BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«بەينەۋ-بوزوي-شىمكەنت» گاز قۇبىرىنىڭ كومپرەسسورلىق ستانسياسى ىسكە قوسىلدى

تۇركىستان، baq.kz. «قازترانسگاز» اق ۇلتتىق وپەراتورى «تۇركىستان» كومپرەسسورلىق ستانسياسىن پايدالانۋعا قوستى.

ونىڭ قۇرىلىسى «بەينەۋ-بوزوي-شىمكەنت» گاز قۇبىرىنىڭ وتكىزۋ قابىلەتى جىلىنا 10 ملرد.م3-تەن جىلىنا 15 ملرد.م3-كە دەيىن ارتتىرۋ جونىندەگى ينۆەستيسيالىق جوبانىڭ اياسىندا ىسكە اسىرىلدى.

ستانسيانى ىسكە قوسۋ سالتاناتتى راسىمىنە تۇركىستان وبلىسىنىڭ اكىمى جانسەيىت تۇيمەبايەۆ پەن «ينتەرگاز ورتالىق ازيا» اق باس ديرەكتورى ۆ. حۆان قاتىستى.

"بۇل ٴبىزدىڭ ٴوڭىرىمىز ٴۇشىن ەكونوميكالىق تۇرعىدان دا، الەۋمەتتىك جاعىنان دا وتە ماڭىزدى وقيعا. تۇركىستان وبلىسى جىلىنا 2،5-3 ملرد تەكشە مەتر گاز تۇتىنادى. وسى نىساننىڭ ىسكە قوسىلۋىمەن ٴوڭىردى كوگىلدىر وتىنمەن قامتاماسىز ەتۋ ماسەلەسى تولىعىمەن شەشىلدى. بۇل وزىق تەحنولوگيامەن جابدىقتالعان يننوۆاسيالىق نىسان. نىساننىڭ پايدالانۋعا بەرىلۋى جاڭا جۇمىس ورىندارىن اشۋعا مۇمكىندىك بەردى. 50 شاقتى ادام تۇراقتى جۇمىسپەن قامتاماسىز ەتىلدى" - دەيدى وبلىس اكىمى جانسەيىت تۇيمەبايەۆ.

«تۇركىستان» جوعارى تەحنولوگيالىق كومپرەسسورلىق ستانسياسى تۇركىستان مەن قىزىلوردا وبلىستارىنىڭ اۋماعىندا «بەينەۋ-بوزوي-شىمكەنت» گاز ماگيسترالىنىڭ بويىندا بيىل «قازترانسگاز» اق سالعان كومپرەسسورلىق ستانسيالاردىڭ ٴبىرى بولىپ تابىلادى. وسىنىڭ الدىندا، قازاقستاننىڭ تۇڭعىش پرەزيدەنتى كۇنى قارساڭىندا، ۇلتتىق گاز وپەراتورى «ارال» كس دە ىسكە قوسقان بولاتىن.

جاڭا ستانسيالاردىڭ جۇمىسى گاز جانە گازبەن جابدىقتاۋ سالاسىنداعى ۇلتتىق وپەراتورعا جىل سايىن ٴوسىپ وتىرعان قاجەتتىلىكتەردى جابۋ ٴۇشىن، اسىرەسە جىلىتۋ كەزەڭىندەگى ەڭ كوپ جۇكتەمە كەزىندە قازاقستاننىڭ وڭتۇستىك وڭىرلەرىنە گازدى ىركىلىسسىز تاسىمالداۋ پروسەسىنىڭ بارىنشا سەنىمدىلىگىن قامتاماسىز ەتۋگە مۇمكىندىك بەرەدى. بۇگىنگى تاڭدا، رەسپۋبليكانىڭ وڭتۇستىگىنىڭ كوگىلدىر وتىنعا دەگەن قاجەتتىلىگى شامامەن جىلىنا 5 ملرد تەكشە مەتر گازدى قۇرايدى.

بۇعان قوسا، «ورتالىق ازيا - قىتاي» ترانسازيالىق ماگيسترالدىق گاز قۇبىرىنا بەرىلەتىن كولەمدەر ايتارلىقتاي وسەدى، ول قحر-عا قازاقستاندىق گازدى ەكسپورتتاۋ كولەمىن ارتتىرۋعا مۇمكىندىك بەرەدى.

كومپرەسسورلىق ستانسيالاردى سالۋ كەزىندە پايدالانىلعان يننوۆاسيالىق جابدىق، سونداي-اق كومەكشى جۇيەلەر كەشەنى، ماگيسترالدىق گاز قۇبىرىن پايدالانۋدىڭ بۇكىل كەزەڭىندە ٴقاۋىپسىز ٴارى تەحنولوگيالىق تۇرعىدان ىركىلىسسىز تاسىمالداۋدى قامتاماسىز ەتە الادى.

گاز ينفراقۇرىلىمىنىڭ جاڭا وبەكتىلەرى ماگيسترالدىق گاز قۇبىرى وتەتىن اۋدانداردا تۇراتىن قازاقستاندىقتاردى جۇمىسپەن قامتۋ پروبلەماسىن شەشۋگە كومەكتەسەدى. ىسكە قوسىلاتىن كومپرەسسورلىق ستانسيالار، باسقا دا گاز تاسىمالداۋ وبەكتىلەرى سياقتى، وڭتۇستىك ٴوڭىردى الەۋمەتتىك-ەكونوميكالىق دامىتۋدا ماڭىزدى رولگە يە بولماق.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي