BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بوزىمبايەۆ: ديزەل وتىنىن كورشى ەلدەرگە زاڭسىز جونەلتۋ فاكتىلەرى تىركەلۋدە 

استانا، baq.kz ٴتىلشىسى. شەكارا اۋماعىندا ديزەل وتىنىن كورشى ەلدەرگە جونەلتۋ فاكتىلەرى تىركەلىپ وتىر. بۇل جونىندە ورتالىق كوممۋنيكاسيالار قىزمەتىندە وتكەن بريفينگتە قر ەنەرگەتيكا ٴمينيسترى قانات بوزىمبايەۆ مالىمدەدى.

«مۇنايدى وڭدەۋ سالاسىندا مۇناي وڭدەۋ زاۋىتتارىنىڭ جاڭارتىلۋى اياقتالدى. وزدەرىڭىز بىلەتىندەي، جاڭارتۋ جۇمىستارى 2010 جىلى باستالعان بولاتىن. ناتيجەسىندە، وتاندىق جانار-جاعارماي سالاسىندا ك-4، ك-5 ساپاسى 100 پروسەنتكە قامتىلدى. بۇل رەتتەن بەنزين جانە ديزەل وتىنىمەن جۇرەتىن كولىكتەر ٴتۇتىنىنىڭ اتموسفەراعا، ەكولوگياعا زيانى ازايدى. سونىمەن قاتار، ديزەلدىڭ باعاسىن ۇستاپ تۇرۋ بويىنشا نارىقتا تاپشىلىق ورىن الماۋ ٴۇشىن ٴبىرقاتار شارالار قابىلدانۋدا. رەسەي مەن قىرعىزستان شەكارالارىنداعى باقىلاۋ كۇشەيتىلەدى. ٴقازىردىڭ وزىندە شەكارا اۋماعىندا ديزەل وتىنىن كورشى ەلدەرگە جونەلتۋ فاكتىلەرى تىركەلىپ وتىر. سول سەبەپتى، وسىنداي جاعدايدىڭ الدىن الۋ ماقساتىندا ٴتيىستى بۇيرىق جاقىن ۋاقىتتا قابىلدانادى»، - دەدى بوزىمبايەۆ.

ونىڭ ايتۋىنشا، اتىراۋ مۇناي-گاز زاۋىتى جاڭارتىلعان سوڭ، ەكسپورتقا باعدارلانعان بەنزول جانە پاراكسسلول شىعارۋ باستالىپ، وسى جىلى 14 مىڭ توننا وندىرىلگەن. الداعى جىلى 600 مىڭ توننا ٴوندىرۋ جوسپارلانىپ وتىر.

«اۆتوكولىك سالاسىندا مۇناي بيتۋمى ىشكى قاجەتتىلىكتى تولىق قامتاماسىز ەتىپ، ٴوندىرىس 822 مىڭ توننانى قۇرادى. بۇل وتكەن جىلمەن سالىستىرعاندا 112 پروسەنتكە جەتىپ وتىر. ەكى جىلدا بيتۋم ٴوندىرۋ ٴوسىمى ەكى ەسە ۇلعايدى. وسى جىلى وزبەكستان، قىرعىزستان جانە تاجىكستانعا بيتۋم ەكسپورتى 65 مىڭ توننانى قۇرادى»، - دەدى مينيستر.

سونىمەن قاتار، بوزىمبايەۆ 2018 جىلى ەلىمىزدەگى گاز ٴوندىرىسى وسكەنىن، الداعى جىلدارى قاراشىعاناققا 5 ملرد دوللار ينۆەستيسيال تارتىلاتىنىن جانە بيىل ەلدى مەكەندەردى گازداندىرۋ بويىنشا قانشا جوبا ىسكە اسىرىلعانىن ايتقان بولاتىن. مۇنان بولەك مينيستر ٴتورتىنشى مۇناي وڭدەۋشى زاۋىت قۇرىلىسى جايىندا ايتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي