BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەلىمىزدەگى اۆتوكولىكتەردىڭ 59 پايىزىنىڭ وندىرىلگەن جىلى ەسكى

قازاقستان حالقى ٴبارى دە كولىكپەن جۇرۋگە، اسىرەسە جەكە ماشينا يەلەنۋگە قۇشتار. ٴبىراق ونىڭ پايداسى قايسى، زيانى قايسى دەگەندى ەكشەپ جاتپايدى. ايتپەسە بەنزيننىڭ قۇنى (كوپشىلىك تۇتىناتىن اي-92) 127 تەڭگەگە جەتتى، ديزەلدى وتىن 125 تەڭگەدەن استى. (ٴقازىر ٴتىپتى ديزەلدى وتىن قالانىڭ ٴبىرقاتار جانارماي بەكەتتەرىندە جوق). ال گاز ٴونىمى (اۆتوگاز) 60 تەڭگەدەن اسىپ كەتكەن ۋاقىتتا جاپپاي كولىكپەن ٴجۇرۋدىڭ تيىمدىلىگى قانشا؟ ونىڭ سىرتىندا قالالىق جەرلەردە كەپتەلىسپەن بار ۋاقىتىن بوسقا وتكىزىپ جاتقاندىقتارىمەن دە شارۋاسى جوق.

ال قازىرگى كەزدە قازاقستاندىقتاردىڭ يەلىگىندەگى جەڭىل ماشينالاردىڭ سانى جىل ساناپ ارتىپ كەلەدى. ستاتيستيكا كوميتەتىنىڭ مالمەتى بويىنشا وسىدان ون جىل بۇرىن 100 قازاقستاندىقتا 11 ماشينا بولسا، بۇل كورسەتكىش بيىلعى جىلى ەكى ەسەگە وسكەن. سوعان قاراماستان ەلىمىزدەگى كولىكتەردىڭ كوبى ٴالى دە ەسكى. قازاقستاندىقتاردىڭ تۇتىنۋىنداعى بارلىق ماشينانىڭ 59 پايىزدان كوبىنىڭ جاسالعان ۋاقىتى 10 جىلدان اسىپ كەتكەن. ال شىعارىلعان جىلى 3 جىلدان كەم بولاتىندار سانى 626 مىڭنان اسادى. ياعني جالپى اۆتوكولىكتىڭ 16-اق پايىزىن قۇرايدى.

وسىندايدا ەلىمىزدەگى اۆتوكولىكتەردىڭ «جاسىن كىشىرەيتۋ» ٴۇشىن وتاندىق اۆتووندىرىستەر قارقىندى جۇمىس ىستەۋلەرى كەرەك. بۇل تۇرعىدا مەملەكەت تاراپىنان دا قارجىلاندىرۋ جۇمىستارى جۇرگىزىلىپ جاتىر. مىسالى 2015 جىلدىڭ ساۋىرىندە وسى ماقساتتا ۇلتتىق قوردان ٴبىرىنشى ترانش ٴبولىنىپ، قازاقستان دامۋ بانكىنە 15 ملرد تەڭگە قاراستىرىلسا، كوپ وتپەي-اق جىل سوڭىندا قاراشا ايىندا 11 ملرد تەڭگە بولىنگەن. وسى قارجىنىڭ نەگىزىندە ازاماتتار نەسيەلىك كولىكتەردى كوپتەپ الدى. جىلدىق نومينالدى سىياقى مولشەرى 4 پايىزدان اسپايدى، نەسيەلەنۋ مەرزىمى 5 جىلدان ارتىق ەمەس، العاشقى جارنا 0-20%. 50-دەن استام كولىك تۇرلەرى كرەديتتىك ساتىلىمعا شىقتى.

الايدا وسىنشا قارجىلاندىرۋ، وسىنشاما نەسيە بەرىلۋىنە قاراماستان وتاندىق كولىكتەردىڭ باسىمدىعى، ماشينالاردىڭ ٴوندىرىلۋ ۋاقىتىنىڭ ازدىعى قالىپقا كەلمەي وتىر. دەگەنمەن بيىلعى جىلدىڭ باسىنداعى مالمەتتەرمەن سالىستىرعاندا وتاندىق كولىكتەرگە دەگەن سۇرانىس ٴبىرشاما قالىپقا تۇسە باستاعان. 2016 جىلدىڭ قاڭتار-تامىز ايلارى ارالىعىندا 6175 اۆتوكولىك ٴوندىرىلدى. بۇل وتكەن جىلداعى وسى ۋاقىتپەن سالىستىرعاندا از، الايدا ازىرگە ەڭ تومەنگى كورسەتكىش ەمەس.

وتاندىق كولىكتەردىڭ باعاسى دا بيىل قىمبات. وتكەن جىلعى وسى ۋاقىتپەن سالىستىرعاندا 35 پايىزعا جۋىق ٴوسىم بايقالادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي