BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستاندا شەتەلدىك ينۆەستيسيامەن توعىز ٴوندىرىس وشاعى ىسكە قوسىلدى

فوتو: ашық дереккөзден

قازاقستاندا 2018 جىلى 635 ملن دوللاردىڭ ينۆەستيسيالىق جوبالارى ىسكە قوسىلدى، دەپ حابارلايدى baq.kz اقپارات اگەنتتىگى.

قر ينۆەستيسيالار مەن دامۋ مينيسترلىگىنەن حابارلاعانداي، 2018 جىلعا جوسپارلانعان 55 جوبانىڭ 9 جۇزەگە اسىرىلدى.

قاراعاندى وبلىسىندا العاش بولىپ ساۋىردە قايتا جوندەۋدەن وتكەن جۇمىرتقا ٴوندىرىسى سەحى al falah capital partners ىسكە قوسىلدى. ٴباا بىرلەسىپ جۇزەگە اسىرىلعان جوباعا 6 ملن دوللار جۇمسالدى.

وزگە جوبالار 2018 جىلدىڭ ماۋسىم-شىلدە ايلارىندا ىسكە اسىرىلدى. سونىمەن، اقتوبە وبلىسىندا shengyuan tehnology co/ltd بلوكتىق-قۇرامداس بولشەكتەر ٴوندىرىسى قىتايمەن بىرلەسىپ 5،5 ملن دوللارعا قوسىلدى. سونىمەن قاتار الماتى وبلىسىندا 5 ملن دوللارعا گەرمانيامەن بىرلەسىپ ەلەكترسوراپ ٴوندىرىسى اشىلدى. بۇدان باسقا، جامبىل وبلىسىنىڭ جۋالى اۋدانىندا ۇلىبريتانيانىڭ قارجىلاندىرۋىمەن united green كۇن ەلەكترستانسياسى 77،8 ملن دوللارعا سالىندى.

ال، ۆەتنام مەن جاپونيا mareven ازىق تۇلىك ٴونىمىنىڭ وندىرىسىنە 48 ملن دوللاردى قۇيدى. بۇگىندە تەحنيكالىق جەلىلەر ىسكە قوسىلعان، زاۋىت تولىق قۋاتتىلىققا 2018 جىلدىڭ قاراشا ايىندا كوشەدى دەپ كۇتىلۋدە. سونىمەن قاتار، جاپونيالىق tokyo rope 10 ملن دوللاردى الماتىداعى ينجەنەرلىك جەلى وندىرىسىنە ينۆەستيسيالادى.

وزكەزەگىندە قىتاي قوستاناي وبلىسىندا قۋاتتىلىعى تاۋلىگىنە 200 توننا بولاتىن قۇراما جەم زاۋىتىن 3 ملن دوللارعا ىسكە قوستى.

بۇدان باسقا، نيدەرلاندى قاراعاندى وبلىسىنداعى maker ماشيناقۇرىلىسى زاۋىتىن قايتا تەحنيكالىق جابدىقتاۋعا 61 ملن دوللار جۇمسادى. ال، رەسەي 418 ملن دوللارعا باقىرشىق كەنورنىندا (شىعىس-قازاقستان وبلىسى) اشىق ادىسپەن كەن ٴوندىرۋدى باستادى جانە جىلىنا 2 ملن توننا كەندى وڭدەيتىن ٴوندىرىس كەشەنىن سالدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي