استانادا 2015-2018 جىلدارعا ارنالعان قۇنى «قازاقستاننىڭ جاسىل ەكونوميكاعا كوشۋ مودەلىن قولداۋ» ەۋروپالىق وداق، بۇۇ دامۋ باعدارلاماسى، بۇۇ ەروپالىق ەكونوميكالىق كوميسسياسى بىرىككەن جوباسىنىڭ قورىتىندى كونفەرەنسياسى ٴوتتى.

جوبا اياسىندا قازاقستاننىڭ 8 وبلىسىندا قۇنى 7،2 ملن ەۋرونى قۇرايتىن 15 تەحنولوگيالىق جوبا جۇزەگە اسىرىلدى.

جوبانىڭ باس تەحنيكالىق كەڭەسشىسى حەنري ۆايس بۇگىنگى شارا ەكى جىل اياسىندا قول جەتكىزگەن جەتىستىكتەردى تالقىلاپ، وسى جوبانىڭ تاجىريبەسىن ٴارى قاراي قالاي پايدالانۋعا بولاتىنىن تالقىلاۋ ٴۇشىن وتكىزىلىپ وتىرعانىن اتاپ ٴوتتى.

«بۇل جوبا ەكى سەكتوردى قامتيدى. ول ەكونوميكانى ٴارتاراپتاندىرۋ ٴۇشىن وتە ماڭىزدى. قايتا قالپىنا كەلەتىن ەنەرگيانى دامىتۋدا قازاقستاننىڭ الەۋەتى وتە جوعارى. قازاقستان جىلدان جىلعا ەنەرگيانى ارتتىرىپ، وتە جوعارى كورسەتكىشكە يە بولىپ كەلەدى. ەكىنشىسى، اۋىل شارۋاشىلىعىن دامىتۋ، ويتكەنى حالىقتىڭ 40% استامى اۋىلدىق جەرلەردە تۇرادى. ٴقازىر اۋىل شارۋاشىلىعى ٴجىو 5% قۇرايدى. بۇل ۇلكەن مۇمكىندىكتەرگە جول اشادى. قازاقستاندا عانا ەمەس، الەمنىڭ باسقا ەلدەرىندە دە حالىق سانى وسۋدە. سوندىقتان ەنەرگيا سەكتورى جانە سۋدى ٴتيىمدى پايدالانۋ، اسىرەسە سۋلاندىرۋ ماقساتتارىندا سۋ رەسۋرستارىن ٴتيىمدى پايدالانۋدا قازاقستان وتە جاقسى كورسەتكىشتەر كورسەتىپ وتىر»، - دەپ اتاپ ٴوتتى ول.

نەگىزگى ٴۇش باعىتتا جۇرگىزىلگەن جوبا – شەكارالىق سۋ رەسۋرستارىن باسقارۋ، سۋ بايلىعىن قورعاۋ تۇرعىسىنان رەسەي فەدەراسياسى تاراپىنان قولداۋ تاۋىپ، جايىق وزەنى سۋىن پايدالانۋدىڭ بىرلەسكەن جوباسى جۇزەگە استى. قورشاعان ورتانى قورعاۋ جانە تۇرعىندار دەنساۋلىعىن ساقتاۋ ماسەلەلەرىن مەملەكەتتىك باعدارلاما، ساياسات تۇرعىسىنان قاراستىرىلدى.

قر ەنەرگەتيكا ۆيسە-مينيسترى ٴسابيت نۇرلىباي «جاسىل ەكونوميكا مودەلىنە كوشۋ ٴۇشىن قازاقستاندى قولداۋ» جوباسىمەن بىرلەسە 2050 ستراتەگياسىنا وراي وتە ايقىن ماقساتتار قويىپ وتىرعانىن اتاپ ٴوتتى.

«ەلباسى 2013 جىلى ەلدىڭ جاسىل ەكونوميكاعا كوشۋ كونسەپسياسىن انىقتاپ، قازاقستان سول كونسەپسياعا بايلانىستى الەمنىڭ ەڭ دامىعان 30 مەملەكەتىنىڭ قاتارىنا كىرۋدى جوسپارلاپ وتىر. كونسەپسيانىڭ باستى ماقساتى – رەسۋرستاردى پايدالانۋدىڭ تيىمدىلىگىن جوعارىلاتۋ. بۇل دەگەنىمىز – قازىرگى تاڭدا قولدانىپ وتىرعان ينفراقۇرىلىمدى جاڭارتىپ، قورشاعان ورتانىڭ ساپاسى، مەملەكەتتىك قاۋىپسىزدىكتى قامتاماسىز ەتۋ، سىرتقى قاۋىپسىزدىك، قورشاعان ورتانىڭ ەكولوگيالىق قاۋىپسىزدىگى»، - دەپ اتاپ ٴوتتى ول.

ٴسابيت نۇرلىباي مينيسترلىكتىڭ ستراتەگيا اسىندا كوپتەگەن جۇمىستار وتكىەتىنىن اتاپ ٴوتتى.

«ەكولوگيالىق قاۋىپسىزدىكتى قامتاماسىز ەتۋ، ەكوجۇيەنى قالپىنا كەلتىرۋ، كاسىپورىنداردان شىعاتىن زياندى زاتتاردى قىسقارتىپ، جالپى ۇلتتىڭ دەنساۋلىعىنا كوڭىل ٴبولۋ سەكىلدى جوبالارىمىز بار. ارنايى جوسپارىمىزدا وسى ەۋرووداق پەن بۇۇ-مەن بىرلەسە اۋىل شارۋاشىلىعىن قامتيتىن تۇرعىن جايلاردى، گيدروقۇرىلىمداردى ٴتيىمدى قولدانۋ جولدارى، سۋدى ۇنەمدەۋدىڭ ٴارتۇرلى تەحنولوگيالارىن ەنگىزۋ سەكىلدى جوبالاردى ىسكە اسىرىپ وتىرمىز. ەكىنشى ماڭىزدى جوبا – گيدروقۇرىلىمداردى اۆتوماتتاندىرۋ، ٴتيىمدى قولدانۋ. وسى ەكونوميكالىق مودەلدەردىڭ ٴارقايسىسى ٴتيىمدى ەكەنىن كورسەتتى»، - دەدى ۆيسە-مينيستر.

سۋ رەسۋرستارى كوميتەتىنىڭ ٴتوراعاسى يسلام ٴابىشوۆ وسى جوبا تاجىريبەلەرى الداعى ۋاقىتتا باسقا وڭىرلەردە قولدانىلاتىنىن ايتتى.

«ٴبىز زياندى زاتتاردىڭ شىعارىلۋىن قىسقارتىپ، اۋىل شارۋاشىلىعى سالاسىندا جۇمىس ىستەيتىن ادامداردىڭ ەڭبەك ونىمدىلىگىن ارتتىرىپ، تازا ەكولوگيالىق ونىمگە قول جەتكىزۋ جولدارىن قاراستىرىپ وتىرمىز. سونداي-اق ٴارتۇرلى جاعدايلاردا سۋ تاسقىنى كەزدەرىندە حالىقتى ناقتىلى اقپاراتتاندىرۋ، اقتوبە سۋ قويماسىن اۆتوماتتى باسقارۋ سياقتى ىس-ارەكەتتەر جاسالدى. وسى جوبانى قارجىلاندىرعانى ٴۇشىن بۇۇ، ەۋروپالىق ەكونوميكالىق كوميسسياعا، ەۋرووداققا العىس ايتامىن»، - دەدى كوميتەت ٴتوراعاسى.

ەۋروپالىق وداقتىڭ قازاقستانداعى ەلشىسى سۆەن-ولوۆ كارلسسون رەسۋرستاردى ٴتيىمدى پايدالانۋ ەۋروپا-2020 ستراتەگياسىنىڭ بىردەن ٴبىر بولىگى دەپ اتاپ ٴوتتى.

«ەكونوميكانىڭ قارقىندى جانە تۇراقتى دامۋى رەسۋرستاردى ٴتيىمدى پايدالانۋ بويىنشا ەۋروپا بۇل ستراتەگيانى جۇزەگە اسىرىپ كەلەدى. ستراتەگيادا 2030 جىلعا دەيىن ميلليوننان استام جۇمىس ورنىن اشۋ، بيزنەستى جۇرگىزۋدىڭ جاڭا جولدارىن قاراستىرۋ، زياندى گازداردىڭ شىعارىلۋىن قىسقارتۋ سەكىلدى ماڭىزدى شارالار بار. قازاقستان وسى كونفەرەنسياعا دايىندىق بارىسىندا «قازاقستاننىڭ 2050 ستراتەگياسى»، سونداي-اق «جاسىل ەكونوميكاعا ٴوتۋ مودەلى» سەكىلدى بىرنەشە وتە ماڭىزدى ستراتەگيالىق شەشىمدەر قابىلدادى. قازاقستان مۇناي مەن گاز مەملەكەتى ەكەنىن بىلەمىز. دەگەنمەن رەسۋرستاردى راسيونالدى تۇردە پايدالانساق، كومىرقىشقىل گازىن قىسقارتساق، جاسىل دامۋ باعدارلاماسى ارقىلى قول جەتكىزۋگە بولادى. ويتكەنى بۇل باعدارلاما جاسىل تەحنولوگيالاردى پايدالانۋ ماقساتىن قويادى»، - دەدى ەلشى.

ول قازاقستان وسى باعدارلامانى قولدانۋ ارقىلى جاسىل ەكونوميكانى پايدالانۋدا كوشباسشى بولىپ وتىرعانىن ايتتى.

«قازاقستان زاڭناماسىن وزگەرتىپ، حالىقارالىق ٴارتۇرلى جوبالارعا اتسالىسىپ وتىر. جازدا «ەكسپو 2017» كورمەسىن وتكىزدى. بۇل الەمگە ٴوز تاجىريبەسىن كورسەتۋدە ەڭ ٴتيىمدى جەتىستىگى بولدى. قازاقستان جاسىل ەكونوميكاعا ٴوتۋدىڭ باستى قادامدارىن جاساپ، باسقا ەلدەرگە جاقسى ۇلگى بولىپ وتىر. ٴبىز قازاقستاندى ٴوزىمىزدىڭ ستراتەگيالىق باستى جانە ماڭىزدى ارىپتەسىمىز دەپ سانايمىز. ەۋرووداقتىڭ قارجىلاي قولداۋىمەن جۇزەگە اسىرىلعان جاسىل ەكونوميكا تەحنولوگيالارى وسىنىڭ جارقىن مىسالى بولا الادى. ٴبىز الداعى ۋاقىتتا دا جاڭاشىل جوبالاردى جوسپارلاپ، ولاردى قولدايتىن بولامىز»، - دەپ ٴسوزىن تۇيىندەدى ول.

ال بۇۇ-نىڭ قازاقستانداعى تۇراقتى وكىلى نوريماسا شيمومۋرا ەكولوگيالىق پروبلەمالاردى شەشۋ قاشان دا ماڭىزدى ەكەنىن، ول تابيعاتتى ساقتاپ قالۋ ٴۇشىن عانا ەمەس، قوعامىمىزعا ۇلكەن اسەر ەتەتىنىن اتاپ ٴوتتى.

«قازاقستان ۇكىمەتى حالىقارالىق زاڭنامالارعا دا وزگەرىس ەنگىزۋگە اتسالىستى. بۇل جوبا ارقىلى 14 شەشىم كورسەتىلىپ، 14 ٴتۇرلى مودەل پايدالانىلدى. ٴارتۇرلى ەكونوميكالىق، ەكولوگيالىق تۇرعىدان قولدانۋعا بولاتىن شەشىمدەر، جاڭا پراكتيكالار ەنگىزىلدى. قۇرعاقشىلىق قالىپتاسقان ايماقتاردا اۋىل شارۋاشىلىعىن دامىتۋعا جوعارى ٴونىم الۋعا بولاتىنىن تاعى ٴبىر رەت دالەلدەدى. الماتى وبلىسىندا سۋدى قايتا پايدالانۋ سياقتى جوبالار جاسادى. حالىقتىڭ، اسىرەسە ايەلدەر مەن بالالاردىڭ ٴومىر ستاندارتتارىن جوعارىلاتۋدا سۋمەن، ىستىق سۋمەن قامتاماسىز ەتۋ سياقتى جوبالار ىسكە قوسىلدى. بۇل جوبالاردى باسقا سالالاردا قولدانىلا وتىرىپ، باسقا ەلدەرگە دە ۇسىنىلاتىن بولادى»، - دەدى ول.

ول بۇل جوباعا ەۋروپالىق وداقتان 7،2 ملن ەۋرو بولىنگەنىن جانە بۇل بۇۇ ٴۇشىن ەڭ جەمىستى جوبالاردىڭ ٴبىرى بولعانىن اتاپ ٴوتتى.

اتالعان ٴىس-شارا قازاقستاندا تابيعي شيكىزاتتاردى پايدالانۋ مەن سۋ رەسۋرستارى سەكتورىن دامىتۋدىڭ جاڭا ۇلگىسىنە كوشۋدى قولداۋ جوباسىن قورىتىندىلاۋعا ارنالدى. جوبا اياسىندا سۋ سەكتورىن باسقارۋ مەن زاڭنامالىق قۇجاتتاردى جەتىلدىرۋدىڭ تيىمدىلىگى نەگىزىندە جەتىسىكتەرگە قول جەتكىزۋ مۇمكىندىكتەرىنە قورىتىندى جاسالدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي