BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەنەرگەتيكا سالاسىن جاڭعىرتۋدىڭ مۇمكىندىكتەرى زور – پروفەسسور

فوتو: Автор

سوڭعى 3 جىلدا ٴبىزدىڭ عالىمدارمەن 100-گە جۋىق عىلىمي-تەحنيكالىق جوبالار جۇزەگە استى. بۇل تۋرالى الماتى ەنەرگەتيكا جانە بايلانىس ۋنيۆەرسيتەتىنىڭ رەكتورى، پروفەسسور ساۋلە ساعىنتايەۆا حالىقارالىق عىلىمي-تەحنيكالىق كونفەرەنسيا بارىسىندا ايتتى.

رەكتور وسى جىلى ۋنيۆەرسيتەت بازاسىندا «كيبەرقاۋىپسىزدىك تەحنولوگياسى» بويىنشا حالىقارالىق زەرتتەۋ لابوراتورياسى اشىلعاندىعىن جانە عالىمداردىڭ اتقارىپ جاتقان جۇمىستارىنا توقتالىپ ٴوتتى.

«ۋنيۆەرسيتەتتىڭ عالىمدارى مەن ينجەنەرلەرى تاراز جانە تالدىقورعان قالالارىن جىلۋمەن جابدىقتاۋدا اۆتوماتتاندىرىلعان جۇيە جاساپ جانە اتىراۋ مەن پاۆلودار مۇنايوڭدەۋ زاۋىتتارى جانە «قاراشىعاناق-پەترولەۋم» كومپانياسىنا اۆتوماتتاندىرىلعان باسقارۋ جۇيەسىن جاساۋدا تاپسىرىس بەرۋشىلەردىڭ جوعارى باعاسىنا يە بولدى»، -دەيدى س.ساعىنتايەۆا.

سونمەن قاتار ول، ۋنيۆەرسيتەتتىڭ دامۋ عىلىمىنداعى ايرىقشا ۆەكتور ول – بالاما ەنەرگەتيكاسى ەكەنىن ايتتى. ٴقازىر ٴبىلىم وشاعىندا «جاڭعىرتىلاتىن ەنەرگيا كوزدەرى مەن ەنەرگيا ۇنەمدەۋدەگى جاڭا تەحنولوگيالار» ورتالىعى جۇمىس ىستەپ جاتىر، سونداي-اق «بالاما جاڭعىرتىلاتىن ەنەرگيا كوزدەرى» عىلىمي زەرتحاناسى قۇرىلعان.

«ٴونىمدى يننوۆاسيانى ىنتالاندىرۋ» جوباسىن ىسكە اسىرۋ اياسىندا ۋنيۆەرسيتەت «kegoc» اق، «الاتاۋجارىقكومپانياسى» اق، «اتىراۋ-جارىق» اق، «ەنەرگەتيكا جۇيەسىن اۆتوماتتاندىرۋ ينستيتۋتى» جانە «قازنيپييتەس ەنەرگيا» اق-مەن وندىرىستىك سالانىڭ بىرلەستىگىنە كىرىپ، ٴقازىر «قازاقستاننىڭ ەنەرگەتيكا سالاسىن تەحنولوگيالىق جاڭعىرتۋ مەن يننوۆاسيالىق دامىتۋ» جوباسىن ورىنداۋدا. بۇل جوبا 3 جىلعا ەسەپتەلگەن ٴارى ونىڭ قارجىلاندىرۋ سوماسى 430 ملن تەڭگەنى قۇرايدى. ەنەرگەتيكا سالاسىن جاڭعىرتۋدىڭ مۇمكىندىكتەرى زور. ەنەرگەتيكا جوعارى تەحنولوگيالىق سالا بولا تۇسۋدە، ويتكەنى يننوۆاسيالىق تەحنولوگيا مەن ينتەللەكتۋالدى سيفرلى شەشىمدەر ەنەرگيانى ۇنەمدەۋ ماسەلەسىن شەشۋگە، ەلەكتر جەلىلەرىنىڭ سەنىمدىلىگىن ارتتىرۋعا، كومپانيالاردىڭ شىعىنىن تومەندەتۋگە جانە قازاقستاننىڭ ەلەكتر ستانسيالارىن باقىلاپ، مونيتورينگ جۇرگىزىپ وتىرۋعا مۇمكىندىك بەرۋدە. وسى تاپسىرمالاردى شەشۋ ٴۇشىن ۋنيۆەرسيتەت ەنەرگەتيكالىق جەلىلەردى سيفرلاندىرۋ بويىنشا «kegoc» اق كومپانياسىنىڭ تاپسىرىسىمەن 192 ملن تەڭگە سوماسىنداعى ەكى جۇمىستى اتقارۋدا»، -دەيدى رەكتور.

سونىمەن قاتار ول، ٴقازىر ٴبىلىم مەن عىلىم سالاسىنداعى qs، green metrix الەمدىك رەيتينگىنە كىرۋ ٴۇشىن قارقىندى جۇمىس ىستەپ جاتقاندارىن جەتكىزدى.

«سوڭعى 3 جىلدا ٴبىزدىڭ عالىمدارمەن 100-گە جۋىق عىلىمي-تەحنيكالىق جوبالار جۇزەگە استى، 60-تان اسا پاتەنت الىندى، 1500 جۋىق عىلىمي ماقالا جاريالاندى، ونىڭ 166-سى scopus ي web of science باسىلىمىندا شىقتى»، -دەيدى س. ساعىنتايەۆا.

ح حالىقارالىق عىلىمي-تەحنيكالىق كونفەرەنسيا اتالعان ۋنيۆەرسيتەتتىڭ تۇڭعىش رەكتورى عۇماربەك داۋكەەۆتى ەسكە الۋعا ارنالعان.

ەكى كۇنگە جالعاساتىن كونفەرەنسيادا ونەركاسىپ جانە ەكولوگيالىق قاۋىپسىزدىك، جىلۋ جانە ەلەكترەنەرگەتيكا، اۋىل شارۋاشىلىعىن ەنەرگيامەن قامتاماسىز ەتۋ، عارىشتىق ينجەنەريا، راديوتەحنيكا، ەلەكترونيكا جانە تەلەكوممۋنيكاسيا، اۆتوماتيكا، اقپاراتتىق تەحنولوگيالار مەن اقپاراتتىق قاۋىپسىزدىك جۇيەلەرى تالقىلانادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي