BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستانداعى تۇرعىن ٴۇي كەپىلدىگى سالاسىنا كورەيانىڭ تاجىريبەسى ەنگىزىلدى

بۇل تۋرالى استانادا «بايتەرەك» ۇلتتىق باسقارۋشى حولدينگى» اق، «تۇرعىن ٴۇي قۇرىلىسىنا كەپىلدىك بەرۋ قورى» اق جانە كورەيا رەسپۋبليكاسىنىڭ تۇرعىن ٴۇي كەپىلدىگى كورپوراسياسى اراسىندا ٴوزارا تۇسىنىستىك تۋرالى مەموراندۋمعا قول قويۋ كەزىندە كورەيا رەسپۋبليكاسىنىڭ تۇرعىن ٴۇي كەپىلدىگى كورپوراسياسىنىڭ باسقارما ٴتوراعاسى لي چاە كۆانگ مالىمدەدى، دەپ حابارلايدى baq.kz اقپارات اگەنتتىگى.

«بايتەرەك» حولدينگىنىڭ باسقارما ٴتوراعاسى ايدار ٴارىپحانوۆ حولدينگتىڭ نەگىزگى باسىمدىقتارىنىڭ ٴبىرى - ىنتىماقتاستىقتى جان-جاقتى دامىتۋ جانە حالىقارالىق سەرىكتەستەرمەن ٴوزارا ٴىس-قيمىل جاساۋ دەپ اتادى. ناقتىراق ايتقاندا، وسى جۇمىستىڭ ارقاسىندا قازاقستاندا كورەيا رەسپۋبليكاسىنىڭ تاجىريبەسى بويىنشا تۇرعىن ٴۇي قۇرىلىسىنا كەپىلدىك بەرۋ قورى قۇرىلدى جانە ونىڭ قىزمەتى ٴۇشىن قاجەتتى زاڭنامالىق بازا ازىرلەندى.

«ٴبىزدىڭ ىنتىماقتاستىعىمىزدىڭ نەگىزگى قاعيداتتارى مەملەكەت باسشىسى نۇرسۇلتان نازاربايەۆتىڭ كورەيا رەسپۋبليكاسىنا رەسمي ساپارى اياسىندا 2016 جىلدىڭ قاراشاسىندا قول قويىلعان ٴوزارا تۇسىنىستىك تۋرالى مەموراندۋمدا بەكىتىلگەن. بۇگىن ٴبىز مەموراندۋمنىڭ مەرزىمىن ۇزارتامىز، ول تاجىريبە مەن ٴبىلىم الماسۋعا نەگىز بولادى» - دەدى ايدار ٴارىپحانوۆ.

ٴوز سوزىندە كورەيا رەسپۋبليكاسىنىڭ تۇرعىن ٴۇي كەپىلدىگى كورپوراسياسىنىڭ باسقارما ٴتوراعاسى لي چاە كۆانگ جەمىستى ىنتىماقتاستىقتى نىعايتۋعا ۇلەس قوسقان ٴۇشىن قازاقستاندىق تاراپقا ريزاشىلىعىن ٴبىلدىردى.

«قازاقستان رەسپۋبليكاسى ۇكىمەتىنىڭ جانە «بايتەرەك» حولدينگىنىڭ ارقاسىندا قىسقا مەرزىم ىشىندە قازاقستاندا تۇرعىن ٴۇي كەپىلدىگى سالاسىندا كورەيا رەسپۋبليكاسىنىڭ تاجىريبەسى ەنگىزىلدى. بۇل ٴبىرىنشى حالىقارالىق جەتىستىك. جاڭا مەموراندۋم پراكتيكالىق جانە ٴوزارا ٴتيىمدى جۇمىستىڭ نىشانى بولادى دەپ سەنەمىن. ٴبىز ىنتىماقتاستىقتى جۇزەگە اسىرۋ بويىنشا، اتاپ ايتقاندا، بىرلەسكەن تاجىريبە ۇيىمداستىرۋ ٴۇشىن، ەگجەي-تەگجەيلى جوسپاردى ۇستانامىز» - دەدى لي چاە كۆانگ.

كورەيا رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى كيم دە سيك ەكى جاقتى ىنتىماقتاستىقتىڭ زور ەكونوميكالىق الەۋەتىنە توقتالدى.

«ەڭ جوعارى ىقتيمالدىعى بار جەرلەردە - تەحنولوگيالار، ٴبىلىم بەرۋ، الەۋمەتتىك جوبالار، تۇرعىن ۇيمەن قامتاماسىز ەتۋ، بىلىكتىلىكتى ارتتىرۋ، تاجىريبە الماسۋ سياقتى سالالاردا بىرگە جۇمىس ىستەۋ ماڭىزدى. بۇل ەكى ەل ٴۇشىن بارىنشا پايدا اكەلەتىن سالالارداعى جەتىستىكتەر» - كيم دە سيك.

مەموراندۋم اياسىندا تاراپتار تۇرعىن ٴۇي قۇرىلىسىنا كەپىلدىك بەرۋ سالاسىنداعى ىنتىماقتاستىقتى دامىتۋعا جانە قولداۋعا نيەت ٴبىلدىردى. بۇل باعىتتاعى ناقتى قادامدار تۇرعىن ٴۇيدى كەپىلدەندىرۋ جۇيەسى، تاجىريبە الماسۋ، تۇرعىن ٴۇي قۇرىلىسى سالاسىنداعى ىنتىماقتاستىقتى كەڭەيتۋ جانە اقپارات الماسۋ، سونداي-اق جۇمىس توپتارىن قۇرۋ جانە تاراپتاردىڭ وكىلدەرىنىڭ بىرلەسكەن ٴبىلىم بەرۋ باعدارلامالارىنا قاتىسۋى سالاسىنداعى تاجىريبە الماسۋ بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي