BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بيىل 6 قازاقستان-قىتاي ينۆەستيسيالىق جوباسى ىسكە قوسىلادى

قر ينۆەستيسيالار جانە دامۋ ٴمينيسترى جەڭىس قاسىمبەك حالىق الدىنداعى ەسەپتىك كەزدەسۋىندە قازاقستان-قىتاي بىرلەسكەن ينۆەستيسيالىق جوبالاردىڭ ىسكە اسىرىلۋ بارىسى تۋرالى ايتتى، دەپ حابارلايدى baq.kz اقپارات اگەنتتىگى.

ٴمينيستردىڭ ايتۋىنشا، قازاقستان جانە قحر مەملەكەت باسشىلارىنىڭ باستامالارىنىڭ ناتيجەسىندە ەكى ەلدىڭ ىنتىماقتاستىعى جان-جاقتى ستراتەگيالىق ارىپتەستىككە اينالدى.

«بىرلەسكەن جوبالار قازاقستاننىڭ بارلىق ايماعىندا جۇزەگە اسىرىلاتىن بولادى. قازىرگى ۋاقىتتا جالپى قۇنى 7 ملرد اقش دوللارى بولاتىن 11 جوبا بويىنشا قۇرىلىس جۇمىستارى جۇرگىزىلىپ جاتىر. بيىل سونىڭ التاۋى ىسكە قوسىلادى. بۇل جوبالار ينفراقۇرىلىم، قۇرىلىس، اوك، تمك، ماشينا جاساۋ جانە حيميا ونەركاسىبى سالالارى بويىنشا ىسكە اسىرىلادى. اتالعان جوبالار ويداعىداي ىسكە اساتىن بولسا، قازاقستاندىقتار ٴۇشىن ونداعان مىڭ جۇمىس ورنى اشىلادى» - دەيدى جەڭىس قاسىمبەك.

ونىڭ سوزىنە قاراعاندا، قازاقستان-قىتاي بىرلەسكەن ينۆەستيالىق جوبالارىنىڭ تىزىمىندە جالپى قۇنى 27،7 ملرد اقش دوللارىن قۇرايتىن 51 جوبا بار.

«قازىرگى تاڭدا پاۆلودار، قوستاناي جانە سولتۇستىك قازاقستان وبلىستارىندا ماشينا جاساۋ، مۇناي وندەۋ، حيميا، تاماق ونەركاسىبى جانە لوگيستيكا سالالارى بويىنشا 143 ملن. دوللاردىڭ 4 جوباسى ىسكە استى. ەكونوميكانىڭ باسىم سەكتورلارىنا ينۆەستورلاردى تارتۋ بويىنشا جۇرگىزىلىپ جاتقان جۇمىستاردىڭ اياسىندا مينيسترلىك 2018-2020 جىلدارعا ارنالعان تۇراقتى جانە اعىمداعى ينۆەستيسيالىق جوبالاردىڭ پورتفەلىن قۇردى، ونىڭ ىشىندە شەتەلدىكتەردىڭ قاتىسۋىمەن قۇنى 43،8 ملرد اقش دوللارى بولاتىن 140 جوبا ەنىپ وتىر» - دەدى مينيستر.

سونداي-اق، جەڭىس قاسىمبەك مەملەكەت باسشىسىنىڭ تاپسىرماسى بويىنشا ۇكىمەت ەكونوميكانى ينۆەستيسيالاۋدى ىنتالاندىرۋدىڭ جاڭا تاسىلدەرىن ازىرلەگەندىگىن، ول ۇلتتىق ينۆەستيسيالىق ستراتەگياعا بەكىتىلگەندىگىن ايتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي