BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەندى اي-92 بەنزينىن قازاقستان ٴوزى وندىرەدى

بۇل تۋرالى بۇگىن استانادا وتكەن ٴباسپاسوز ٴماسليحاتىندا «قازمۇنايگاز» ۇك» اق-نىڭ مۇناي ماركەتينگى، تاسىمالداۋ جانە وڭدەۋ بويىنشا ۆيسە-پرەزيدەنتى مىندەتىن اتقارۋشى دانيار تيەسوۆ مالىمدەدى، دەپ حابارلايدى baq.kz اقپارات اگەنتتىگى.

«ٴ92-شى بەنزيننىڭ وڭىرلەردەگى قورى شامامەن 200 مىڭ توننانى قۇرايدى، بۇل ازىرگە بەنزين جاعدايى قالىپتى دەپ ايتۋ ٴۇشىن جەتكىلىكتى. قازاقستانداعى اي-92 بەنزينىن تۇتىنۋدىڭ تاۋلىكتىك نورماسى - 10 مىڭ توننا. ەلىمىزدەگى ٴۇش مۇناي وڭدەۋ زاۋىتىنان كۇنىنە 8،5 مىڭ توننا بەنزين الىنادى جانە تاۋلىگىنە 3-4 مىڭ توننا بەنزين يمپورتپەن جەتكىزىلەدى»، - دەدى د.تيەسوۆ.

«قازمۇنايگاز» وكىلى اي-95 ماركاسىنا قاتىستى جاعداي وزگەشە ەكەنىن ايتادى.

«اي-95 بەنزينى بويىنشا جاعداي ٴسال قيىنداۋ، كەي وڭىرلەردە شەكتەۋ قويىلدى جانە وقو، شقو، الماتى جانە قىزىلوردا وبلىستارىندا كارتالار مەن تالوندار بويىنشا ساتىلىپ جاتىر. قالعان وڭىرلەردە شەكتەۋ جوق. قازاقستان بويىنشا اي-95 بەنزينىنىڭ 14،5 مىڭ توننا قورى بار، ٴبىر ايعا شامامەن 20 مىڭ توننا قاجەت»، - دەپ اتاپ ٴوتتى ول.

سول سەبەپتى، كومپانيا وكىلدەرىنىڭ ايتۋىنشا، قازاقستاندىق مۇناي وڭدەۋ زاۋىتتارىنىڭ ٴبىر بولىگى اي-95 ماركاسىن شىعارۋعا كوشكەن.

«ديزەلدى وتىن بويىنشا بيىل شامامەن 168 مىڭ توننا قورىمىز بار. تۇتاس رەسپۋبليكا بويىنشا جانار-جاعارماي ماتەريالدارى جاعدايى تۇراقتى»، - دەپ تولىقتىردى ٴوز ٴسوزىن دانيار تيەسوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي