BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستاندىق كومپانيالار نوۆوسيبيرسككە تاۋار ەكسپورتتايدى

2018 جىلى 22 مامىردا نوۆوسيبيرسكە قر ينۆەستيسيالار جانە دامۋ مينيسترلىگى، «اتامەكەن» ۇلتتىق كاسىپكەرلەر پالاتاسى ۇيىمداستىرۋىمەن، قازاقستاننىڭ سىرتقى ساۋدا پالاتاسى «نوۆوسيبيرسك ساۋدا-ونەركاسىپ پالاتاسىمەن» بىرلەسە قازاقستاندىق دەلەگاسيانىڭ رەسمي ساۋدا-ەكونوميكالىق ميسسياسى ٴوتتى، دەپ حابارلايدى baq.kz اقپارات اگەنتتىگى.

وسى ميسسيانىڭ ناتيجەسىندە «ارالتۇز» اق، «ماسلو-دەل» جشس، «kondiz» جشس قازاقستاندىق كومپانيالارى نوۆوسيبيرسكتەگى بيزنەس وكىلدەرىمەن كەلىسىمشارتقا قول قويدى. قازاقستان تاراپىنان كوپتەگەن جەتكىزۋشىلەر نوۆوسيبيرسكپەن ٴارى قاراي سەرىكتەستىك ورناتۋدى جوسپارلاپ وتىر.

سونداي-اق، ازىق-تۇلىك ونىمدەرى، جەڭىل ونەركاسىپ تاۋارلارى، حيميالىق ونىمدەر، ەلەكتروتەحنيكا قۇرال-جابدىقتارىن شىعاراتىن 25 قازاقستاندىق وندىرۋشى-كومپانيانىڭ قاتىسۋىمەن ۆ2ۆ فورماتىندا ىسكەرلىك بايلانىس بيرجاسى ٴوتتى. ال رەسەي تاراپىنان ٴىس-شاراعا ٴارتۇرلى سالادا جۇمىس ىستەيتىن 60 كومپانيا قاتىستى.

قازاقستان رەسپۋبليكاسىنان رەسمي تۇلعالار قاتارىندا ينۆەستيسيالار جانە دامۋ مينيسترلىگىنىڭ ەكسپورتتى دامىتۋ دەپارتامەنتىنىڭ ديرەكتورى ٴالىمجان توحتاسىنوۆ، قازاقستاننىڭ سىرتقى ساۋدا پالاتاسىنىڭ ديرەكتورى اقەركەين ەراليەۆا جىنە «kazakhexport» ەكسپورتتىق ساقتاندىرۋ كومپانياى» اق قۋانىش مۇقاجانوۆ، نوۆوسيبيرسك وبلىسىنىڭ اتىنان «نوۆوسيبيرسك ساۋدا-ونەركاسىپ پالاتاسىنىڭ» پرەزيدەنتى سەرگەي التۋحوۆ بار.

كەلىسسوزدەر ناتيجەسىندە كومپانيالار اراسىندا ىسكەرلىك بايلانىس ورناپ، قازاقستان مەن نوۆوسيبيرسك وبلىسى اراسىندا قارىم-قاتىناس نىعايا ٴتۇستى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي