BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستان بالامالى ەنەرگيا كوزدەرىن وندىرۋگە كوپ كوڭىل ٴبولىپ وتىر – باقىتجان جولامانوۆ

فوتو: Автор

الماتى، baq.kz ٴتىلشىسى. ەلباسى 2030 جىلى بالامالى ەنەگريانىڭ ۇلەسى 30 پايىزعا دەيىن جەتۋ كەرەك دەگەن تاپسىرما قويىپ وتىر. بۇل باعىتتا ٴبىز كەشەندى جۇمىستار اتقارۋدامىز. بۇل تۋرالى «سامۇرىق-ەنەرگو» اق باسقارما ٴتوراعاسى باقىتجان جولامانوۆ كۇن جانە جەل ەلەكتر ستانسيالارىنىڭ سالتاناتتى اشىلۋى كەزىندە ايتتى.

باسقارما ٴتوراعاسىىنڭ ايتۋىنشا، ٴقازىر قازاقستان بالامالى ەنەرگيا كوزدەرىن وندىرۋگە كوپ كوڭىل ٴبولىپ وتىر.

«ەلباسى 2030 جىلى بالامالى ەنەگريانىڭ ۇلەسى 30 پايىزعا دەيىن جەتكىزۋ كەرەك دەگەن تاپسىرما قويىپ وتىر. بۇل باعىتتا «سامۇرىق-ەنەرگو» اق جۇمىستار اتقارۋدا. بۇگىنگى ەكى ستانسيانىڭ ٴونىمىن الماتى مەن الماتى وبلىسىنىڭ تۇرعىندارى تۇتىناتىن بولادى. كورشى قىتاي ەلى كۇن ەنەرگياسىن قولدانۋ بويىنشا الەمدە كوش باستاپ تۇر جانە جىل سايىن ونى دامىتۋعا 1 ملرد دوللار سالىپ كەلەدى. سونداي-اق بۇل ستانسيالار قر ٴبىرىنشى پرەزيدەنتى كۇنىنە قاراي اشىلىپ وتىرعانى ٴبىز ٴۇشىن قۋانىشتى جاعداي»، -دەيدى ب.جولامانوۆ.

نىسانداردى قۇرۋعا «citic construction co، ltd» كومپانياسى باس مەردىگەر بولعان. ول قىتايدىڭ «جاسىل» ەنەرگەتيكا سالاسىندا كەشەندى قىزمەت كورسەتەتىن اسا ٴىرى مەملەكەتتىك ينۆەستيسيالىق كورپوراسيالارىنىڭ ٴبىرى بولىپ تابىلادى.

اتالعان كومپانيانىڭ شىعىس ەۋروپا جانە تمد دەپارتامەنتىنىڭ باس ديرەكتورى لي سزيانحۋەي جيىن بارىسىندا ەكى جاقتى كۇشتىڭ ارقاسىندا بۇل ستانسيالاردى ٴبىر جىل شاماسىندا ۋاقىتىنان بۇرىن ٴساتتى اياقتاعانىن جەتكىزدى.

«جاقىندا تاپسىرىس بەرۋشى تاراپ پەن قىتاي ەلى ۇكىمەتىنىڭ قاتىسۋىمەن بۇل ستانسيالاردى سىناقتان وتكىزىپ، ونىڭ جۇمىس ىستەۋگە دايىن ەكەندىگىن كورسەتتىك. بالامالى ەنەرگيا كوزدەرىن دامىتۋ جولىنداعى ٴبىزدىڭ ىنتىماقتاستىعىمىز ارى قاراي دامي بەرەدى دەگەن ويدامىن»، -دەيدى ول.

كۇشى 1 مۆت بولاتىن كۇن ەنەرگيا ستانسياسى 1 گەكتار جەردى الىپ جاتىر. ستانسيا ەكى ٴتيپتى، ياعني ەڭكەيۋ بۇرىشى بەكىتىلمەلى جانە كۇن جارىعىنا قاراي رەتتەلىپ وتىراتىن مەتالل كونسترۋكسيا ورناتىلعان، ول 3608 فوتو ەلەكتر مودۋلدەردەن تۇرادى. بۇدان شىققان ەنەرگيا «الاتاۋ جارىق كومپانياسى» اق-نا جەتكىزىلەدى ەكەن. قاراپايىم تىلمەن ايتاتىن بولساق بۇل ستانسيا شامامەن 300-گە جۋىق جەكە ٴۇيدى ساپالى ەلەكتر قۋاتىمەن قامتاماسىز ەتە الادى.

«كۇن جانە جەل ەلەكتر ستانسيالارىن قىتاي حالىق رەسپۋبليكاسى ەكى ەل اراسىنداعى كەلىسىم بويىنشا تەگىن سالىپ بەردى. كۇن ەلەكتر ستانسياسىندا وندىرىلگەن ەنەرگيا جىلىنا 1 ملن كۆت ساعاتتى قۇرايدى، ال جەل ەلەكتر ستانسياسى 17 ملن كۆت شاماسىندا ەنەرگيا وندىرەدى دەپ وتىرمىز. ٴقازىر ٴار ستانسيادا 3 وپەراتوردان جۇمىس ىستەۋدە. بۇل ستانسيانىڭ بارلىعى قىتايدا ٴوندىرىلىپ، سوندا جاسالعان»، - دەيدى «سامۇرىق-ەنەرگو» كومپانياسىنىڭ ەكونوميستى ەرسايىن ەرجان.

مامانداردىڭ پايىمداۋىنشا، كۇن ەلەكتر ستانسياسى كەمىندە 25 جىل، ال جەل ەلەكتر ستانسياسى 30 جىلدان استام قىزمەت كورسەتەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي