BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قاراشىعاناق جوباسىن دامىتۋ ماسەلەلەرى جونىندەگى كەلىسىمگە قول قويىلدى

قر ۇكىمەتى ەنەرگەتيكا مينيسترلىگى، قارجى مينيسترلىگى جانە وكىلەتتى ورگان — «psa» اتىنان، سونداي-اق eni، shell، chevron، «لۋكويل» جانە «قازمۇنايگاز» (بۇدان ٴارى – كونسورسيۋم) كومپانيالارى اتىنان قاراشىعاناق جوباسىنىڭ اكسيونەرلەرى وبەكتيۆتىلىك يندەكسى بويىنشا داۋدى دوستىق جولمەن رەتتەۋ جونىندە قاعيداتتىق ۋاعدالاستىققا قول جەتكىزدى، دەپ حابارلايدى baq.kz اقپارات اگەنتتىگى primeminister.kz سايتىنا سىلتەمە جاساپ.

تاراپتار رەتتەۋدىڭ نەگىزگى شارتتارىن بەكىتەتىن قاعيداتتار تۋرالى كەلىسىمگە قول قويدى.

قازاقستان رەسپۋبليكاسى مەن كونسورسيۋم اراسىندا پايدا بەرەتىن ٴونىمدى ٴبولۋ ماسەلەسىندە تاراپتاردىڭ ۇلەستەرىن كالكۋلياسيالاۋ ادىستەمەسى بويىنشا كەلىسپەۋشىلىكتەر بولاتىن. وسىعان وراي قاراشىعاناق جوباسىنىڭ ٴونىمىن ٴبولۋ تۋرالى تۇپكىلىكتى كەلىسىمنىڭ (بۇدان ٴارى – وبتك) شارتتارىنا سايكەس قازاقستان ٴوز قۇقىقتارىن قورعاۋ ٴۇشىن حالىقارالىق تورەلىككە تالاپ-ارىز بەرگەن ەدى. دەگەنمەن، كوپ جىلدىق ىنتىماقتاستىق تاجىريبەسىن ەسكەرە وتىرىپ، تاراپتار كەلىسسوزدەر بارىسىندا داۋدى رەتتەۋدىڭ ٴوزارا ٴتيىمدى بەيبىت جولىن تاپتى.

وسىلايشا، تاراپتار ۋاعدالاستىقتاردى بەكىتۋ ٴۇشىن قاعيداتتار تۋرالى كەلىسىمگە قول قويدى. وسى كەلىسىمدە رەتتەۋدىڭ مىناداي نەگىزگى شارتتارى كەلتىرىلگەن:

  1. كونسورسيۋم $1،111 ملرد مولشەرىندە قر-عا اقشالاي وتەماقى تولەيدى;

  2. وبتك ٴونىمىن ٴبولۋ تەتىگىنە وزگەرىستەر ەنگىزىلەدى، بۇل ٴوز الدىنا قازاقستاننىڭ 2037 جىلعا دەيىن ٴبىر باررەل ٴۇشىن $80 باعاسىمەن شامامەن $415 ملن قوسىمشا تابىس الۋىن قامتاماسىز ەتەدى;

  3. كونسورسيۋم ينفراقۇرىلىمدىق جوبا قۇرىلىسى ٴۇشىن قازاقستانعا $1 ملرد مولشەرىندە 10 جىلدىق مەرزىمگە ۇزاقمەرزىمدى زايم بەرەدى، نەمەسە شامامەن $200 ملن سوماسىندا زايمنىڭ ەكۆيۆالەنتتى قۇنىن (قر زايمنان باس تارتقان جاعدايدا) تولەيدى.

وسىلايشا، وسى رەتتەۋدىڭ جالپى اقشالاي قۇندىلىعى قازاقستان ٴۇشىن $1،7 ملرد قۇرايدى، ونىڭ ىشىندە شامامەن $1،3 ملرد-تى مەملەكەت جاقىن ارادا الادى.

ۇكىمەت كورسەتىلگەن ۇسىنىسقا قوسىمشا كونسورسيۋمنىڭ قاراشىعاناق جوباسىنىڭ بولاشاق دامۋى ٴۇشىن ماڭىزدى ينۆەستيسيالىق جوبالاردى ۋاقىتىلى ىسكە اسىرۋ بويىنشا مىندەتتەمەلەرىن قابىلداۋى تۋرالى كەلىستى. الدىن الا ينۆەستيسيالار كولەمى $5 ملرد سوماسىنا باعالانادى، بۇل 2037 جىلعا دەيىن ٴبىر باررەل ٴۇشىن $80 باعاسىمەن قر ٴۇشىن تابىستاردىڭ شامامەن $23،5 ملرد (نەمەسە npv10-دا شامامەن $6،4 ملرد) ٴوسۋىن كوزدەيدى.

سونىمەن قاتار تاراپتار جەرگىلىكتى موز-دەر ٴۇشىن جانە باتىس قازاقستان وبلىسىندا گاز-حيميا كەشەنىن دامىتۋ ٴۇشىن كوممەرسيالىق شارتتاردا كومىرسۋتەك شيكىزاتتارىن (مۇناي مەن گازدى) جەتكىزۋ مۇمكىندىگى تۋرالى كەلىستى.

«بۇل كونسورسيۋممەن جۇرگىزىلگەن كۇردەلى كەلىسسوزدەردىڭ ٴبىرى بولدى، ٴۇش جىلداي ۋاقىتقا سوزىلدى. مۇنداي ۇزاق مەرزىمنىڭ بولۋى داۋدىڭ كۇردەلى مازمۇنى مەن سيپاتىن عانا بىلدىرمەيدى، بۇل ٴبىزدىڭ، بىرىنشىدەن، ەلىمىزدىڭ ەكونوميكاسىن العا قويعانىمىزدى، ياعني، كەلىسسوزدەر شەڭبەرىندە قازاقستان ٴۇشىن پايدانى بارىنشا كوبەيتۋدى كوزدەگەنىمىزدى ايقىندايدى. داۋدى بەيبىت جولىمەن رەتتەۋ — قر-نىڭ ستراتەگيالىق سەرىكتەستەرمەن تۋىندايتىن داۋلاردى كەلىسىمشارتتا كوزدەلگەن ەرەجەلەرگە سايكەس دوستىق جاعدايىندا شەشەتىنىن كورسەتەدى»، — دەدى ەنەرگەتيكا ٴمينيسترى ق. بوزىمبايەۆ.

بۇگىنگى تاڭدا رەتتەۋدىڭ نەگىزگى قاعيداتتارى كەلىسىلگەن جانە وسى جىلدىڭ سوڭىنا دەيىن داۋدى رەتتەۋ تۋرالى تۇپكىلىكتى كەلىسىمگە قول قويىپ، مامىلەنى اياقتاۋ جوسپارلانعان.

«اتالعان داۋدى رەتتەۋ ٴبىز ٴۇشىن وتە ماڭىزدى بولعانىن اتاپ وتكىم كەلەدى، سەبەبى، بۇل داۋ قاراشىعاناق جوباسىن ودان ٴارى دامىتۋدا بەلگىسىزدىك تۋدىردى. وسىعان بايلانىستى، كونسورسيۋمنىڭ قاراشىعاناق جوباسىنىڭ بولاشاق دامۋى ٴۇشىن ماڭىزدى ينۆەستيسيالىق جوبالاردى ۋاقىتىلى ىسكە اسىرۋ بويىنشا مىندەتتەمەلەرىن قابىلداۋى اتالعان ۋاعدالاستىقتىڭ ماڭىزدى ەلەمەنتتەرىنىڭ ٴبىرى بولىپ تابىلادى»، — دەپ مالىمدەدى ق. بوزىمبايەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي