BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بوزىمبايەۆ قاراشىعاناق كونسورسيۋمى 1 ملرد دوللار وتەماقىنى بىردەن تولەمەيتىنىن ايتتى

فوتو: Нұржас Жақсыбай

وسىعان دەيىن قازاقستان ۇكىمەتى مەن قاراشىعاناق جوباسىنىڭ اكسيونەرلەرى اراسىندا كەلىسپەۋشىلىكتەر تۋىنداعان. الايدا جاقىندا تاراپتار ورتاق مامىلەگە كەلدى. اتالعان مامىلەگە سايكەس قاراشىعاناق كونسورسيۋمى قازاقستانعا 1 ملرد 111 ملن دوللار وتەماقى تولەيدى. الايدا ەنەرگەتيكا ٴمينيسترى قانات بوزىمبايەۆ اتالعان وتەماقى بىردەن تولەنبەيتىنىن مالىمدەدى، دەپ حابارلادى baq.kz ٴتىلشىسى.

«وتەماقى ماسەلەسىنە توقتالايىن. قاراشىعاناق جوباسىنىڭ اكسيونەرلەرى قازاقستانعا 1 ملرد 111 ملن دوللار كولەمىندە وتەماقى تولەۋگە كەلىستى. قارجى 3 جىلدىڭ ىشىندە تولەنەدى: 2019 جىلى 400 ملن دوللار، 2020 جىلى 500 ملن دوللار، 2021 جىلى 211 ملن دوللار. بۇل قارجى ۇلتتىق قورعا تۇسەدى»، - دەدى مينيستر استانادا ٴوتىپ جاتقان دۇنيەجۇزىلىك مۇناي كەڭەسىنىڭ وتىرىسىنا ارنالعان بريفينگتە.

ايتا كەتەيىك، قاراشىعاناق جوباسىنىڭ اكسيونەرلەرى قۇرامىنا ەني، شەلل، شەۆرون، لۋكويل جانە قازمۇنايگاز كومپانيالارى كىرەدى.

ەستەرىڭىزگە سالا كەتەيىك، استانادا دۇنيەجۇزىلىك مۇناي كەڭەسىنىڭ (world petroleum council) وتىرىسى وتۋدە. وتىرىس 3-قازانعا دەيىن جالعاسادى. وعان 63 ەلدىڭ سالالىق مينيسترلىكتەرىنىڭ وكىلدەرى، حالىقارالىق ۇيىمدار مەن ٴىرى ترانسۇلتتىق كومپانيالار باسشىلارى، وپەك مۇشەلەرى قاتىسۋدا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي