BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استاناداعى يندۋستريالدىق پاركتىڭ 18 كاسىپورنى جابىلۋ قاۋپىندە تۇر

فوتو: Нұржас Жақсыбай

«استانا – جاڭا قالا» اەا يندۋستريالدىق پاركىنىڭ 18 كاسىپورنى سالىق كودەكسىندەگى ولقىلىقتاردىڭ سالدارىنان بۇگىندە جابىلۋ قاۋپىندە تۇر. بۇل جونىندە بۇگىن ەلوردادا ٴوتىپ جاتقان قازاقستان رەسپۋبليكاسىنىڭ ارنايى ەكونوميكالىق ايماعى قاتىسۋشىلارىنىڭ iv سەزى بارىسىندا «sezunion» قر انايى ەكونوميكالىق ايماقتارى قاتىسۋشىلارىنىڭ قاۋىمداستىعى» زتب باسقارما ٴتوراعاسى ەلميرا ابۋعاليەۆا مالىمدەدى، دەپ حابارلايدى baq.kz ٴتىلشىسى.

«بىزگە «استانا – جاڭا قالا» ارنايى ەكونوميكالىق ايماعىنان ٴبىزدىڭ قاۋىمداستىق مۇشەلەرى، كاسىپكەرلەرى حابارلاسىپ، تۋىنداپ وتىرعان پروبلەما جايىندا مالىمدەدى. ٴبىرىنشى پروبلەما ەسكى سالىق كودەكسىنىڭ 244-بابىنا قاتىستى. وندا ەكى پروبلەما بار. ٴبىر ايماقتا ٴوزارا تاۋار ساتاتىن جانە ساتىپ الاتىن كاسىپورىندار بار. ولار تاۋاردى قابىلدايتىن اەا قاتىسۋشىسى نولدىك مولشەرلەمە بويىنشا ساتىپ الادى، ال ساتاتىن قاتىسۋشىنىڭ نولدىك مولشەرلەمە بويىنشا ساتۋعا قۇقىعى جوق. سوندا كاسىپورىن ىشكى ايماقتا ساتاتىن بولسا، ول ەڭ الدىمەن وڭىرگە شىعارادى، سول تاۋاردى ساتىپ العان تاراپ قانا ارنايى ەكونوميكالىق ايماققا نولدىك مولشەرلەمە ارقىلى ساتا الادى. مىنە، وسىنداي جۇيە. استانا اەا قاتىسۋشىلارى نولدىك مولشەرلەمە ارقىلى ساتا الاتىندارى جونىندە الدىن الا كونسۋلتاسيا العان. وسى ۋاقىتتان بەرى، كوپ جىلدار بويى ٴدال وسى جۇيە ارقىلى ساتىپ تا كەلدى. وتكەن جىلدىڭ كۇز مەزگىلىندە مەملەكەتتىك كىرىستەر باسقارماسى بۇل ارەكەتتەردىڭ بارلىعى بۇلاي بولماۋى كەرەك ەكەنىن، اەا كاسىپورنى نولدىك مولشەرلەمەمەن ساتا المايتىنىن مالىمدەدى. وسى جىلدار ىشىندە كوپ ۇستەماقى جينالىپ تا ۇلگەرگەنى بەلگىلى. بۇل جاعداي 4 كاسىپورىنعا قاتىستى بولىپ وتىر»، - دەدى ە.ابۋعاليەۆا.

ونىڭ بەرگەن مالىمەتىنە سايكەس، سالىق ورگانىنا «قارىزدانىپ» قالعان كاسىپورىننىڭ ٴبىرى جانە ىشىندەگى ەڭ ٴىرىسى – «ابك-ماكسات» جشس بولىپ وتىر. وعان مەملەكەتتىك كىرىستەرگە قوسىمشا تولەۋ سوماسى 700 ملن تەڭگە شاماسىندا. ابۋعاليەۆا اتالعان كاسىپورىن بۇل قاراجاتتى تولەۋى ەكىتالاي ەكەنىن ايتتى.

«ەكىنشى پروبلەما – كاسىپورىن تاۋار شىعارۋ ٴۇشىن شيكىزات ساتىپ الادى. سىرتتان كەلگەن جابدىقتاۋشى نولدىك مولشەرلەمە ارقىلى شيكىزات جەتكىزۋى كەرەك، وعان مىندەتتى. ٴبىراق، بۇل جاعدايدا جابدىقتاۋشى تۋىندايتىن ققس-نى بيۋدجەتكە ٴوزى تولەۋى كەرەك. مەملەكەت تاراپىنان وسى سومانى قايتا ٴوندىرۋ جونىندە باعدارلاما بار. الايدا، ەشبىر جابدىقتاۋشى مۇنىمەن اينالىسقىسى كەلمەيدى. سەبەبى، بۇل وتە كۇردەلى پروسەسس، كوپ جاۋاپ تەكسەرىستەن ٴوتۋدى كەرەك جانە ول ۇزاق ۋاقىتتى قاجەت ەتەدى. ەگەر بارلىعى دۇرىس بولسا، وندا شامامەن جارتى جىلدىڭ ىشىندە اقشاسى قايتارىلادى، قانداي دا ٴبىر قاتەلىكتەر بولسا، ٴتىپتى قايتارىلمايدى. سول سەبەپتى، بارلىق جابدىقتاۋشى شيكىزات العىڭ كەلسە – ال، العىڭ كەلمەسە – الما دەگەن قاعيدامەن جۇمىس جاسايدى. وسى ورايدا ٴبىز جيىندار مەن دوڭگەلەك ۇستەلدەر وتكىزىپ، ەگەر ٴسىز ققس تولەۋشىسى بولساڭىز، وندا ەسەپكە الۋ ارقىلى ساتىپ الۋعا بولاتىنى جونىندە مامىلەگە كەلگەنبىز. بارلىعى وسىلاي جاساپ كەلدى دە. ال ەندى ول ەسەپكە الۋ سوماسى سوڭعى بەس جىلدا وتە قوماقتى قاراجاتقا اينالعانى بەلگىلى. ٴساۋىر ايىندا وسى ماسەلەگە قاتىستى 18 كاسىپورىنعا سالىق ورگانىنان حابارلاندىرۋ كەلگەن بولاتىن. ٴبىز تەز ارادا ارنايى حاتتار دايىنداپ، ٴتۇرلى قۇرىلىمدىق ورگاندارعا جولدادىق. دەپۋتاتتار ەكاتەرينا نيكيتينسكايا مەن ازات پەرۋاشەۆ ٴبىزدىڭ ماسەلەمىزگە ٴۇن قاتىپ، ۇكىمەتكە ساۋال جولدادى. سودان كەيىن بۇل ٴىس توقتاتىلعان بولاتىن. الايدا، كۇنى كەشە عانا ول كاسىپورىنداردىڭ شوتتارى بۇگىننەن باستاپ بۇعاتتالاتىنى جونىندە اقپارات الدىق»، -

ول بۇل 18 كاسىپورىن 2013 جىلداعى ەسەپ-قيساپتاردى تەكسەرۋ بارىسىندا انىقتالىپ وتىرعانىن، الداعى ۋاقىتتا مۇنداي كاسىپورىن سانى ەسەلەپ ارتاتىنىن ايتتى. سەبەبى، ارادا ٴتورت جىل ۋاقىت بار.

«بۇل وتە قيىن جاعداي. ٴوزىڭىز ەلەستەتىپ كورىڭىزشى، كاسىپورىن جۇمىس جاساپ كەلدى، ونىڭ ٴوز جابدىقتاۋشىلارى بار، جۇمىسشىلارى بار. ال ولاردىڭ شوتتارى بۇعاتتالادى. سوندا نە بولماق؟» - دەدى باسقارما ٴتوراعاسى.

ابۋعاليەۆا قالا اكىمدىگى، دەپۋتاتتار جانە ۇكىمەتتەن بۇل پروبلەمانى كاسىپورىنداردىڭ جابىلۋىنا جەتكىزبەي شەشىپ بەرۋىن سۇرادى.

جوعارىدا اتالعان «ابك-ماكسات» جشس-نىڭ ديرەكتورى يبراگيم ارىستانبايەۆ مۇنداي سومانى تولەۋدى تالاپ ەتۋدىڭ جونسىزدىگىن ايتتى.

«نولدىك مولشەرلەمە بويىنشا ققس ٴبىز ٴۇشىن پروبلەما بولىپ وتىر. بۇل ٴبىز بەس جىل بويى قولدانىپ كەلگەن جەڭىلدىك. ٴبىز وسى جەڭىلدىكتەر ٴۇشىن اەا كەلىپ، كاسىپورىندار قۇردىق جانە بىزگە ول جەڭىلدىكتى قولدانۋعا رۇقسات بەرىلگەن. ەندى كەلىپ ٴبىز سالىق زاڭناماسىن بۇزدى دەپ، ۇستىندەگى قاراجاتتى، ياعني ايىپپۇل جانە وسىمپ ۇلىمەن بىرگە تولەۋىمىزدى تالاپ ەتىپ وتىر. ال ٴبىزىڭ ولاردى تولەۋگە شامامىز جوق. سوندا، ٴقازىر جۇمىس ىستەپ وتىرعان، مەملەكەتكە سالىقتى، جۇمىسشىلارعا جالاقىنى ۋاقىتىلى تولەپ وتىرعان كاسىپورىنداردى جاۋىپ، بانكروتقا ۇشىراتىپ، جۇمىسشىلاردى دالادا قالدىرماق. ٴبىزدىڭ كاسىپورىنعا نولدىك مولشەرلەمە بويىنشا ققس بويىنشا ايىپپۇل جانە وسىمپۇلمەن قوسا ەسەپتەگەندە 700 ملن تەڭگە، ال ققس-نى ەسەپكە الۋ بويىنشا 1،5 ملرد تەڭگە تولەۋ جونىندە تالاپ قويىپ وتىر. سوندا بىزگە بەس جىل بويى دۇرىس جۇمىس جاساپ وتىرسىڭدار دەپ كەلدى دە، ٴۇش اي ۇۇس بويىنشا كۇردەلى تەكسەرۋ ٴجۇرىپ جاتقانىن ايتتى. سوڭىندا، ٴبىز دۇرىس ەمەس جۇمىس ىستەپ وتىر ەكەنبىز. ال ٴبىز ٴقازىر ەشتەڭە دالەلدەي الماي وتىرمىز»، - دەدى جشس باسشىسى.

ايتا كەتۋ كەرەك، اتالعان كاسىپورىندا 285 ادام جۇمىس ىستەيدى. ديرەكتوردىڭ ايتۋىنشا، كاسىپورىن جالاقىنى ۋاقىتىلى تولەۋمەن قاتار، جۇمىسشىلاردى بارلىق الەۋمەتتىك-ماتەريالدىق تولەمدەرمەن قامتاماسىز ەتىپ وتىر.

«ٴقازىر ۇلتتىق ەكونوميكا مينيسترلىگى بۇل پروبلەمانى شەشىپ جاتىر. ٴبىراق، ول تەك بولاشاقتا تۋىندايتىن وسى تەكتەس پروبلەماعا قاتىستى. ياعني، ٴبىزدىڭ باسىمىزعا تۋعان ٴىستى شەشە المايدى. بىزگە ول سومانى ٴبارىبىر تولەۋ كەرەكسىڭدەر دەيدى. مۇمكىن، دەپۋتاتتىق ساۋالدان كەيىن باس پروكۋراتۋرا شەشىپ بەرەر. بولماسا، سوت بار. سوتقا جۇگىنەرمىز»، - دەدى ٴۇمىتىن ۇزبەگەن كاسىپورىن ديرەكتورى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي