BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستاننىڭ بيوگازدى قولدانۋ مۇمكىندىگى قانداي

استانادا عالامدىق مەتان باستاماسىنىڭ قولداۋىمەن قازاقستاندا ەنەرگيانى ٴوندىرۋ ٴۇشىن بيوگازدى قولدانۋ مۇمكىندىگى تالقىلانعان سەمينار ٴوتتتى، دەپ حابارلايدى baq.kz اقپارات اگەنتتىگى.

بۇل ٴىس-شارانى، «تۇراقتى دامۋعا جاردەمدەسۋ ورتالىعى»، «kazwaste» قالدىقتاردى باسقارۋ جونىندەگى قازاقستاندىق قاۋىمداستىعى قازاقستان رەسپۋبليكاسىنىڭ ەنەرگەتيكا مينيسترلىگىمەن بىرلەسىپ ۇيىمداستىردى. سەمينارعا عالامدىق مەتان باستاماسى (gmi)، مەملەكەتتىك ورگاندار، قارجى ينستيتۋتتارى، بيزنەس قاۋىمداستىقتار، كاسىپورىندار وكىلدەرى قاتىستى.

«سەمينار ٴۇش سەسسياعا ٴبولىندى. العاشقىسىندا قازاقستان رەسپۋبليكاسىنداعى جاڭارتىلاتىن ەنەرگيا كوزى رەتىندە بيوگازدى پايدالانۋ جاعدايىنا ارنالدى. سەسسيادا قازاقستانداعى مەتان ەميسسياسىن تۇگەندەۋ ناتيجەلەرى، بيوگاز قوندىرعىلارىنا شولۋ جانە ورتالىق ازيا ەلدەرىندەگى «water-waste-energy» باستاماسى بويىنشا سالالىق ساراپشىلاردىڭ پىكىرى تىڭدالدى. ەكىنشى سەسسيا تاقىرىبى قازاقستاندا بيوگازدىق قوندىرعىلاردى پايدالانۋدىڭ مۇمكىندىكتەرى مەن كەلەشەگىنە، سونداي-اق حالىقارالىق ۇيىمدار جۇزەگە اسىراتىن جوبالارعا ارنالدى» - دەيدى ۇيىمداستىرۋشىلار.

ال ٴۇشىنشى وتىرىسقا قازاقستاندا بيوگازدىق قوندىرعىلار قۇرىلىسىن جوسپارلاپ وتىرعان كاسىپورىندار قاتىستى. ولار ٴارى قاراي جۇزەگە اسىرۋ جوسپارلارى تۋرالى اڭگىمەلەدى. سونداي-اق شەتەلدىك كومپانيالار قالدىقتاردان بيوگاز الۋ ٴۇشىن ەڭ جاقسى تەحنولوگيالاردى ۇسىندى.

سەمينار سوڭىندا قازاقستاندا بيوگازدى قولدانۋ جايىندا ۇلكەن پىكىرتالاس وتكىزىلدى. بيوگاز ٴۇشىن اۋكسيوندار وتكىزۋ، بەكىتىلگەن تاريفتەردى بەلگىلەۋ، سالاعا ينۆەستيسيا تارتۋ، سونداي-اق زاڭنامانى جەتىلدىرۋ سياقتى ماڭىزدى ماسەلەلەر قارالدى.

سەمينار مەن تالقىلاۋلاردىڭ قورىتىندىسى بويىنشا قاتىسۋشىلار سەمينار-كەڭەستىڭ شەشىمىندە كورسەتىلەتىن ۇسىنىستار مەن ۇسىنىمداردى ۇسىندى. بۇل قاۋلى قازاقستان رەسپۋبليكاسىنىڭ ەنەرگەتيكا مينيسترلىگىنە، عالامدىق مەتان باستاماسىنا جانە باسقا مۇددەلى ۇيىمدارعا جىبەرىلەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي