BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

يگەرىلمەگەن جەرلەر مەملەكەت پايداسىنا قايتارىلۋدا 

الماتى، baq.kz. الماتىداعى جەر قورىن ٴتيىمدى پايدالانۋ تۋرالى ماسەلە اكىمدىك القاسى مەن قالا پروكۋراتۋراسىنىڭ بىرلەسكەن جيىنىندا تالقىلاندى. بۇل تۋرالى قالا اكىمدىگىنىڭ ٴباسپاسوز قىزمەتى ٴمالىم ەتتى.

قالا اكىمىنىڭ ايتۋىنشا، ٴقازىردىڭ وزىندە الماتىدا يگەرىلمەگەن 2،4 مىڭ جەر تەلىمىنىڭ بار ەكەنى انىقتالعان، ونىڭ 27%-ى اينالىمدا، 47%-ى 10 ەسە سالىق سالۋ ٴۇشىن مەملەكەتتىك كىرىس دەپارتامەنتىنە جىبەرىلگەن، ٴۇش ۋچاسكە ەرىكتى تۇردە مەملەكەت پايداسىنا قايتارىلعان. سونداي-اق ۋاقىتشا پايدالانۋ مەرزىمى بىتكەن جالعا بەرلىگەن جەرلەرگە تەكسەرۋ جۇرگىزۋ باستالعان. بۇگىنگى كۇنى پروكۋرورلار جالاقىسىن تولەمەي كەلگەن 34 جەر تەلىمىن انىقتاپتى. ەندى بۇل جەرلەر مەملەكەتتىك قورعا قايتارىلماق.

القا وتىرىسىندا قالا پروكۋرورى بەرىك جۇيرىكتايەۆ سوڭعى ەكى جىل ىشىندە مەگاپوليستىڭ ينفراقۇرىلىمىن دامىتۋ جانە جول ايرىقتارى مەن جولدار سالۋ ماقساتىندا 300-دەن استام جەر تەلىمدەرىنىڭ قايتارىلعانىن حابارلادى. جۇرگىزىلگەن تەكسەرۋ بارىسىندا قۇجاتتاردىڭ قولدان جاسالعاندىعى، جەر باعاسىنىڭ نەگىزسسىز كوتەرىلگەنى انىقتالعان. وسىنداي زاڭسىز ٴىس- ارەكەتتەردىڭ سالدارىنان مەملەكەتكە كەلگەن شىعىن 2،5 ملرد تەڭگەنى قۇراعان، پروكۋراتۋرا جۇرگىزگەن شارالار ارقاسىندا 1،5 ملرد تەڭگە شىعىننىڭ ورنى تولعان.

«بۇل سالادا ٴتۇرلى قۇيتىرقىلار جاسالادى. نىساننىڭ ٴاربىر يەسى كومپەنساسيا باعاسىن كوتەرۋدىڭ ٴتۇرلى جولدارىن ىزدەستىرەدى. ولار ٴۇشىن ەڭ قولايلىسى جالعان قۇجاتتار مەن باعانى كوتەرۋ. قىلمىسكەرلەر بارلىق قۇجاتتاردى – جەرگىلىكتى ورگانداردىڭ شەشىمدەرىن، تەحپاسپورتتى، نىساندى ىسكە قوسۋ اكتىسىن قولدان جاسايدى. ٴبىز جالعان قۇجاتتاردىڭ 14 فاكتىسىن انىقتادىق، بۇلاردان كەلەتىن شىعىن 2 ملرد. تەڭگەنى قۇرايدى. بۇلارعا قاتىستى قىلمىستى ٴىس قوزعالدى، شىعىننىڭ ورنىن تولتىرۋ شارالارى جۇزەگە اسۋدا»، - دەدى ب. جۇيرىكتايەۆ.

ول ٴوزىنىڭ سوزىندە قازىرگى كەزدە پروكۋراتۋرا تاراپىنان باعالاۋشىلاردىڭ بەرگەن قورىتىندىسىنا سالىستىرمالى ساراپتاما جۇرگىزىلگەنىن جانە كەلەڭسىز فاكتىلەردىڭ انىقتالعانىن ايتتى. قۇجاتتاردى قايتا تەكسەرۋ كەزىندە ٴىستى سوتتا قاراۋعا باسىمدىق بەرىلەدى. بۇگىنگى كۇنى سوتتا قارالعان 5 وبەكتىنىڭ العاشقى قۇنى 500 ملن تەڭگەگە تومەندەگەن. قارسىلىق بىلدىرىلگەن 12 ٴىس قارالۋدا، ولاردىڭ باعاسى 300 ملن تەڭگەگەگ تومەندەيدى دەپ كۇتىلۋدە.
قالالىق پروكۋراتۋرانىڭ مالىمەتى بويىنشا جالعا بەرۋ مەرزىمى ٴوتىپ كەتكەن جەرلەرگە قاتىستى كەلەڭسىز فاكتىلەرگە ورىن بەرىلگەن. سوڭعى 10 جىل ىشىندە ۋاقىتشا پايدالانۋعا جالپى كولەمى 3،7 مىڭ گەكتار بولاتىن 18 مىڭ جەر تەلىمى بەرىلگەن، ونىڭ ىشىندە وبلىسقا تيەسىلى جەرلەر دە بار. ادامدار جالعا بەرۋ مەرزىمى ٴوتىپ كەتسە دە جەردى پايدالنىپ كەلگەن ٴارى ونى ۇزارتۋعا ەش ارەكەت ەتپەگەن. سونىڭ سالدارىنان بيۋدجەتكە جال اقىسى رەتىندە ەشقانداي قارجى تۇسپەگەن.

جالپى، پروكۋرورلىق قاداعالاۋ اكتىسى بويىنشا قازىرگى كەزدە الماتىدا يگەرىلمەگەن جەر تەلىمدەرىنە 10 دۇركىن سالىق سالۋ جۇمىستارى قولعا الىنعان.

«مىسالى، كوپپاتەرلى ٴۇي سالىنۋى ٴتيىس 43،9 گا جەر ۋچاسكەسىنە 10 دۇركىن سالىق سالىنسا، ونىڭ كولەمى 120 ملن. تەڭگەنى قۇرايتىن بولادى»، - دەيدى قاداعالاۋشى ورگانداعىلار.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي