BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

يندۋستريالاندىرۋ باستالعاننان بەرى جالپى قۇنى 6،1 ترلن تەڭگە بولاتىن 1148 جوبا ىسكە قوسىلدى

بۇل تۋرالى قر ينۆەستيسيالار جانە دامۋ ٴمينيسترى جەڭىس قاسىمبەك حالىققا ەسەپ بەرۋ كەزدەسۋىندە مالىمدەدى، دەپ حابارلايدى baq.kz اقپارات اگەنتتىگى.

ونىڭ ايتۋىنشا، ونەركاسىپ سەكتورىنىڭ دامۋىن، تۇراقتىلىعىن جانە ٴارتاراپتاندىرۋدى سيپاتتايتىن قازاقستان ەكونوميكاسىنىڭ قۇرىلىمى كەڭەيىپ كەلەدى.

«ەكونوميكانىڭ تەحنولوگيالىق كۇردەلىلىگىنىڭ جالپى قابىلدانعان يندەكسىنە سايكەس قازاقستان 2010-2016 جىلدارى ٴوز جاعدايىن 92 ورىننان 62-ورىنعا دەيىن ىلگەرلەتتى، ياعني 30 پوزيسياعا جاقسارتتى. بۇل ٴبىزدىڭ الەمدىك نارىقتا نەعۇرلىم باسەكەگە قابىلەتتى تاۋارلار ٴوندىرىپ، ەكسپورتقا شىعارعانىمىزدى بىلدىرەدى. قازىرگى ۋاقىتتا تارتىلاتىن تىكەلەي شەتەلدىك ينۆەستيسيالارىنىڭ ٴاربىر ٴتورتىنشى دوللارى وڭدەۋ سەكتورىنا كەلەدى، ونىڭ جالپى اعىنىنىڭ ۇلەسى 2017 جىلدىڭ قورىتىندىسى بويىنشا 25% قۇرادى»،-دەيدى مينيستر.

ٴمينيستردىڭ ايتۋىنا قاراعاندا، يندۋستريالاندىرۋ باستالعاننان بەرى (2010-2017 جىلدارى ارالىعىندا) جالپى قۇنى 6،1 ترلن تەڭگە بولاتىن 1 148 جوبا ىسكە قوسىلسا، 107 مىڭ تۇراقتى جۇمىس ورنى اشىلدى، سونىڭ ىشىندە 2017 جىلى 1،5 ترلن تەڭگەگە 120 جوبا ىسكە قوسىلىپ، 10 مىڭ تۇراقتى جۇمىس ورنى اشىلعان.

«مىسالى، ٴبىز بۇرىن ەكسپورتقا تولىعىمەن كەتەتىن تەك بوكسيتتەر مەن گلينوزەمدى وندىرسەك، قازاقستاندىق ەلەكتروليز زاۋىتىن ىسكە قوسۋ ارقىلى العاشقى ٴاليۋمينييدى ٴوندىرۋ باستالدى – بۇل ەكىنشى قايتا جاساۋ. وتكەن جىلى «giessenhaus» جشس جوباسى اياسىندا لەگيرلەنگەن ٴاليۋمينييدىڭ ٴوندىرىسى بويىنشا ٴ3-شى قايتا جاساۋدى باستادىق. وسى جوبامەن اليۋمينييدەن جاسالاتىن اۆتوموبيل ديسكىلەرىنىڭ دايىن ٴوندىرىسى باستالدى» - دەيدى جەڭىس قاسىمبەك.

سونىمەن قاتار ول، وتكەن جىلى ماشيناجاساۋ سالاسىندا كولەمى 914 ملرد تەڭگە بولاتىن ٴوندىرىستىڭ 5،6% وسىمىنە قول جەتكىزگەنىن اتاپ ٴوتتى.

«2010 جىلمەن سالىستىرعاندا جالپى ٴوندىرىس كولەمىندەگى ماشينا جاساۋ ۇلەسى 2،9-دان 4%-عا دەيىن ٴوستى. ماشينا جاساۋ ونىمدەرىنىڭ اسسورتيمەنتى ٴبىزدىڭ ەلدە بۇرىن ەشقاشان وندىرىلمەگەن جوعارى تەحنولوگيالى تاۋارلارمەن تولىقتى. مىسالى، بۇل الدىڭعى قاتارلى ستاندارتتارعا جاۋاپ بەرەتىن لوكوموتيۆتەر، ەلەكتروۆوزدار، جولاۋشىلار ۆاگونى، تاۋ-كەن جانە مۇناي-گاز قوندىرعىلارى. سالادا general electric، general motors، alstom، talgo، lg جانە ت.ب. بەلگىلى كومپانيالار جۇمىس ىستەيدى» - دەيدى مينيستر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي