BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستان مەن ۆەتنام جۇك تاسىمالىنا ەكى ەل تەمىرجولىن پايدالانباق

«قتج» ۇك» اق ۆيسە-پرەزيدەنتى سانجار ەلۋبايەۆ دانانگ (ۆەتنام) قالاسىنداعى تەمىرجولى كولىگى ىنتىماقتاستىعىنىڭ (تجىۇ) باس ديرەكتورلارى حححiii تەمىرجول كونفەرەنسياسى وتىرىسىنا قاتىستى، دەپ حابارلايدى baq.kz اقپارات اگەنتتىگى.

وتىرىس بارىسىندا تجىۇ كوميسسياسى 2017 جىلى اتقارىلعان جۇمىستاردىڭ قورىتىندىسىن تىڭدادى. ونىڭ ىشىندە جۇك جانە جولاۋشىلار تاسىمالى، ينفراقۇرىلىم مەن جىلجىمالى قۇرام جايى، تجىۇ تۇراقتى جۇمىس توبىنىڭ اقپاراتتاندىرۋ جانە كودتاۋ، سونىمەن قاتار قارجىلىق جانە ەسەپ الماسۋ، كادر ماسەلەلەرى قاراستىرىلدى.

ونىڭ سىرتىندا تاراپتار حالىقارالىق تىكەلەي تەمىرجول باعدارى تۋرالى كونۆەنسيا جوباسى ٴماتىنىن قابىلداۋ بويىنشا حالىقارالىق ۇكىمەتارالىق كونفەرەنسيا وتكىزۋ جايىن، تجۇى-عا كورەيا رەسپۋبليكاسىنىڭ مۇشەلىگىن تالقىلادى. 2017 جىلى تجىۇ اتقارعان جۇمىس قورىتىندىسىنىڭ ناتيجەلەرىن، سونىمەن تجىۇ 2019 جىلعا ارنالعان باعدارلاماسى بويىنشا ەسەپتەردى تىڭدادى.

كونفەرەنسيا قاتىسۋشىلارى تجىۇ باعدارلاماسىنىڭ ورىندالۋ بارىسىنا جانە ۇيلەستىرۋشىلىك رولىنە وڭ باعا بەردى. تەمىرجول كولىگى اكىمشىلىكتەرىنىڭ الدىندا تۇرعان مىندەتتەمەلەرى مەن بيزنەس جوسپارلارىن جۇزەگە اسىرۋعا ىقپالىن جوعارى باعالادى.

قازىرگى تاڭدا تجىۇ قىزمەتى تەمىرجول كولىگى سالاسىنىڭ تۇراقتى تاپسىرىس بەرۋشىلەرىمەن جانە سەرىكتەستەرىمەن قىزمەت اياسىن كەڭەيتىپ، وڭتۇستىك، وڭتۇستىك-باتىس جانە وڭتۇستىك-شىعىس ازيا ەلدەرىمەن بايلانىسىن تەرەڭدەتە تۇسۋدە.

كونفەرەنسيا وتىرىسىنا تجىۇ مۇشە ەلدەرىنىڭ تەمىرجول كولىگى اكىمشىلىگى باسشىلارىمەن، باقىلاۋشى وكىلدەرى، تجىۇ كوميتەتى مەن تەمىرجول كاسىپورىندارى جانە حالىقارالىق ۇيىمداردىڭ وكىلدەرى قاتىستى.

كونفەرەنسيا وتىرىسى اياسىندا «قتج» ۇك» اق ۆيسە-پرەزيدەنتى سانجار ەلۋبايەۆ «ۆەتنام تەمىر جولى» مم باس ديرەكتورى ۆۋ تا تۋنگپەن كەزدەسىپ، كولىك-لوگيستيكا سالاسىنداعى بىرلەسكەن جۇمىستاردى اتقارۋ جايىن كەلىستى. كەزدەسۋگە ۆەتنامدىق «ratra co.» كولىك كومپانياسى، «حانوي تاسىمالداۋ كومپانياسى» باسشىلىعى قاتىستى.

تاراپتار 2017 جىلى اقپاندا قول قويىلعان «قتج» ۇك» اق مەن «ۆتج» مم اراسىنداعى ٴوزارا سەرىكتەستىك تۋرالى مەموراندۋمنىڭ ورىندالۋ بارىسىن تالقىلادى. ونىڭ ىشىندە جۇك تاسىمالىنا ۆەتنام تەڭىز پورتتارىن، قىتايدىڭ ليانيۋنگان پورتىنىڭ لوگيستيكالىق تەرمينالى، ۆەتنام تەمىرجول شەكارالىق وتكەلى پينسيان (قحر)-دونگدانگ (ۆەتنام) ەۋروپا، رەسەي، ورتالىق ازيا ەلدەرى جانە كەرى باعىتتا تىكەلەي كونتەينەرلىك پويىز ۇيىمداستىرۋدى قامتاماسىز ەتۋ جايىن ودان ٴارى دامىتۋعا كەلىستى.

سونىمەن قاتار، «قتج» ۇك» اق ۆيسە-پرەزيدەنتى سانجار ەلۋبايەۆ قىتاي تەمىرجولىنىڭ باس ديرەكتورىنىڭ ورىنباسارى چەن چجۋنمەن كەزدەستى. تاراپتار ەكى جاقتى قارىم-قاتىناستىڭ بولاشاعىن تالقىلادى.

تاراپتار وتىرىس بارىسىندا قر مەن ۆسر ينفراقۇرىلىمدارىنىڭ جۇك تاسىمالىنا قاتىستى مۇمكىندىكتەرىن تارازىلادى. ونىڭ ىشىندە ۆەتنامنىڭ تەڭىز پورتتارى، قىتايلىق ليانيۋنگان پورتىنىڭ لوگيستيكالىق تەرمينالىن،

«قورعاس-شىعىس قاقپاسى» اەا قۇرعاق پورتىن پايدالانۋ قاراستىرىلدى. كەزدەسۋگە قر ۆەتنامداعى توتەنشە جانە وكىلەتتى ەلشىسى ب. جۇماحانوۆ قاتىستى.

وتىرىس قورىتىندىسىمەن جۇمىس توبىنىڭ العاشقى وتىرىسى بويىنشا ٴتيىستى حاتتاماعا قول قويىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي