BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قاراعاندىدا 164 ادامدى جۇمىسپەن قامتيتىن پاترون زاۋىتى ىسكە قوسىلماق

قاراعاندىنىڭ «سارىارقا» ارنايى ەكونوميكالىق ايماعىندا «steel manufacturing» جشس پاترون شىعارۋ زاۋىتى بيىلعى جىلى جۇمىسىن باستايدى دەپ جوسپارلانۋدا. جوباعا 28 ملرد تەڭگە ينۆەستيسيا قۇيىلعان. زاۋىت 164 ادامدى جۇمىسپەن قامتىماق، دەپ xابارلايدى baq.kz ايماقتاعى ٴتىلشىسى.

وبلىس اكىمدىگىندە وتكەن اپپاراتتىق جينالىستا ايماعاقتاعى يندۋستريالدى-يننوۆاسيالىق دامۋ مەملەكەتتىك باعدارلاماسىنىڭ جۇزەگە اسىرىلۋ بارىسى تالقىلاندى. ونەركاسىپ جانە يندۋستريالدى-يننوۆاسيالىق دامۋ باسقارماسىنىڭ مالىمەتىنشە، يندۋستريالاندىرۋدىڭ ەكىنشى بەس جىلدىعىندا وبلىسىمىزدا كاسىپكەرلىكتى قولداۋ كارتاسىنىڭ 45 جوباسى جۇزەگە اسىرىلماق. بۇگىنگى كۇنگە دەيىن جالپى سوماسى 157 ملرد تەڭگەنى قۇرايتىن 28 جوبا ىسكە قوسىلعان. 2000-نان استام جاڭا جۇمىس ورىندارى اشىلدى.

«قاراعاندى وبلىسىندا 2018 جىلى كاسىپكەرلىكتى قولداۋ كارتاسى بويىنشا جالپى سوماسى 41،5 ملرد تەڭگەنى قۇرايتىن، 700-دەن استام جاڭا جۇمىس ورىندارىن قۇراتىن 4 ٴىرى جوبانى ىسكە قوسۋ جوسپارلانعان. بۇگىنگى تاڭدا ولاردىڭ ەكەۋى ىسكە قوسىلدى. بۇلار 13 ميلليارد تەڭگەدەن استام قاراجات جۇمسالىپ، جاڭعىرتىلعان «maker» جشس ماشيناقۇرۋ ٴوندىرىسى مەن شەت اۋدانىندا «sary-arka copper processing» جشس كاتودتىق مىس وندىرەتىن زاۋىتى»، - دەيدى ونەركاسىپ جانە يندۋستريالدى-يننوۆاسيالىق دامۋ باسقارماسىنىڭ باسشىسى عالىمجان جۇماسۇلتانوۆ.

ونىڭ ايتۋىنشا، بيىلعى جىلى «سارىارقا» ارنايى ەكونوميكالىق ايماعىندا پاترون شىعاراتىن زاۋىت جۇمىسىن باستايدى.

«جۇزەگە اسىرۋ بارىسىندا تاعى بىرنەشە جوبا تۇر، ونىڭ ىشىندە بيىلعى جىلى «steel manufacturing» جشس پاترون شىعارۋ زاۋىتى ىسكە قوسىلادى. بۇل جوبانى جۇزەگە اسىرۋ بارىسىندا 164 جۇمىس ورنى اشىلادى، تارتىلعان ينۆەستيسيا كولەمى 28 ملرد تەڭگەنى قۇرايدى»، - دەيدى ع. جۇماسۇلتانوۆ.

سونداي-اق 2018 جىلى ايماقتا 4 زاۋىتتىڭ قۇرىلىسى باستالادى دەپ جوسپارلانۋدا. ولار ونەركاسىپتىك جارىلعىش زاتتاردى، فەرروسيليكوالليۋمينيي، بولات تىك جاپسارلى ۇلكەن ديامەترلى قۇبىرلار مەن وتقا ٴتوزىمدى ماتەريالدار شىعارۋ بويىنشا ونەركاسىپتەر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي