BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستان مەن قىتاي ٴوزارا كولىك تاسىمالىن جانداندىرماقشى

ۇرىمشىدە قر يدم كولىك كوميتەتى دەلەگاسياسى مەن قحر سينسزيان-ۇيعىر اۆتونومدىق رايونىنىڭ كولىك دەپارتامەنتى اراسىندا حالىقارالىق اۆتوموبيل تاسىمالى ماسەلەلەرى تۋرالى كەڭەس ٴوتتى، دەپ حابارلايدى baq.kz اقپارات اگەنتتىگى.

كەزدەسۋ بارىسىندا ەكىجاقتى جۇك جانە جولاۋشىلار تاسىمالى سالاسىنداعى پروبلەمالىق ماسەلەلەر قاراستىرىلىپ، 2018 جىلعا رۇقساتتاما بلانكىلەرىمەن الماسۋ كۆوتاسىنىڭ سوڭعى كولەمى جانە 2019 جىلعا الدىن الا كولەمى بەلگىلەندى.

كەلىسسوزدەر ناتيجەسىندە ٴبىرقاتار كەلىسىمدەرگە قول جەتكىزىلدى.

قازاقستاندىق اۋىر جۇك ماشينالارىنىڭ ٴۇرىمشى، ينين جانە التاي قالالارىنا دەيىن ٴجۇرىپ ٴوتۋى ٴۇشىن قىتاي تاراپىنان زاڭناما مەن ستاندارتتاردى tir كونۆەنسياسىنىڭ تالاپتارىنا سايكەستەندىرۋ بويىنشا جۇمىستار اتقارىلادى. وسى ۋاقىتقا دەيىن اۋىر جۇك اۆتوموبيلدەرىنىڭ شاناعى تۇتاس مەتالدى نەمەسە توبە شاتىرى مەتالدى جانە شاناقتىڭ ەكى جاعىنان برەزەنت تەنتى بولۋ قاجەت.

سونىمەن بىرگە، قىتايلىق اۋىر جۇك ماشينالارىنىڭ «قورعاس» شىحو-نىڭ قازاقستان جاعىنا وتۋىنە تىيىم سالىنۋى تۋرالى ماسەلە تالقىلاندى. قىتاي تاراپى «قورعاس» شىحو باسقارۋشى كومپانياسىمەن كەڭەس وتكىزگەنىن جانە تىيىمنىڭ الىنىپ تاستالعانى تۋرالى جاۋاپ العانىن حابارلادى.

2019 جىلدىڭ ٴبىرىنشى توقسانىندا ۇرىمشىدەن الماتىعا، تالدىقورعانعا، شونجىعا، گەورگيەۆكاعا جانە شىمكەنتكە تۇراقتى حالىقارالىق اۆتوبۋس باعدارلارىنا قىزمەت جاسايتىن قر مەن قحر سۇار تاسىمالداۋشىلارىنىڭ شىعۋى تەپە-تەڭ تاسىمالدى قامتاماسىز ەتۋ ٴۇشىن اپتا كۇندەرىنە بولىنەدى.

ەكى تاراپ تۇراقتى حالىقارالىق اۆتوبۋس باعدارلارىنىڭ جۇمىسىن بۇزعان تاسىمالداۋشىلار تۋرالى اقپاراتپەن الماسۋى تۋرالى كەلىستى.

2018 جىلى 10 مىڭ دانا كولەمىندە «س» تۇرىندەگى رۇقساتتاما بلانكىلەرىن قوسىمشا الماسۋ تۋرالى، ال 2019 جىلى 50 مىڭ بلانكىمەن الماسۋ تۋرالى شەشىم قابىلداندى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي