BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«اتىراۋدا جاسالعان» اتتى كاسىپكەرلەردىڭ العاشقى بيزنەس-فورۋمى ٴوتتى

اتىراۋدا وتكەن شاراعا قازاقستاننىڭ ٴارتۇرلى وڭىرلەرىنەن 300-گە جۋىق كاسىپكەرلەر مەن تاۋار وندىرۋشىلەر قاتىستى، دەپ حابارلايدى baq.kz اقپارات اگەنتتىگى.

ٴىس-شارا ەلباسىنىڭ كەزەكتى جىل سايىنعى جولداۋى اياسىندا وتكىزىلىپ، وتاندىق تاۋار وندىرۋشىلەردى قولداۋعا باعىتتالدى.

شاراعا قاتىسۋشىلار جەرگىلىكتى قامتۋ، مەملەكەتتىك قىزمەتتەردى جانە مەملەكەتتىك-جەكە مەنشىك ارىپتەستىكتى سيفرلاندىرۋ ماسەلەلەرىن تالقىلادى. ٴىسىن جاڭا باستاعان كاسىپكەرلەر وزدەرىنىڭ العاشقى جوبالارىن ۇسىنۋعا، سونداي-اق مەملەكەتتىك قولداۋ شارالارى تۋرالى اقپارات الۋعا مۇمكىندىك الدى. فورۋممەن قاتار جەرگىلىكتى تاۋار وندىرۋشىلەردىڭ جارمەڭكەسى ۇيىمداستىرىلدى، وعان 32 كومپانيا قاتىستى.

اتىراۋ وبلىسى اكىمىنىڭ ٴبىرىنشى ورىنباسارى سەرىك شاپكەنوۆتىڭ ايتۋىنشا، فورۋمنىڭ الدىندا قاتىسۋشىلار تىڭداعان مەملەكەت باسشىسىنىڭ جىل سايىنعى جولداۋىندا وتاندىق كاسىپكەرلىكتى، حالىق تۇتىناتىن تاۋارلاردى ٴوندىرۋدى، يمپورتتى الماستىرۋدى، سونداي-اق دامىعان ەلدەردىڭ بارلىق ەۋروپالىق ستاندارتتارىنا سايكەس كەلەتىن ونىمدەردى ەكسپورتتاۋعا ۇلكەن كوڭىل ٴبولىندى. سەرىك شاپكەنوۆ كاسىپكەرلەردى «قاراپايىم زاتتار» ەكونوميكاسىن دامىتۋعا شاقىردى. بۇدان باسقا، بيزنەس ٴۇشىن قۋاتتى سەرپىن 2019 جىلدىڭ 1 قاڭتارىنان باستاپ كۇشىنە ەنەتىن سالىق امنيستياسىن ەنگىزۋ بولماق.

«قازاقستاندىق قامتۋ» ماسەلەسىنە ەرەكشە نازار اۋدارىلدى. كاسىپكەرلەردىڭ ايتۋىنشا، بۇگىنگى تاڭدا جەر قويناۋىن پايدالانۋشىلار جەرگىلىكتى وندىرۋشىلەرگە جوعارى تالاپتار قويادى جانە وندىرىستە جەرگىلىكتى وندىرىلگەن ونىمدەر مەن تاۋارلاردى پايدالانۋدان ٴجيى باس تارتادى.

"جەرگىلىكتى قامتۋ ۇلەسىنە اتىراۋ وبلىسىنىڭ اكىمى ٴارقاشان ۇلكەن كوڭىل ٴبولدى. ٴقازىر جاعداي كەلەسىدەي: ينۆەستور كەلىپ، جوبانى ىسكە اسىرۋ ٴۇشىن بىزبەن كەلىسىمشارت جاساسقان كەزدە، ونىڭ وندىرىستە پايدالانىلاتىن ماتەريالداردىڭ ساپا ستاندارتتارىن قوسا العاندا، ٴتيىستى تالاپتارى بار. كوبىنە جەرگىلىكتى وندىرۋشىلەردىڭ تاۋارلارى جوعارى ساپا ستاندارتتارىنا سايكەس كەلمەيدى، جانە ماتەريالداردى شەتەلدەن ساتىپ الۋعا تۋرا كەلەدى. ونىمدەردىڭ ساپاسى ەۋروپالىق دەڭگەيدەن كەم تۇسپەيىندەي بولاتىنداي ەتىپ ينۆەستورلاردىڭ سەنىمىنە يە بولۋ كەرەك. ەكىنشى جاعىنان، مەنىڭ ويىمشا، قازاقستاندىق قامتۋ پاتريوتيزمنەن باستالادى. وتاندىق تاۋارلاردى ٴوزىمىز قابىلداپ، ۇناتىپ، كۇندەلىكتى ومىردە پايدالانۋىمىز كەرەك. تەك سودان كەيىن قازاقستاندىق قامتۋ ماسەلەسى ارتتا قالادى"، - دەدى فورۋمنىڭ قاتىسۋشىلارىنا سەرىك شاپكەنوۆ.

فورۋمنىڭ جۇمىسى كۇن بويى جالعاستى، پلەنارلىق وتىرىستار ارالىعىنداعى ۇزىلىستەردە بيزنەسمەندەر ۆيزيتكالار الماسۋعا، جاڭا تانىستار مەن بايلانىستار جاساۋعا، سونداي-اق قازاقستاننىڭ باسقا ايماقتارىنان كەلگەن كاسىپكەرلەردىڭ بيزنەس جۇرگىزۋ تاجىريبەلەرىن ۇيرەنۋگە مۇمكىندىك العانىن اتاپ وتەمىز.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي