BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

2018 جىلى ەلدى مەكەندەردى گازداندىرۋ بويىنشا 46 جوبا ىسكە اسىرىلعان 

استانا، baq.kz ٴتىلشىسى. ەلدى مەكەندەردى گازداندىرۋ بويىنشا 2018 جىلى 21 ملرد تەڭگەگە 46 جوبا ىسكە اسىرىلدى. بۇل جونىندە ورتالىق كوممۋنيكاسيالار قىزمەتىندە وتكەن بريفينگتە قر ەنەرگەتيكا ٴمينيسترى قانات بوزىمبايەۆ مالىمدەدى.

«وسى جىلدىڭ ماۋسىم ايىندا اتىراۋ وبلىسىندا قۋاتتىلىعى جىلىنا 500 مىڭ توننا بولاتىن قۇنى 2،6 ملرد اقش دوللارى تۇراتىن پوليپروپيلەندى ٴوندىرۋ بويىنشا ٴىرى جوبانىڭ قۇرىلىسى باستالدى. قازىرگى تاڭدا، قۇرىلىس كەزەڭىندە 900 جۇمىس ورنى اشىلسا، بەلسەندى قۇرىلىس جۇمىستارى كەزىندە بۇل كورسەتكىش 3 مىڭ جۇمىس ورنىنا دەيىن وسەدى. اتالعان جوبا 2021 جىلى تولىق ىسكە قوسىلعان سوڭ، وندا تۇراقتى 500 ادام جۇمىس جاسايتىن بولادى»، - دەدى بوزىمبايەۆ.

مينيستر ەلباسىنىڭ «بەس الەۋمەتتىك باستاماسىنىڭ» ارقاسىندا ٴوڭىرارالىق «سارىارقا» جوباسىنىڭ قۇرىلىسى باستالعانىن اتاپ ٴوتتى. قۇرىلىس كەزەڭىندە 800 جۇمىس ورنى، ال پايدالانۋعا بەرىلگەن كەزەڭدە 225 جۇمىس ورنى قۇرىلاتىن بولادى.

«2020 جىلى جوبا جۇزەگە اسىرىلعان كەزدە استانا قالاسى، اقمولا جانە قاراعاندى وبلىستارىنىڭ 142 مىڭ تۇرعىنى گازبەن قامتىلاتىن بولادى. بۇدان باسقا، رەسپۋبليكالىق بيۋدجەت ەسەبىنەن وڭىرلەردى گازداندىرۋ جالعاسۋدا. 2018 جىلى 21 ملرد تەڭگەگە 46 جوبا ىسكە اسىرىلدى. بيىلعى جىلى قازاقستان بويىنشا ەلدى مەكەندەردى گازداندىرۋ ۇلەسى 48 پروسەنتتى قۇرايدى»، - دەدى ەنەرگەتيكا ٴمينيسترى.

سونىمەن قاتار، بوزىمبايەۆ 2018 جىلى ەلىمىزدەگى گاز ٴوندىرىسى وسكەنىن جانە الداعى جىلدارى قاراشىعاناققا 5 ملرد دوللار ينۆەستيسيال تارتىلاتىنىن ايتقان بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي