BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەلوردادا سۋ جانە كارىز قۇبىرلارىنىڭ 30% توزعان – «استانا سۋ ارناسى»

استانادا سۋ جانە كارىز قۇبىرلارىنىڭ 30% ەسكىرگەن. ولار جوندەۋدى تالاپ ەتەدى. بۇل تۋرالى «استانا سۋ ارناسى» مكك باس ديرەكتورىنىڭ ەكونوميكا جانە قارجى جونىندەگى ورىنباسارى ەلدار اسقاروۆ ٴمالىم ەتتى، دەپ حابارلايدى baq.kz ٴتىلشىسى.

«قازىرگى تاڭدا قالاداعى سۋ جانە كارىز قۇبىرلارىنىڭ 30% توزعان. ولاردى جوندەۋ قاجەت. وسى ورايدا بىزدە ينۆەستيسيالىق باعدارلاما جۇمىس ىستەيدى. اتالعان باعدارلاما اياسىندا سۋ جانە كارىز جەلىلەرى جوندەلەدى. سونداي-اق تەحنولوگيا دا جاڭارتىلادى. ەگەر بۇرىن 70 جىلدارى شىعارىلعان ەسكى قۇرالدار پايدالانىلسا، ولاردى جاڭارتۋ ارقىلى ەلەكتر ەنەرگياسىن ۇنەمدەۋگە مۇمكىندىك الدىق. وسىلايشا، ەلەكتر ەنەرگياسىنا كەتەتىن شىعىننىڭ 10% ۇنەمدەيتىن بولدىق »، - دەيدى باسشى «استانا سۋ ارناسى» مكك نىساندارىنا پرەسس-تۋر كەزىندە.

ونىڭ ايتۋىنشا، توزعان ەنەرگەتيكالىق جابدىقتاردى جاڭارتۋعا، اتالعان سالاعا اۆتوماتتاندىرۋ جۇيەسىن ەنگىزۋگە، سسس جانە كسس ناسوس جابدىقتارىن اۋىستىرۋعا، سۋ قۇبىرى جانە كارىز جۇيەلەرىن جوندەۋگە 6،5 ملرد تەڭگە قاجەت ەكەن.

«2016 جىلدان باستاپ، ٴبىزدىڭ مەكەمە قۇنى 6،5 ملرد تەڭگەنى قۇرايتىن 2016-2020 جىلدارعا ارنالعان ينۆەستسيالىق جوبانى جۇزەگە اسىرىپ جاتىر. اتالعان جوبا اياسىندا جىل سايىن 1،4 ملرد تەڭگە بولىنەدى. بۇل قارجى توزىعى جەتكەن قۇبىرلاردى جوندەۋگە، سسس جانە كسس ناسوس جابدىقتارىن اۋىستىرعا، سۋ جانە كارىز جۇيەلەرىن جوندەۋگە، جاڭا قۇرالداردى ساتىپ الۋعا جۇمسالادى»، - دەدى ول.

وسى ورايدا ەلدار اسقاروۆ اتالعان باعىتتا ٴتيىستى جۇمىستار جۇرگىزىلىپ جاتقانىن اتاپ ٴوتتى.

«بۇگىن ٴبىز گەيدار اليەۆ كوشەسىندە بولدىق. بۇل پروبلەمالى اۋماق بولىپ سانالاتىن. بۇل ماسەلەنى شەشتىك. قازىرگى تاڭدا 300 مەتر كارىز قۇبىرى جاڭارتىلدى. ال قالعان 500 مەتر كارىز قۇبىرىن الداعى ۋاقىتتا سالىپ بىتىرەمىز. ينۆەستيسيالىق باعدارلاما اياسىندا جۇمىستاردى وسى جىلدىڭ قاراشا ايىندا تولىعىمەن اياقتايمىز»، - دەپ تۇيىندەدى ٴسوزىن ەلدار اسقاروۆ.

cونىمەن قاتار «استانا سۋ ارناسى» مكك كارىزدەندىرۋ قىزمەتىنىڭ باسشىسى قۋانىش سۇلتانبايەۆ ينۆەستيسيالىق باعدارالاما اياسىندا №44 ناسوس ستانسياسى كۇردەلى جوندەۋدەن وتكەنىن اتاپ ٴوتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي