BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بقو-دا قۇنى 2،6 ملرد دوللارلىق 11 جوبا ينۆەستورلار كومەگىمەن ىسكە اسۋدا

باتىس قازاقستان وبلىسىندا ينۆەستورلاردىڭ قاتىسۋىمەن جالپى سوماسى 2،6 ملرد اقش دوللارىن قۇرايتىن 11 جوبا ىسكە اسىرىلىپ جاتىر. بۇل تۋرالى ينۆەستيسيالار تارتۋ جانە ينۆەستيسيالىق كليماتتى جاقسارتۋ جونىندەگى وڭىرلىك كەڭەستىڭ وتىرىسى بارىسىندا ايتىلدى، دەپ حابارلايدى baq.kz اقپارات اگەنتتىگى.

وتىرىس بارىسىندا «kazakh invest» ۇك» اق باسقارماسىنىڭ ٴتوراعاسى ٴبىرجان قانەشەۆ ۇلتتىق كومپانيانىڭ قىزمەتى تۋرالى اڭگىمەلەدى جانە باتىس قازاقستان وبلىسىنىڭ شەتەلدەن ينۆەستيسيالار تارتۋ الەۋەتىنىڭ زور ەكەندىگىن اتاپ ٴوتتى. سونىمەن قاتار ول ٴوڭىردىڭ ينۆەستيسيالار ٴۇشىن تارتىمدىلىعى ونىڭ ستراتەگيالىق جانە گەوگرافيالىق ورنالاسۋىمەن، ۇلكەن تابيعي-رەسۋرستىق الەۋەتىمەن بايلانىستىلىعىن اتاپ ٴوتتى.

ٴوز كەزەگىندە بقو اكىمى التاي كۇلگىنوۆ ٴوڭىردىڭ ينۆەستيسيالىق تارتىمدىلىعى ونىڭ ەكونوميكالىق دامۋىنىڭ نەگىزگى فاكتورى ەكەندىگىن باسا ايتتى.

ٴوڭىر باسشىسى اتاپ وتكەندەي، اتقارۋشى ورگاندار باتىس قازاقستان وبلىسىنىڭ ينۆەستيسيالىق كليماتىن جاقسارتۋعا جانە ٴوڭىرارالىق بايلانىستاردى نىعايتۋعا مۇددەلى. بۇل رەتتە ول ينۆەستورلاردى تارتۋ پروسەسىندە جوبالاردىڭ بارلىعى ٴبىرىنشى كەزەكتە ٴوڭىردىڭ قاجەتتىلىكتەرىنە سايكەس بولۋى كەرەكتىگىنە نازار اۋداردى.

باتىس قازاقستان وبلىسىنىڭ ينۆەستيسيالار تارتۋ بويىنشا 2018-2022 جىلدارعا ارنالعان وڭىرلىك ستراتەگياسى ازىرلەنىپ، بەكىتىلگەن، ونىڭ شەڭبەرىندە ينۆەستيسيالاردى بۇكىل سيكل بويىنا قولداۋ جۇمىسى جوسپارلانعان.

«kazakh invest» ۇلتتىق كومپانياسى ينۆەستيسيالىق جوبالاردى «ٴبىر تەرەزە» قاعيداتى بويىنشا قولداۋ قىزمەتتەرىنىڭ تولىق سپەكترىن قامتاماسىز ەتەدى.

وتىرىس بارىسىندا وڭىرلىك وكىلدىك ديرەكتورى ٴانۋار نيەتقاليەۆ وكىلدىكتىڭ قىزمەتى تۋرالى جانە وبلىستىڭ الەۋەتى جايلى باياندادى. اتاپ ايتقاندا، وڭىردە جالپى سوماسى 2،6 ملرد اقش دوللارىن قۇرايتىن 11 جوبا ىسكە اسىرىلۋدا. بۇعان قوسا، ٴانۋار نيەتقاليەۆ كەڭەسكە قاتىسۋشىلاردى جالپى سوماسى 739 ملن اقش دوللارىن قۇرايتىن 9 تاۋاشالىق جوبا تۋرالى حاباردار ەتتى.

وتىرىس جۇمىسىنا، سونىمەن قاتار، قازاقستان رەسپۋبليكاسىنىڭ مەملەكەتتىك قىزمەت ىستەرى جانە سىبايلاس جەمقورلىققا قارسى ٴىس-قيمىل اگەنتتىگىنىڭ باتىس قازاقستان وبلىسى بويىنشا دەپارتامەنتىنىڭ باسشىسى بولات يساكوۆ قاتىستى، ول «ينۆەستورلاردى سىبايلاس جەمقورلىققا قارسى قولداۋ» («protecting business and investments») جوباسىنىڭ باستاۋ العاندىعى جونىندە ايتىپ بەردى.

بۇل جوبانى ىسكە اسىرۋ قولايلى ينۆەستيسيالىق كليمات قالىپتاستىرۋعا، بيزنەس پەن ينۆەستورلاردىڭ مەملەكەتتىك وكىمەت ينستيتۋتتارىنا سەنىمىن ارتتىرۋعا، شەتەلدە ەلدىڭ وڭ ٴيميدجىن قالىپتاۋعا ىقپال ەتەتىن بولادى. دەپارتامەنت باسشىسى اتاپ وتكەندەي، جوبانى اگەنتتىك «kazakh invest» ۇلتتىق كومپانياسىمەن بىرلەستىكتە جۇزەگە اسىرۋدا.

سونىمەن قاتار، ٴوزىنىڭ باتىس قازاقستان وبلىسىنا جۇمىس ساپارى بارىسىندا «kazakh invest» باسقارماسىنىڭ ٴتوراعاسى ٴبىرجان قانەشەۆ «سمارت ورال» ورتالىعىنىڭ قىزمەتىمەن تانىستى جانە جۇمىس توبىمەن follow-up جوبالارىن، تاۋاشالىق جوبالاردى تالدادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي